Efesas 2:8 - Pijin Bible

^8-9 Bikos taem yufala biliv, kaenfala lav blong God nao hemi sevem yufala. Diswan hemi no hapen bikos eniwan long yufala hemi duim gudfala waka fo hem. Nomoa ya. God seleva nomoa hemi duim fri fo sevem yufala, mekem no eniwan hemi save tokpraod long hem.

Pijin Deuterocanon

^8-9 Bikos taem yufala biliv, kaenfala lav blong God nao hemi sevem yufala. Diswan hemi no hapen bikos eniwan long yufala hemi duim gudfala waka fo hem. Nomoa ya. God seleva nomoa hemi duim fri fo sevem yufala, mekem no eniwan hemi save tokpraod long hem.

Efesas 2:8 Iomraidhean Croise

Matiu 16:17

Nao Jisas hemi sei long Saemon, “Saemon san blong Jona, yu save hapi tumas ya, bikos wanem yu talemaot abaotem mi, i no man nao hemi somaot long yu ya. Bat Dadi blong mi long heven, hem nao hemi somaot diswan long yu.

Matiu 20:9

Taem seksin hu olketa waka las olketa kam fo tekem wejis nomoa, olketa tekem wanfala seleni fo wanfala man nao.

Gudnius abaotem Jisas Kraes wea Mak hemi raetem 16:16

An eniwan hu hemi biliv long Gudnius ya an hemi baptaes, hem nao God bae hemi sevem hem. Bat eniwan hu hemi no biliv, bae God hemi jajem hem.

Gudnius abaotem Jisas Kraes wea Luk hemi raetem 7:50

Bat Jisas hemi sei long woman ya, “God hemi sevem yu bikos yu biliv long hem. Nao yu go an yu no wari moa.”

Gudnius abaotem Jisas Kraes wea Jon hemi raetem 3:36

Eniwan hu hemi biliv long disfala San, hemi garem tru laef wea hemi no save finis. Bat eniwan hu hemi no biliv long disfala San, hemi no save garem disfala laef, an God bae hemi kros long hem olowe nao.

Gudnius abaotem Jisas Kraes wea Jon hemi raetem 4:10

Nao Jisas hemi tok olsem long woman ya, “Yu no luksave nomoa long wanem God hemi laek fo givim kam ya, an yu no luksave long disfala man hu hemi askem yu fo lelebet wata ya. Sapos yu askem hem, bae hemi save givim wata wea hemi givim laef long yu.”

Gudnius abaotem Jisas Kraes wea Jon hemi raetem 5:24

“Mi talem yufala tru samting nao, sapos eniwan hemi herem an obeim evri toktok blong mi an hemi biliv long Dadi hu hemi sendem mi kam, man ya hemi garem tru laef wea hemi no save finis. Man olsem ya, bae olketa no jajem hem ya bikos hemi olsem man hu hemi dae finis bat hemi laefbaek moa.

Gudnius abaotem Jisas Kraes wea Jon hemi raetem 6:35

So Jisas hemi talem long olketa olsem, “Mi nao mi disfala kaikai wea hemi givim tru laef. Eniwan hu hemi kam long mi, bae hemi no hanggre moa. An eniwan hu i biliv long mi, bae hemi no nidim moa enisamting fo dringim.

Gudnius abaotem Jisas Kraes wea Jon hemi raetem 6:37

Evriwan wea Dadi blong mi hemi givim kam long mi, bae olketa kam falom mi. An eniwan hu hemi kam long mi, mi bae nating raosim hem gobaek moa.

Gudnius abaotem Jisas Kraes wea Jon hemi raetem 6:40

Dadi blong mi nao hemi laekem evriwan wea olketa luksave long San blong hem an wea olketa biliv long hem, fo olketa garem tru laef wea hemi no save finis. An mi ya, bae mi mekem olketa fo laefbaek moa long Lasde.”

Gudnius abaotem Jisas Kraes wea Jon hemi raetem 6:44

No eniwan i save kam long mi sapos Dadi ya hu hemi sendem mi kam, hemi no lidim hem fo kam long mi. An man hu hemi kam long mi, bae mi mekem hem fo laefbaek moa long Lasde.

Gudnius abaotem Jisas Kraes wea Jon hemi raetem 6:65

An hemi gohed fo sei moa, “Dastawe nao mi sei no eniwan hemi save kam long mi, sapos Dadi ya hemi no letem hem fo kam long mi.”

Aposol 14:27

Nao taem tufala kasem Antiok, tufala talem evriwan long sios fo hipap tugeta. An tufala talem olketa abaotem evrisamting wea God hemi bin duim wetem tufala, an hao hemi bin mekem wei fo olketa hu i no Jiu fo olketa save biliv.

Aposol 15:11

!Bat yumi ya, yumi biliv wea God hemi sevem yumi bikos long kaenfala lav blong Masta blong yumi Jisas, olsem hemi sevem olketa hu i no Jiu tu!”

