Efesas 4:28 - Pijin Bible

²⁸ Man hu i save stil olowe, hemi mas finis from diskaen wei an stat fo waka gudfala. Hemi mas duim olketa gudfala samting long han blong hem, mekem hemi save helpem olketa hu i pua.

Pijin Deuterocanon

²⁸ Man hu i save stil olowe, hemi mas finis from diskaen wei an stat fo waka gudfala. Hemi mas duim olketa gudfala samting long han blong hem, mekem hemi save helpem olketa hu i pua.

Efesas 4:28 Iomraidhean Croise

Stori abaotem Job 34:32

Yu mas askem hem fo hemi somaot olketa rong blong yu wea yu no save lukim. An yu mas promis long hem wea bae yu no duim moa.

Eksodas 20:15

“Yufala mas no stil.

Eksodas 20:17

“Yufala mas no kavetem olketa samting blong wantok blong yufala, fo tekem fo yufala seleva. Yufala mas no kavetem waef blong hem, o slev blong hem, o buluka blong hem, o dongki blong hem, o olketa narafala samting wea hemi garem.”

Eksodas 21:16

“Eniwan hu hemi stilim narafala man, nomata sapos hemi salem finis olsem slev o hemi kipim hem yet, yufala mas kilim man ya dae.

Provebs 13:11

Seleni man garem kuiktaem long kon, hemi lus kuiktaem. Seleni man garem long hadwaka, hemi save kamap bik.

Provebs 14:23

Wakahad an bae yu garem gud samting, tok nating an bae yu garem nating.

Provebs 21:26

Olowe Lesibon wande fo tekem enikaen samting. Bat olowe stretfala man hemi wande fo givim enikaen samting.

Provebs 28:13

Yu haedem sin blong yu, laef blong yu bae nogud. Bat yu talemaot sin blong yu an lusim hem, God bae kaen long yu.

Provebs 30:9

Nogud mi ris tumas an fogetem Yawe. Nogud mi pua tumas an mi stilim samting an meksem long nem blong God blong mi.

Provebs 31:20

Hemi kaen tumas long pua pipol, an hemi helpem pipol hu i garem hadtaem.

Jeremaea 7:9

Oltaem yufala stil, an kilim dae olketa pipol, an brekem lo blong marit, an brekem olketa promis wea yufala mekem. Yufala gohed fo bonem insens go long god Baal, an wosipim olketa narafala god wea yufala no save long olketa bifoa.

Hosia 4:2

Oltaem yufala mekem strongfala promis, bat yufala nating kipim. Yufala save laea tumas, an yufala save kilim man dae, an yufala save stil, an yufala save brekem lo blong marit. Oltaem yufala gohed fo brekem Lo blong mi, an yufala gohed nomoa fo mekem olketa narafala pipol safa.

Sekaraea 5:3

Nao hemi tok olsem long mi, ?Skrol ya hemi garem olketa toktok long hem fo mekem trabol hemi kam kasem evriwan long disfala lan. Long wanfala saet blong hem hemi talemaot dat evri man fo stil, bae Yawe hemi ronemaot olketa. An long nara saet hemi talemaot dat evri man hu hemi laea taem hemi mekem strongfala promis, bae Yawe hemi ronemaot olketa.

Gudnius abaotem Jisas Kraes wea Luk hemi raetem 19:8

Bat Sakias hemi stanap an hemi tok olsem long Masta, “!Lukim Masta! Bae mi givim haf long evrisamting blong mi long olketa pua pipol. An olketa wea mi ravem olketa long enisamting, bae mi sensimbaek foa taem moa winim wanem mi tekem long olketa.”

Gudnius abaotem Jisas Kraes wea Luk hemi raetem 3:8

Bat yufala mas lusim olketa ravis wei blong yufala ya, mekem yufala garem olketa gudfala frut long laef blong yufala. Nogud yufala talem dat bae God hemi sevem yufala bikos yufala nao bon kam long laen blong Ebraham. Mi talem yufala stret, God hemi save mekem olketa ston ya fo kamap pipol fo mekem niufala laen blong Ebraham nomoa ya.

Gudnius abaotem Jisas Kraes wea Jon hemi raetem 12:6

Bat Jiudas hemi no talem diswan bikos hemi sore long olketa pua pipol, bat bikos hemi wanfala man fo stil ya. Hem nao man fo lukaftarem seleni blong olketa disaepol, an hemi save yusim nomoa samfala seleni fo hem seleva.

Gudnius abaotem Jisas Kraes wea Jon hemi raetem 13:29

Jiudas, hemi man fo lukaftarem seleni blong olketa ya. So diswan hemi mekem samfala disaepol fo tingse Jisas hemi talem Jiudas fo go an baem samfala samting fo olketa yusim long olketa bikde ya, o fo hemi givim samfala samting long olketa pipol hu i pua.

Leta wea Pol hemi raetem go long sios long Rom 12:13

Yufala mas searemaot wanem yufala garem wetem olketa pipol blong God, taem olketa sot long enisamting. An yufala mas lukaftarem gud olketa pipol hu i kam kasem ples blong yufala.

1 Korin 4:12

Mifala barava wakahad tumas. Taem pipol i tokspoelem mifala, mifala save blesim olketa nomoa. Taem pipol i meksave long mifala, mifala letem olketa fo gohed nomoa.

2 Korin 8:12

Sapos yufala wiling tumas fo givim samting falom wanem yufala garem, God bae hemi hapi long hem. Hemi no wari long wanem yufala no garem fo givim.

2 Korin 8:2

Olketa bikfala trabol tumas hemi traem olketa finis, an olketa barava pua fogud. Bat nomata olsem, olketa barava hapi nomoa fo givim plande seleni fo helpem nara pipol.

Galesia 6:10

Dastawe nao, long evri taem wea samting hemi kamap, yumi mas duim olketa gudfala samting long evri pipol. An bikfala samting nao hemi fo duim diswan long olketa pipol hu i stap insaet long famili blong God.

1 Timoti 6:18

Yu talem strong long olketa fo olketa mas duim olketa gudfala samting, an olketa mas wiling fo helpem olketa nara pipol an searemaot wanem olketa garem. Olketa gudfala waka olsem ya, hem nao olsem gudfala risis blong olketa,

Taetas 3:14

Olketa Kristin fren blong yumi, olketa mas lanem wei fo duim gudfala waka, mekem olketa save helpem narafala pipol hu i sot long enisamting. Nogud olketa les fo duim olketa gudfala waka.

Taetas 3:8

Disfala toktok hemi barava tru tumas. Mi laekem yu fo gohed strong fo talemaot olketa tising olsem, mekem olketa pipol hu i biliv long God olketa save gohed olowe fo duim evri gud samting. Olketa samting wea hemi gud olsem, hemi save helpem evri pipol.