Daniel 9:12 - Pijin Bible

¹² Yu panisim mifala finis wetem olketa lida blong mifala, olsem wea yu bin talem kam bifoa. An yu nao yu letem disfala nogud samting ya fo spoelem tumas taon ya long Jerusalem, winim wea hemi spoelem eni narafala taon long wol.

Pijin Deuterocanon

¹² Yu panisim mifala finis wetem olketa lida blong mifala, olsem wea yu bin talem kam bifoa. An yu nao yu letem disfala nogud samting ya fo spoelem tumas taon ya long Jerusalem, winim wea hemi spoelem eni narafala taon long wol.

Daniel 9:12 Iomraidhean Croise

1 Kings 3:9

So plis yu mekem haat blong mi hemi waes mekem mi rul ovarem olketa long stretfala wei, an mekem mi save long wanem hemi stret an wanem hemi rong. Sapos nomoa, mi no save hao fo rul ovarem olketa.”

2 Kings 22:16

“Yawe nao hemi tok olsem, ‘Bae mi spoelem Jerusalem, an bae mi panisim olketa pipol blong hem olsem olketa toktok blong trabol i talem long buk wea king blong Jiuda hemi ridim.

Stori abaotem Job 12:17

Hemi tekemaot olketa bikman an meksem long olketa, an hemi mekem olketa lida fo kamap krangge.

Sams 148:11

Yufala evri king an evri pipol long evri ples, yufala evri bikman an evri lida, yufala mas preisim hem.

Sams 2:10

Dastawe nao, yufala olketa king mas herem gudfala olketa toktok ya, an yufala mas lukaot. Olketa lida long wol, yufala mas savegud long mining blong olketa toktok ya.

Provebs 8:16

Mi helpem sif an bikman tu fo lidim pipol gudfala.

Aesaea 43:28

Dastawe nao bae mi mekem olketa prist long Tambuhaos blong mi fo no klin. An nomata yufala pipol long Israel i blong mi, bae mi letem nomoa olketa enemi fo kam an spoelem yufala finis. An bae mi letem nomoa olketa narafala pipol fo mekem yufala sem fogud.”

Aesaea 44:26

Bat taem wakaman blong mi hemi talem dat bae wanfala samting hemi hapen, o mi sendem wanfala man blong mi fo talemaot olketa plan blong mi, bae mi mekem olketa samting ya fo hapen tru olsem nao. Mi nao mi talem dat bae pipol i stap moa long Jerusalem, an bae olketa stanemap moa olketa taon long Jiuda. Ya, olketa taon ya wea olketa enemi i spoelem finis, bae i stanap moa from graon.

Jeremaea 30:7

!Man! Datfala taem bae hemi barava had tumas. No eni narafala de moa hemi had olsem. Bae hemi barava taem blong trabol fo laen blong Israel, bat bae i no lus finis.

Jeremaea 32:23

Olketa kasem lan ya an tekova long hem, bat olketa no obeim toktok blong yu, an olketa no falom olketa lo blong yu wea yu bin talemaot long olketa. An bikos olketa duim olsem, yu mekem bikfala trabol fo kasem olketa.

Jeremaea 39:16

“Yu go long Ebed-Melek, disfala man blong Kus, an tok olsem long hem, ‘Yawe hu hemi garem evri paoa an hu hemi God blong Israel, hemi tok olsem: Bae mi letem bikfala trabol hemi kam kasem disfala taon, barava olsem wea mi talem finis. Taem olketa samting ya hemi hapen, bae yu stap long ples ya, mekem yu save lukim olketa samting.

Jeremaea 44:23

Bikfala trabol ya hemi kam kasem yufala finis, bikos yufala gohed fo bonem insens fo mekem wosip long olketa narafala god, an yufala mekem sin agensim Yawe, an yufala les fo obeim olketa toktok blong hem, an yufala les fo falom nao olketa lo blong hem.”

Lamentesin 1:12

“?Yufala hu i gopas long mi, bikfala safa blong mi hemi samting nating nomoa? Long de wea Yawe hemi kros, hemi mekem mi fo safa tumas. !No eni panis moa, wea hemi nogud olsem panis blong mi!

Lamentesin 2:13

!O Jerusalem blong mi! ?Wanem nao mi save talem long yu fo helpem yu? !O Jiuda blong mi! ?Hao nao mi save liftimap tingting blong yu? Trabol blong yu hemi barava bik tumas, an no eniwan save mekem yu gudbaek moa.

Lamentesin 2:17

Yawe hemi duim evrisamting hemi bin planem. Ya, hemi mekem olketa samting fo kamap, wea hemi talemaot longtaem bifoa. Hemi spoelem yu finis, an hemi no sore long yu nomoa. Hemi mekem paoa blong enemi fo kamap bikfala, mekem olketa save hapi tumas fo winim yu.

