Daniel 9:26 - Pijin Bible

²⁶ Long en blong datfala taem, disfala man wea God hemi siusim, bae olketa kilim dae long wei wea hemi nating stret. Ami blong wanfala strongfala king bae hemi kam insaet long Jerusalem, an spoelem taon ya wetem Tambuhaos blong God, olsem bikfala flad nao bin spoelem. Bae olketa samting ya i hapen nao olsem wea God bin makem.

Pijin Deuterocanon

²⁶ Long en blong datfala taem, disfala man wea God hemi siusim, bae olketa kilim dae long wei wea hemi nating stret. Ami blong wanfala strongfala king bae hemi kam insaet long Jerusalem, an spoelem taon ya wetem Tambuhaos blong God, olsem bikfala flad nao bin spoelem. Bae olketa samting ya i hapen nao olsem wea God bin makem.

Daniel 9:26 Iomraidhean Croise

2 Samuel 21:5

An olketa ansarem hem olsem, “Bifoa, King Sol hemi laek fo kilim dae mifala evriwan. Hemi no laekem eniwan long mifala fo laef long Israel.

Sams 22:15

Strong blong mi hemi finis nao, an tang blong mi hemi drae an hemi pas finis insaet long maos blong mi. An yu bin livim mi fo dae nomoa insaet long dast ya.

Aesaea 28:2

!Lukaot! Yawe hemi garem wanfala man hu hemi barava strong tumas, an hemi sendem kam fo spoelem finis disfala ples. Bae hemi kam olsem ston blong aes, o olsem wanfala barava strong win, o olsem wanfala riva wea hemi barava ran strong an spoelem evrisamting.

Aesaea 28:22

Distaem yufala mas stop fo tokspoelem disfala toktok blong mi, nogud disfala panis blong yufala hemi kamap wos moa. Lod Yawe hu hemi garem evri paoa hemi talem mi finis wea bae hemi spoelem evri ples long disfala lan blong yumi.

Aesaea 53:8

Olketa kasholem hem an jajem hem long kot, nao olketa tekem go fo kilim hem dae, bat no eniwan hemi wari nomoa long dae blong hem. Olketa kilim hem dae nomoa fo olketa sin blong yumi.

Aesaea 8:7

From diswan nao, bae mi letem King blong Asiria wetem olketa soldia blong hem fo kam faetem olketa. Bae olketa kam olsem Yufretis Riva wea hemi ran bikfala tumas an hemi kolsap kavaremap evriwea long ples ya. Ami ya hemi stap evriwea long disfala kantri blong yumi Jiuda, olsem wanfala bikfala igol hemi kavarem kaikai blong hem long tufala wing blong hem.” (Profet) !O Imanuel! !God, plis yu stap wetem mifala!

Jeremaea 46:7

“?Hu nao olketa ya hu i kamap strongfala tumas, olsem Nael Riva taem hemi flad, an hemi kavaremap olketa ples?

Jeremaea 51:42

Bae hemi olsem bikfala solwata hemi kavarem hem, an rafsi hemi gohed fo brek antap long hem.

Daniel 11:10

Olketa san blong king long Siria bae i kolem olketa soldia blong olketa fo kam tugeta an redim olketa seleva fo faet. Wanfala long olketa san ya wetem ami blong hem bae i kam olsem wanfala bikfala flad, an olketa faet agensim wanfala strongfala sefples blong olketa enemi fo haed long hem.

Daniel 11:17

King ya blong Siria bae hemi mekem wanfala plan fo kam wetem ful ami blong hem, fo mekem agrimen fo waka tugeta wetem king blong Ijip. Fo mekem plan ya hemi waka, bae king blong Siria hemi givim dota blong hem fo maritim king blong Ijip. Hemi duim diswan mekem hemi save yusim paoa blong hem wetem paoa blong dota blong hem hu bae hemi kamap kuin, fo tekova long Ijip. Bat plan blong hem ya, hemi nating waka.

Daniel 11:22

Bae hemi kilim dae evri pipol hu i agensim hem. Nomata hae prist blong God, hemi kilim dae tu.

Daniel 11:36

King ya blong Siria, bae hemi duim olketa samting falom maen blong hem seleva nao. An bae hemi gohed fo tokhae long hem seleva, an mekhae long hem seleva fo hae moa winim God hu hemi barava hae tumas an olketa narafala god tu. Bae hemi gohed olsem go-go kasem taem wea God bae hemi panisim hem. An bae God hemi duim nao wanem hemi bin planem finis fo duim.

Daniel 9:27

Bae disfala king hemi mekem wanfala strongfala agrimen wetem plande pipol fo wanfala seven yia. Long midol long datfala taem, bae hemi stopem olketa pipol fo no mekem sakrifaes, o givim ofaring go long God. Bae olketa putumap wanfala barava ravis samting antap long wanfala hae ples insaet long Tambuhaos blong God. An bae hemi stap long ples ya go-go hemi kasem en wea God hemi makem finis fo man hu hemi putumap disfala ravis samting ya.”

Hosia 1:9

An Yawe hemi tok olsem long Hosia, “Bae yu kolem boe ya, ‘Lo-Ami’, wea hemi minim ‘I no pipol blong mi’, bikos olketa pipol blong Israel i no pipol blong mi, an mi no God wea Mi nao Mi Stap Olowe moa fo olketa.”

Emos 8:8

From diswan nao, bae mi sendem olketa enemi fo barava spoelem lan blong yufala, an yufala evriwan bae i sore an krae. Bae hemi olsem wanfala etkuek wea hemi sekem disfala kantri an graon bae hemi goap an daon, olsem Nael Riva taem hemi flad.?

