Efesas 5:23 - Pijin Bible

²³ bikos man nao hemi hed blong waef blong hem olsem Kraes hemi hed blong sios. An sios nao hemi bodi blong Kraes, wea Kraes hemi bin sevem hem finis.

Pijin Deuterocanon

²³ bikos man nao hemi hed blong waef blong hem olsem Kraes hemi hed blong sios. An sios nao hemi bodi blong Kraes, wea Kraes hemi bin sevem hem finis.

Efesas 5:23 Iomraidhean Croise

Aposol 20:28

So yufala mas lukaftarem yufala seleva gudfala, wetem evri pipol wea Holi Spirit hemi putum long han blong yufala. Yufala mas stap olsem olketa man fo lukaftarem olketa sipsip, an lukaftarem gud disfala sios blong God wea hemi bin peimaot taem San blong hem hemi dae olsem wanfala sakrifaes.

1 Korin 6:13

Maet narafala man moa hemi sei, “Kaikai hemi samting fo helpem bele ya, an bele hemi fo holem kaikai nomoa.” Diswan hemi tru, bat tufala ya evriwan bae God hemi finisim nomoa. Bodi hemi no samting fo yusim fo durong wetem eniwan. Bodi hemi fo yusim long waka blong Masta an Masta nao hemi fo bosim disfala bodi ya.

Efesas 4:15

Nomoa ya. Yumi mas lavem evriwan an talem wanem hemi tru nomoa, mekem yumi save grouap long evri wei fo joen go wetem Kraes hu hemi hed blong sios.

Efesas 5:24

An long wei wea sios hemi putum hem seleva andanit long paoa blong Kraes, olketa woman tu mas wiling fo duim olsem long olketa hasban blong olketa.

Kolosi 1:18

An Kraes nao hemi hed blong sios, an sios nao hemi olsem bodi blong hem, an laef blong sios ya nao hemi kamaot long hem. Hemi faswan wea hemi laefbaek moa from dae, olsem hem nomoa hemi nambawan long evrisamting ya.

1 Tesalonaeka 1:10

An olketa tokabaotem hao yufala weitem San blong hem Jisas hu bae hemi kamdaon from heven. God nao hemi mekem hem fo laefbaek moa from dae, an taem long bikfala panis blong God, Jisas nao bae hemi sevem yumi.

Revelesin 19:7

Yumi mas filgud an hapi tumas nao, an yumi mas liftimap nem blong hem, bikos hemi taem nao fo marit fist blong Smolfala Sipsip ya. An disfala gele fo hemi maritim, hemi redi finis nao.

Revelesin 5:9

An olketa gohed fo singim wanfala niufala singsing wea hem sei olsem, “Yu nao man wea yu fit fo tekem skrol ya an brekem olketa tambu mak long hem. Bikos olketa bin kilim yu dae, an disfala blad blong dae blong yu hemi peimaot olketa pipol fo God. Olketa pipol ya i stap kam long evri traeb an long evri langguis an long evri laen long wol an long evri kantri.