Efesas 3:18 - Pijin Bible

¹⁸ mekem yufala wetem evri pipol blong God, fo garem paoa fo savegud long lav blong Kraes, wea hemi bikfala tumas, an longfala tumas, an hae tumas, an go dip tumas.

Pijin Deuterocanon

¹⁸ mekem yufala wetem evri pipol blong God, fo garem paoa fo savegud long lav blong Kraes, wea hemi bikfala tumas, an longfala tumas, an hae tumas, an go dip tumas.

Efesas 3:18 Iomraidhean Croise

2 Kronikols 6:41

“O Yawe God, plis yu kam an stap olowe long ples blong yu wetem Tambu Boks wea hemi saen blong bikfala paoa blong yu. O Yawe God, plis yu mekem olketa prist blong yu fo lukluk olowe long yu mekem yu sevem olketa, an mekem olketa hu i tinghevi long yu fo barava hapi tumas long olketa gudfala wei blong yu.

Sams 103:17

Bat lav blong Yawe fo yumi hu i tinghae long hem, hemi no save finis. Hemi tinghevi long yumi hu i kipim disfala spesol agrimen blong hem. An hemi tinghevi long yumi hu i barava obeim lo blong hem. An disfala lav blong hem hemi gudfala tumas an hemi save kasem olketa laen wea bae i bon kam bihaen long yumi.

Sams 116:15

Lod Yawe, yu barava sore tumas taem wanfala long olketa pipol hu i tinghevi long yu hemi dae.

Sams 132:9

Plis yu mekem olketa prist blong yu fo duim olketa stretfala samting olowe, an mekem olketa hu i tinghevi long yu i hapi an singaot bikfala.

Sams 139:6

Yu barava save gudfala tumas long mi, an mi no save nao hao bae mi save long diswan.

Sams 145:10

Lod Yawe, evrisamting wea yu mekem bae i preisim yu, an evriwan hu i tinghevi long yu bae i talem tengkiu long yu.

Aesaea 55:9

Olsem skae hemi barava hae tumas antap from graon, wei blong mi hemi hae tumas an hemi antap fogud from wei blong yufala, an tingting blong mi tu hemi antap fogud from tingting blong yufala.

Sekaraea 14:5

Bae yufala ranawe gotru long disfala vali long midol long tufala hil ya, disfala vali wea hemi go-go kasem ples long Asal. Ya, bae yufala ranawe kuiktaem olsem wea olketa grani blong yufala bin ranawe long taem blong etkuek long taem blong King Yusaea, hu hemi king blong Jiuda bifoa. Den Yawe God blong mi, bae hemi kam wetem olketa holi enjel blong hem.

Gudnius abaotem Jisas Kraes wea Jon hemi raetem 15:13

Sapos wanfala man hemi lavem tumas olketa fren blong hem an hemi letem hem seleva dae fo helpem olketa, oraet, disfala lav blong hem nao hemi bikfala winim lav blong eniwan moa.

Leta wea Pol hemi raetem go long sios long Rom 10:3

Olketa nating luksave long wei blong God fo mekem pipol stret long ae blong hem. Olketa traehad fo duim diswan falom wei blong olketa seleva nomoa, an olketa nating letem God fo mekem olketa stret long ae blong hem.

2 Korin 13:13

Evriwan long olketa pipol blong God olketa sei halo go long yufala.

Galesia 2:20

Hemi olsem wea mi dae wetem Kraes long kros. An i no mi nao mi stap laef distaem ya, bat Kraes nao hemi stap laef insaet long mi. Disfala laef blong mi long wol ya, mi garem nomoa bikos mi biliv long San Blong God hu hemi lavem mi an hemi letem hem seleva fo dae fo helpem mi.

Galesia 3:13

Kraes hemi mekem yumi fri finis from disfala wei blong Lo fo panisim yumi, wea hemi tekem disfala panis blong yumi. Bikos Buktambu hemi talem olsem finis, “Eniwan wea olketa kilim hem dae antap long tri, God hemi panisim hem.”

Efesas 1:10

Disfala plan wea God bae hemi mekem kamtru long barava taem blong hem, hem nao fo bringim evrisamting wea hemi mekem long heven wetem evrisamting long disfala wol, fo kam tugeta long Kraes. An Kraes nao bae hemi kamap hed blong evrisamting.

Efesas 1:15

From diswan nao, stat long taem mi herem dat yufala biliv long Masta blong yumi Jisas, an mi herem dat yufala lavem tumas olketa pipol blong God,

Efesas 3:19

Mi prea wea yufala savegud long disfala lav blong Kraes wea hemi winim evri save long wol, mekem yufala kamap barava fulap long wei blong God.

Kolosi 1:4

Bikos mifala bin herem nius finis wea yufala biliv strong long Jisas Kraes an wea yufala lavem tumas evriwan long olketa pipol blong God.

1 Timoti 3:16

An hemi tru nao, tru tising abaotem biliv long Kraes hemi barava bikfala samting tumas. An tising ya nao hemi olsem, Kraes hemi somaot hem seleva long bodi olsem man. An Holi Spirit hemi somaot dat wei blong Kraes hemi barava stret. An olketa enjel olketa lukim tu. Toktok abaotem hem hemi go-goraon long olketa kantri, an plande pipol long wol i biliv long hem. An God hemi tekem hem goap long heven.

Revelesin 3:21

Man wea hemi winim faet, bae mi mekem hem fo sidaon fo rul wetem mi, bikos mi winim faet finis an mi gohed fo rul wetem Dadi blong mi.