Emos 9:5

(Profet) Lod Yawe, hu hemi garem evri paoa, hemi save tasim nomoa disfala wol an graon hemi seksek nao, an yufala evriwan bae i sore an krae. Bae hemi olsem wanfala etkuek wea hemi sekem disfala kantri an graon bae hemi goap an daon, olsem Nael Riva taem hemi flad.

Neiham 1:8

Bat bae hemi spoelem Nineve wetem olketa pipol long hem, olsem wea wanfala bikfala flad hemi kavaremap evri ples. Ya, bae hemi kilim dae olketa hu i gohed fo agensim hem.

Matiu 22:2

“Kingdom long Heven, hemi olsem wanfala king wea hemi mekem fist fo marit blong san blong hem.

Matiu 22:7

Long taem ya, king hemi barava kros fogud nao. So hemi sendem go olketa soldia blong hem, an olketa kilim dae olketa pipol wea olketa bin kilim dae olketa wakaman ya, an olketa bonem taon blong olketa tu.

Matiu 23:38

So yufala herem, God bae hemi goawe from Tambuhaos blong yufala ya, mekem hemi emti.

Matiu 24:2

Nao Jisas hemi sei long olketa, “Yufala lukim olketa bikfala haos ya. Mi talem yufala tru samting nao, olketa wol long ston ya bae olketa brekemdaon finis ya, an bae no eni lelebet ston nao hemi save stap long ples wea hemi stap long hem distaem.”

Gudnius abaotem Jisas Kraes wea Mak hemi raetem 13:2

Nao Jisas hemi ansarem hem olsem, “Yu lukim olketa bikfala haos ya. Bat mi talem long yu, olketa wol long ston ya bae olketa brekemdaon finis ya, an bae no eni lelebet ston nao hemi save stap long ples wea hemi stap long hem distaem.”

Gudnius abaotem Jisas Kraes wea Mak hemi raetem 13:7

Bae yufala herem noes blong olketa woa kolsap long yufala, an bae yufala herem tu olketa nius abaotem olketa woa long olketa farawe ples. Bat yufala no wari tumas, bikos olketa samting ya mas hapen olsem nao, bat diswan hemi no minim wea hemi en blong disfala wol yet ya.

Gudnius abaotem Jisas Kraes wea Mak hemi raetem 9:12

Nao Jisas hemi sei, “Hemi tru ya, Elaeja nao hemi mas kam fastaem, mekem hemi stretem evrisamting moa. ?Bat waswe nao Buktambu hemi talem olsem, bae olketa meksave long San Blong Man, an bae olketa lukim hem olsem wanfala man nogud ya?

Gudnius abaotem Jisas Kraes wea Luk hemi raetem 21:24

Samfala long olketa bae olketa kilim olketa dae wetem naef fo faet, an samfala moa bae olketa kasholem olketa an tekem olketa go long olketa deferen kantri. An olketa pipol wea olketa no Jiu, bae olketa nao i rul ovarem evri ples long Jerusalem go-go kasem en long taem blong olketa.”

Gudnius abaotem Jisas Kraes wea Luk hemi raetem 21:6

“Mi talem long yufala, evrisamting wea yufala lukim long hia ya, bae long samfala taem bihaen, olketa wol long ston ya bae olketa brekemdaon finis ya, an bae no eni lelebet ston nao hemi save stap long ples wea hemi stap long hem distaem.”

Gudnius abaotem Jisas Kraes wea Luk hemi raetem 24:26

Hemi fitim fo yutufala save finis wea disfala Mesaea hemi mas filpein fastaem bifoa hemi save tekem saen blong bikfala paoa blong hem.”

Gudnius abaotem Jisas Kraes wea Luk hemi raetem 24:46

An hemi tok olsem long olketa, “Hem nao wanem Buktambu hemi sei, ‘Disfala Mesaea hemi mas dae, an long mektri de hemi mas laefbaek moa from dae.

Gudnius abaotem Jisas Kraes wea Jon hemi raetem 14:30

Mi no save stori longtaem moa wetem yufala ya, bikos Seitan hu hemi rulim disfala wol ya hemi ka-kam nao. Hemi no garem paoa ovarem mi ya.

2 Korin 5:21

Kraes hemi no garem eni sin. Bat fo helpem yumi, God hemi mekem Kraes nao fo karim sin blong yumi. Long wei ya nao, hemi mekem yumi hu i stap joen wetem Kraes fo kamap stret olsem God.

Galesia 3:13

Kraes hemi mekem yumi fri finis from disfala wei blong Lo fo panisim yumi, wea hemi tekem disfala panis blong yumi. Bikos Buktambu hemi talem olsem finis, “Eniwan wea olketa kilim hem dae antap long tri, God hemi panisim hem.”

1 Pita 2:21

God hemi kolem yufala finis fo duim diswan, bikos Kraes hemi safa finis fo sevem yufala. Hemi som disfala wei blong hem, mekem yufala falom.

1 Pita 2:24

Taem Kraes hemi dae long kros, hemi karim tu olketa sin blong yumi long bodi blong hem. Long disfala wei, yumi save lusim wei blong sin an yumi save laef moa long wei wea hemi stret long ae blong God. An from olketa kil long bodi blong hem, hemi bin mekem yufala gudbaek moa.

1 Pita 3:18

Bikos Kraes hu hemi stret long ae blong God, hemi dae fo tekem ples blong olketa pipol hu i nogud tumas. Dae blong hem nao hemi tekemaot evri sin blong yufala finis, an hemi mekem yufala kambaek moa long God. Taem hemi stap long disfala wol, olketa pipol kilim hem dae, bat Spirit blong God hemi mekem hem fo laefbaek moa long tru laef.