Efesas 5:19 - Pijin Bible

¹⁹ An taem yufala Kristin hipap tugeta, yufala mas gohed fo singim olketa Sam, an olketa singsing blong lotu, an olketa nara singsing wea Holi Spirit hemi givim kam. Yufala mas singsing an preisim Masta long haat blong yufala.

Pijin Deuterocanon

¹⁹ An taem yufala Kristin hipap tugeta, yufala mas gohed fo singim olketa Sam, an olketa singsing blong lotu, an olketa nara singsing wea Holi Spirit hemi givim kam. Yufala mas singsing an preisim Masta long haat blong yufala.

Efesas 5:19 Iomraidhean Croise

Sams 147:7

Yumi mas singsing fo preisim Yawe. Ya, yumi mas singsing wetem olketa gita fo mekhae long God blong yumi.

Sams 62:8

Olketa pipol blong mi, God nao hemi sefples blong yumi. So hemi gud fo yufala mas trastem hem olowe, an talemaot olketa trabol blong yufala long hem.

Sams 86:12

God, yu nao yu Masta blong mi. Bae mi preisim yu long evri tingting blong mi, an bae mi liftimap hae nem blong yu olowe nao.

Sams 95:2

Yumi go long Tambuhaos fo tengkiu long hem, an preisim hem long olketa hapi singsing.

Aesaea 65:14

Bae olketa wakaman blong mi i hapi an singsing, bat bae yufala barava sore an krae.

Matiu 15:8

wea hemi sei, ‘Pipol ya, long toktok nomoa olketa mekhae long mi, bat maen blong olketa hemi barava stap farawe from mi nao.

Matiu 26:30

Long taem ya, olketa singim wanfala singsing, an bihaen nomoa, olketa goaot nao an olketa go long hil blong Oliv tri.

Aposol 16:25

Nao long midol long naet, Pol an Saelas tufala go-gohed fo prea an singim olketa singsing fo mekhae long God. An olketa nara pipol long prisin olketa gohed fo lisin long tufala nomoa.

1 Korin 14:15

?So olsem, wanem nao bae mi duim? Mi mas prea long langguis blong Holi Spirit an mi mas prea long langguis blong mi seleva tu. An mi mas singsing long langguis blong Holi Spirit an mi mas singsing long langguis blong mi seleva tu.

1 Korin 14:26

Nao olketa Kristin fren, wanem mi minim hemi olsem ya. Taem yufala kam tugeta fo prea, evriwan nao i save help. Wanfala hemi save singsing, an narawan hemi save tisim samfala samting, an narawan hemi save talem wanem God hemi bin somaot long hem, an narawan hemi save toktok long olketa spesol kaen langguis, an narawan hemi save talem kam mining blong disfala toktok ya. Evrisamting ya hemi mas helpem biliv blong evriwan.

Kolosi 3:16

Yufala mas letem toktok ya blong Kraes wea hemi fulap long olketa gudfala samting, fo hemi stap oltaem insaet long maen blong yufala. An yufala mas gohed fo yusim olketa waes toktok fo stretem yufala an fo tisim yufala evriwan gudfala. An hemi gud fo yufala preisim God long maen blong yufala, an gohed fo singim olketa singsing blong Buktambu an olketa singsing blong lotu an olketa nara singsing wea Holi Spirit hemi save givim kam.

Jemes 5:13

Sapos eniwan long yufala hemi garem enikaen trabol, hemi mas prea long God. An sapos eniwan hemi filhapi, hemi mas singsing fo mekhae long God.

Revelesin 5:9

An olketa gohed fo singim wanfala niufala singsing wea hem sei olsem, “Yu nao man wea yu fit fo tekem skrol ya an brekem olketa tambu mak long hem. Bikos olketa bin kilim yu dae, an disfala blad blong dae blong yu hemi peimaot olketa pipol fo God. Olketa pipol ya i stap kam long evri traeb an long evri langguis an long evri laen long wol an long evri kantri.