Efesas 5:12 - Pijin Bible

¹² Olketa ravis samting wea olketa save duimhaed ya, nomata fo tokabaotem, yumi barava filsem tumas long hem.

Pijin Deuterocanon

¹² Olketa ravis samting wea olketa save duimhaed ya, nomata fo tokabaotem, yumi barava filsem tumas long hem.

Efesas 5:12 Iomraidhean Croise

2 Samuel 12:12

Yu bin durong long ples wea hemi haed, bat bae mi mekem wantok blong yu fo durong long klia ples nomoa, mekem evriwan blong Israel i lukim.’”

Provebs 9:17

“!Wata wea yu stilim, hemi suit moa! !An kaikai wea yu kaikaim haed, hemi naes tumas!”

Eklesiastes 12:14

God bae hemi jajem yumi evriwan falom evri gudfala samting, an evri nogud samting wea yumi bin duim. An nomata olketa samting wea yumi duim haed, bae hemi jajem yumi long hem tu.

Jeremaea 23:24

?Waswe, eni man save haed long ples wea mi no save lukim hem? Nomoa nao. !Mi fulumapem evri ples long heven an long disfala wol!

Leta wea Pol hemi raetem go long sios long Rom 2:16

An falom wanem mi talemaot long Gudnius, bae diswan hemi hapen long de wea God hemi jajem wanem hemi staphaed insaet long haat blong pipol. Bae hemi givim paoa long Jisas Kraes fo jajem evriwan.

Efesas 5:11

Yufala mas no duim olketa samting blong tudak, wea hemi olketa ravis samting nomoa. Bat yufala mas somaot nomoa long olketa pipol wea diskaen wei hemi nogud.

Efesas 5:13

Bat taem laet hemi saenaot long olketa samting blong tudak ya, bae olketa pipol barava luksave long olketa ya nao.

Efesas 5:3

Yufala i holi pipol blong God, an hemi no fitim fo yufala mekem eniwan save tingse dat yufala save durong wetem eniwan, o duim enikaen ravis samting olsem moa, o fo kavetem olketa samting blong nara pipol.

1 Pita 4:3

Plande taem finis, yufala bin falom wei blong olketa pipol hu i no biliv long God. Olketa ya nao i laek fo durong wetem eniwan nomoa, an olketa laekem tumas olketa nogud samting. An olketa gohed fo drang tumas, an mekem olketa bikfala fist fo kaikai an dring tumas an fo duim olketa samting wea hemi barava nogud. An olketa gohed tu fo wosipim olketa laea god.

Revelesin 20:12

An mi lukim evri pipol hu i dae finis. Evriwan ya, nomata olketa bikman o man nating, olketa stanap long frant long bikfala tron ya. Den olketa openem disfala buk blong laef. An olketa openem olketa nara buk tu wea i talemaot olketa samting wea evriwan i bin duim kam long laef blong olketa. An God hemi jajem evriwan falom olketa samting ya.