Efesas 1:21 - Pijin Bible

²¹ Kraes hemi stap long heven fo King ovarem olketa enjel an evri narakaen paoa moa long skae. An Kraes hemi garem nem wea hemi bikfala tumas winim evri narafala nem long disfala wol an long nara wol wea bae hemi kam.

Pijin Deuterocanon

²¹ Kraes hemi stap long heven fo King ovarem olketa enjel an evri narakaen paoa moa long skae. An Kraes hemi garem nem wea hemi bikfala tumas winim evri narafala nem long disfala wol an long nara wol wea bae hemi kam.

Efesas 1:21 Iomraidhean Croise

Daniel 7:27

Paoa an hae nem blong evri king long disfala wol, wetem evri gudfala samting insaet long kingdom blong olketa, God hu hemi barava hae tumas bae hemi givim long olketa pipol blong hem. Bae kingdom blong olketa hemi no save finis. An bae evri king long wol i mekhae long olketa, an obeim olketa.”

Matiu 12:32

An eniwan hu hemi tok agensim mi San Blong Man, God hemi save fogivim hem nomoa. Bat eniwan hu hemi tok agensim waka blong Holi Spirit, bae God hemi nating fogivim hem ya, nomata long distaem o long enitaem moa bihaen.

Aposol 4:12

Jisas nomoa hemi save sevem yumi. Bikos God hemi no givim kam eni narawan moa long wol, wea hemi save sevem yumi.”

Efesas 2:2

Long taem ya, yufala falom nomoa ravis wei blong disfala wol. Yufala obeim nomoa Seitan hu hemi bos blong olketa devol long skae, an wea hem nao hemi save bosim olketa pipol hu i no obei long God.

Efesas 3:10

Bat distaem nao, God hemi mekem sios fo somaot evri waes tingting blong God long olketa spirit wetem olketa nara paoa moa long skae.

Efesas 6:12

Bikos yumi no faetem eni man nomoa, bat yumi faetem olketa ravis devol long skae, an olketa bikman an olketa lida long saet blong Seitan, an evri paoa blong tudak long disfala wol.

Kolosi 2:10

An Kraes hemi hae moa winim evri enjel an evri narakaen paoa moa. An hem nao hemi bin givim tru laef long yufala hu i joen wetem hem.

Kolosi 2:15

Nao Kraes hemi tekemaot finis evri paoa blong olketa bikman an olketa lida long saet blong Seitan. An long kros ya, hemi winim olketa an hemi mekem olketa fo filsem tumas long ae blong olketa pipol.

Hibrus 1:4

God hemi mekem San blong hem fo kamap bikfala tumas moa winim olketa enjel, bikos disfala nem wea God hemi givim long hem, hemi hae an bikfala tumas moa winim olketa.

Hibrus 2:5

Nao sapos yumi tokabaotem niufala wol wea bae hemi kam ya, God hemi no tingting fo putum olketa enjel fo rul ovarem.

Hibrus 4:14

Nao yumi garem barava nambawan Haeprist, an hem nao Jisas San Blong God, hu hemi goap finis long heven. So, yumi mas gohed fo holestrong long disfala biliv wea yumi talemaot oltaem.

1 Pita 3:22

Jisas ya nao hemi goap long heven an hemi sidaon long raetsaet blong God. An hemi rul ovarem olketa enjel an evri paoa long heven.