Aposol 16:14

Nao wanfala long olketa woman ya, nem blong hem hemi Lidia. Hemi stap kam long Taeataera, an waka blong hem nao hemi fo salem olketa redfala kaleko wea hemi dia tumas. Hemi save wosipim God, an taem hemi lisin kam long Pol, God hemi openem maen blong hem, mekem hemi biliv long disfala toktok.

Aposol 16:31

Nao tufala sei, “Yu mas biliv long Jisas Masta blong yumi, mekem God bae hemi sevem yu an olketa long famili blong yu tu.”

Leta wea Pol hemi raetem go long sios long Rom 10:14

?Bat hao nao olketa save prea go long hem, sapos olketa no biliv long hem yet? ?An hao nao olketa save biliv long hem, sapos olketa no herem eni nius abaotem hem yet? ?An hao nao olketa save herem nius, sapos no eniwan hemi talemaot nius ya long olketa?

Leta wea Pol hemi raetem go long sios long Rom 10:17

So pipol save biliv taem olketa herem Gudnius, an olketa save herem Gudnius taem eniwan hemi talemaot toktok abaotem Kraes.

Leta wea Pol hemi raetem go long sios long Rom 4:16

Dastawe disfala promis hemi kam long saet blong biliv nomoa, mekem hemi samting God hemi givim fri nomoa. An promis ya hemi save kasem evriwan hu i long laen blong Ebraham. Hemi no blong olketa pipol hu i falom Lo blong Mosis, bat hemi blong evriwan hu i biliv long God olsem Ebraham. Bikos hem ya nao olo blong yumi evriwan,

Leta wea Pol hemi raetem go long sios long Rom 4:5

Nomata man hemi no waka fo kamap stret, bat hemi biliv nomoa long God hu hemi save mekem nogud pipol fo kamap stret, bae God hemi helpem hem. From hemi biliv nao, bae God hemi lukim hem olsem wanfala stretfala man.

Leta wea Pol hemi raetem go long sios long Rom 9:16

So taem God hemi siusim eniwan, hemi no sius falom wanem man ya hemi laekem o wanem man ya hemi traehad fo duim, bat God hemi falom kaenfala wei blong hem seleva.

Galesia 3:14

Kraes hemi peimaot yumi olsem, mekem olketa pipol hu i no Jiu bae olketa kasem wanem God hemi promis fo givim long Ebraham. An long wei ya, yumi hu i biliv, yumi save tekem Holi Spirit wea God hemi promisim finis.

Galesia 3:22

Bat hemi no olsem ya, bikos Buktambu hemi sei disfala wei blong sin hemi bosim evri pipol long wol. Dastawe yumi hu i biliv long Jisas Kraes nomoa, yumi save kasem wanem God hemi promisim finis long olketa hu i biliv.

Efesas 1:19

an fo mekem yufala luksave tu long barava bikfala paoa blong hem wea hemi gohed fo waka insaet long laef blong yumi hu i biliv long hem. Diswan hemi barava olsem bikfala paoa

Efesas 2:10

God nao hemi sevem yumi olsem, an bikos yumi stap joen wetem Jisas Kraes, hemi mekem yumi fo duim evri gudfala waka wea hemi mekredi long hem finis.

Efesas 2:5

Bat nomata yumi stap dae from sin blong yumi, God hemi mekem yumi laefbaek moa taem hemi mekem Kraes fo laefbaek moa from dae. !Olketa! !Kaenfala lav blong God nao hemi sevem yufala!

Filipae 1:29

Bikos God hemi no mekem yufala fo waka fo Kraes long wei wea yufala biliv long hem nomoa, bat long wei wea yufala safa long nem blong hem tu.

Kolosi 2:12

Bikos taem yufala baptaes, yufala joen wetem Kraes, an hemi olsem olketa berem yufala wetem hem an yufala laefbaek moa from dae wetem hem. Diswan hemi kamtru long yufala bikos yufala biliv long bikfala paoa blong God wea hemi mekem Kraes fo laefbaek moa from dae.

2 Tesalonaeka 1:9

An panis wea God bae hemi givim olketa hemi barava nogud tumas an hemi no save finis. An Masta bae hemi torowem olketa from ples blong hem an from saen blong bikfala paoa blong hem long heven.

Hibrus 6:4

Nao olketa Kristin hu i tanem go baeksaet blong olketa long Kraes, hemi had tumas fo olketa tane kambaek long Kraes moa ya. Bikos fastaem, olketa save finis wea God hemi tru, an olketa tekem disfala presen wea God hemi givim kamdaon long heven, an Holi Spirit hemi stap long laef blong olketa finis.

1 Pita 1:5

Yufala biliv finis long God hu hemi lukaftarem yufala gud long paoa blong hem, go-go hemi sevem yufala. An God hemi redi finis fo mekem diswan kamtru long Lasde.