Efesas 5:16 - Pijin Bible

¹⁶ Distaem ya, wei blong nogud ya hemi garem paoa, so yufala mas yusim gud evri lelebet taem fo duim olketa gudfala samting.

Pijin Deuterocanon

¹⁶ Distaem ya, wei blong nogud ya hemi garem paoa, so yufala mas yusim gud evri lelebet taem fo duim olketa gudfala samting.

Efesas 5:16 Iomraidhean Croise

Jenesis 29:7

Nao hemi tok olsem, “Olketa fren, bat san hemi stap antap yet ya. Hemi no taem yet fo tekem kam olketa sipsip long wanfala ples. Hemi moabeta fo yufala givim wata long olketa, nao yufala tekem olketa fo go kaikai moa.”

Sams 37:19

Bae olketa no save sem taem olketa hadtaem i kam. Ya, bae olketa garem plande kaikai long taem wea kaikai hemi sot.

Eklesiastes 11:2

Givim olketa samting long plande pipol, bikos yu no save watkaen trabol nao bae hemi kasem disfala wol.

Eklesiastes 12:1

Taem yu yang yet, yu mas tingim God hu hemi mekem yu. Yu mas tingim hem bifoa taem blong olketa trabol hemi kam kasem yu. Long taem ya, bae yu tok olsem, “Mi nating hapi nao long laef ya.”

Eklesiastes 9:10

Yumi mas barava wakahad gudfala long evrisamting wea yumi duim. Taem yumi go long ples blong man dae, bae yumi no waka, o tingting, o garem save, o garem waes.

Daniel 2:8

Bat king hemi tok olsem, “Mi save finis wea yufala trae fo westem taem nomoa, bikos yufala save dat toktok blong mi hemi stap finis.

Emos 5:13

Ya, long taem olsem diswan wea olketa ravis pipol i spoelem narafala pipol olsem yufala ya duim, man hu hemi laek fo talem tru samting long kot, hemi sud stap kuaet nomoa.

Matiu 25:17

Long sem wei tu, disfala man hu hemi tekem tufala seleni ya, hemi go fo mekem bisnis long hem an hemi winim kam nara tufala moa.

Gudnius abaotem Jisas Kraes wea Jon hemi raetem 12:35

Jisas hemi ansarem olketa olsem, “Fo lelebet taem nomoa, bae laet hemi stap wetem yufala. So yufala mas wakabaot nao taem laet ya hemi stap yet wetem yufala, nogud tudak hemi kam kasem yufala. Eniwan hu hemi wakabaot long tudak hemi no save long ples wea hemi go-go long hem ya.

Leta wea Pol hemi raetem go long sios long Rom 13:11

Mi talem yufala fo duim olketa samting ya, bikos yufala save finis long disfala taem wea yumi stap long hem. Hemi kasem taem nao fo yufala wekap long slip blong yufala, bikos distaem hemi kolsap tumas nao fo God hemi kam fo sevem yumi, winim taem wea yumi jes stat fo biliv.

1 Korin 7:26

Taem mi lukim bikfala trabol wea hemi gohed distaem ya, mi ting hemi moabeta fo yufala stap olsem yufala stap long distaem nomoa.

Galesia 1:4

Kraes hemi letem hem seleva fo dae fo finisim olketa sin blong yumi, mekem yumi fri from disfala ravis wei blong wol ya. Long wei ya nao, hemi duim wanem God Dadi blong yumi hemi laekem.

Galesia 6:10

Dastawe nao, long evri taem wea samting hemi kamap, yumi mas duim olketa gudfala samting long evri pipol. An bikfala samting nao hemi fo duim diswan long olketa pipol hu i stap insaet long famili blong God.

Efesas 6:13

So distaem, yufala mas werem evrisamting fo faet wea God hemi givim. Sapos olsem, bae yufala save stopem disfala enemi, nomata eni taem hemi kam fo faetem yufala. An bae yufala save faet go-go kasem en, an bae yufala save stanap strong oltaem.

Efesas 6:15

An yufala mas yusim sandol wea hem nao hemi wei fo stap redi oltaem fo talemaot Gudnius blong piis.

Kolosi 4:5

Yufala mas waes gudfala tu long wei wea yufala stap wetem olketa pipol wea olketa no biliv long Kraes. An yufala mas tingting gud evri taem yufala stori wetem olketa.