Efesas 1:15 - Pijin Bible

¹⁵ From diswan nao, stat long taem mi herem dat yufala biliv long Masta blong yumi Jisas, an mi herem dat yufala lavem tumas olketa pipol blong God,

Pijin Deuterocanon

¹⁵ From diswan nao, stat long taem mi herem dat yufala biliv long Masta blong yumi Jisas, an mi herem dat yufala lavem tumas olketa pipol blong God,

Efesas 1:15 Iomraidhean Croise

Sams 16:3

Olketa pipol long wol wea i obeim yu nao i barava nambawan pipol. An mi laekem tumas fo stap wetem olketa.

Aposol 20:21

Mi bin tokstrong long olketa pipol, nomata olketa i Jiu o olketa i no Jiu, wea olketa mas lusim olketa ravis wei blong olketa, an olketa mas tane kam long God an biliv long Jisas Masta blong yumi.

Leta wea Pol hemi raetem go long sios long Rom 1:8

Fastaem, mi laek fo talem dat nius abaotem wei wea yufala biliv long God hemi kasem evri ples nao. So long nem blong Jisas Kraes mi toktengkiu long God fo yufala.

Galesia 5:6

Bikos taem eniwan hemi joen finis wetem Jisas Kraes, sapos man hemi kate o hemi no kate hemi samting nating nomoa ya. Bat bikfala samting nao hemi wei blong biliv wea hemi soaot long lav.

Efesas 1:1

Mi Pol, wea God seleva hemi siusim mi fo kamap aposol blong Jisas Kraes. Mi raet go long yufala olketa pipol blong God long Efesas, wea yufala gohed fo falom Jisas Kraes wea yufala joen wetem hem finis.

Efesas 3:18

mekem yufala wetem evri pipol blong God, fo garem paoa fo savegud long lav blong Kraes, wea hemi bikfala tumas, an longfala tumas, an hae tumas, an go dip tumas.

1 Tesalonaeka 1:3

Evritaem mifala prea long God Dadi blong yumi, mifala tingim olketa gudfala wei wea yufala bin falom bikos yufala biliv long Jisas, an hadwaka wea yufala bin duim bikos yufala lavem God tumas. An mifala tingim tu hao yufala stanap strong olowe from yufala trastem Jisas Kraes Masta blong yumi.

1 Tesalonaeka 4:9

Bae mifala no raetem enisamting moa abaotem wei fo lavem olketa Kristin fren, bikos God hemi tisim yufala finis fo lavem yufala evriwan.

2 Tesalonaeka 1:3

Olketa Kristin fren, oltaem nomoa mifala talem tengkiu long God fo yufala evriwan. An hemi gud fo mifala duim olsem, bikos oltaem nomoa biliv blong yufala hemi gohed fo grou strong moa, an lav wea yufala garem fo evriwan hemi gohed fo bikfala moa.

1 Timoti 1:14

An Jisas Kraes Masta blong yumi hemi barava somaot kaenfala lav long mi, an hemi givim mi disfala biliv an disfala lav fo olketa pipol.

1 Timoti 1:5

Nao sapos olketa falom disfala toktok blong mi ya, bae olketa save garem lav wea hemi kamaot long klin an stretfala laef an long barava trufala biliv.

Filimon 1:5

Bikos mi herem oltaem wea yu lavem tumas olketa pipol blong God an wea yu biliv strong long Jisas Masta blong yumi.

Hibrus 6:10

God hemi tru, an hemi no save fogetem waka blong yufala an disfala lav wea yufala somaot finis long saet blong hem. Hemi luksave dat yufala bin helpem olketa nara Kristin an wea yufala gohed fo duim olsem yet.

1 Pita 1:22

Bikos yufala bin obeim disfala tru toktok, yufala bin mekem laef blong yufala klin from sin, an yufala save lavem olketa Kristin. An distaem, yufala mas lavem yufala evriwan long ful maen blong yufala.

1 Jon 3:17

Sapos wanfala man hu hemi garem plande samting hemi lukim nara man hu hemi sot long enisamting, bat hemi no laek fo helpem hem, oraet, man ya hemi no garem disfala lav blong God.

1 Jon 4:21

Nao lo wea Kraes hemi tokstrong long yumi abaotem hemi olsem, “Eniwan hu hemi lavem God, hemi mas lavem tu evri Kristin.”