Efesas 4:7 - Pijin Bible

⁷ Long kaenfala lav blong Kraes, hemi givim olketa spesol paoa long yumi evriwan, falom barava tingting blong hem.

Pijin Deuterocanon

⁷ Long kaenfala lav blong Kraes, hemi givim olketa spesol paoa long yumi evriwan, falom barava tingting blong hem.

Efesas 4:7 Iomraidhean Croise

Matiu 25:15

An hemi givim plande seleni long olketa falom save blong olketa. Long wanfala hemi givim faefala bikfala seleni, long narawan hemi givim tufala, an long narawan hemi givim wanfala. Bihaen nao, hemi go long nara ples.

Gudnius abaotem Jisas Kraes wea Jon hemi raetem 3:34

Disfala man wea God hemi sendem hem kam, hemi talemaot toktok blong God bikos God hemi barava givim kam Holi Spirit fo helpem hem.

Leta wea Pol hemi raetem go long sios long Rom 12:3

Long wanem God hemi givim kam long mi, mi talem long yufala, yufala no tinghae long yufala seleva tumas. Bat yufala mas tingabaotem yufala seleva long stretfala wei nomoa, falom biliv wea God hemi givim long yufala.

2 Korin 6:1

Mifala waka tugeta wetem God, an askem strong long yufala fo no tekem olsem samting nating, disfala kaenfala lav wea God hemi somaot long yufala.

Efesas 3:2

Mi barava save dat yufala herem finis, wea long kaenfala lav blong God, hemi bin givim disfala waka long mi fo mi helpem yufala.

Efesas 3:8

Nomata mi lou winim evri pipol blong God, God hemi kaen tumas an hemi givim mi disfala waka. Hemi sendem mi go long olketa hu i no Jiu, fo talemaot Gudnius abaotem olketa gudfala samting blong Kraes wea tingting blong yumi no save kasem.

Hibrus 2:4

An God tu hemi somaot dat disfala toktok hemi tru tumas, long wei wea hemi mekem enikaen samting fo hapen, olsem olketa saen an mirakol wea olketa pipol sapraes long hem. An hemi somaot diswan tu long wei wea hemi givimaot olketa spesol paoa blong Holi Spirit long olketa pipol, falom tingting blong hem seleva.

1 Pita 4:10

God hemi givim yufala finis enikaen spesol paoa fo duim gudfala waka blong hem. So yufala mas yusim olketa spesol paoa ya fo helpem yufala evriwan.