Lamentesin 4:6

God hemi spoelem wantaem nomoa taon long Sodom, an no eniwan save helpem hem. Bat panis wea hemi kasem pipol blong mi hemi wos moa winim panis blong pipol long Sodom bifoa.

Esikiel 13:6

Olketa profet blong yufala i talemaot nomoa olketa laea abaotem spesol drim wea olketa nating lukim, an olketa talemaot tu laea wea i kam from yusles wei wea olketa wakem grinlif. Olketa talem, ‘Hem nao mesij blong Yawe,’ bat mi Yawe mi nating sendem olketa. Nomata olsem, olketa tingse toktok blong olketa ya bae hemi hapen.

Esikiel 5:9

Bikos yufala gohed fo duim nomoa evri ravis samting wea mi nating laekem, bae mi panisim yufala fogud olsem wea mi nating bin duim yet enitaem bifoa, an bae mi nating save duim moa olsem enitaem bihaen.

Daniel 12:1

Man ya hu hemi werem barava nambawan kaleko, hemi tok olsem, “Long datfala taem, disfala nambawan enjel, Maekol hu hemi lukaftarem olketa pipol blong yu, bae hemi kamap. An wanfala taem blong trabol bae hemi kamap, wea hemi barava nogud tumas winim eni narafala taem bifoa, taem olketa pipol i stat fo stap long ples ya. Long taem ya nao, bae God hemi sevem evri pipol blong yu wea nem blong olketa hemi stap insaet long buk blong hem.

Joel 2:2

Long De ya bae hemi kamap tudak, olsem bikfala klaod hemi fulumapem skae. An olsem san hemi saen kam long eli moning antap long maonten, bae olketa grashopa i kam olsem wanfala strongfala ami fo kavaremap lan. No enisamting olsem hemi hapen yet bifoa, an no enisamting olsem bae hemi hapen moa enitaem.

Emos 3:2

Long evri pipol long wol, yufala nomoa mi bin siusim fo kamap olketa pipol blong mi. Bat bikos yufala sin tumas agensim mi, bae mi barava panisim yufala.?

Sekaraea 1:6

Bat olketa toktok an olketa woning wea mi talem olketa profet ya hu i wakaman blong mi bifoa, fo talemaot long olketa grani blong yufala, olketa les fo lisin long toktok ya. An from samting ya, mi bin panisim olketa. ?Den olketa lusim olketa ravis wei ya blong olketa, an olketa tok olsem, ?Yawe hu hemi garem evri paoa, hemi stret nomoa fo hemi panisim yumi from olketa ravis wei blong yumi. Olketa samting ya, hemi planem finis olsem bae hemi mas hapen, an olketa hapen finis olsem wea hemi talem.??

Sekaraea 1:8

Long naet, mi lukim wanfala spesol drim. An long disfala spesol drim, mi lukim wanfala enjel blong Yawe wea hemi sidaon long wanfala red hos. Disfala hos hemi stanap long wanfala smolfala vali, long midol long olketa smolfala tri wea olketa kolem matel. An mi lukim dat olketa narafala man long hos tu i stanap bihaen long red hos ya, an olketa narafala hos i red, an braon, an waet.

Sekaraea 7:12

an mekem tingting blong olketa fo strong olsem ston. Hem nao mi kros tumas long olketa, bikos olketa nating laek fo obeim olketa lo an olketa toktok wea spirit blong mi hemi bin talemaot long olketa profet bifoa.

Matiu 24:21

Bikos disfala trabol ya, bae hemi nogud moa winim eni trabol bifoa kam, stat long taem wea God hemi mekem disfala wol ya, kam kasem tude. An nomata long bihaen, bae no eni bikfala trabol olsem moa hemi kam.

Matiu 5:18

An mi talem yufala tru samting nao, bae no eni lelebet samting insaet long Lo hemi save lus ya. Bae Lo hemi stap nomoa, go-go kasem taem wea wol an skae bae i finis an evrisamting i kasem barava en blong hem.

Gudnius abaotem Jisas Kraes wea Mak hemi raetem 13:19

Bikos disfala trabol ya, bae hemi nogud tumas moa winim eni trabol bifoa kam, stat long taem God hemi mekem disfala wol ya, kam kasem tude. An nomata long bihaen, bae no eni bikfala trabol olsem moa hemi kam.

Gudnius abaotem Jisas Kraes wea Luk hemi raetem 21:22

Bikos taem ya, hemi taem blong God fo panisim olketa pipol ya, mekem evrisamting wea Buktambu hemi talem, hemi save kamtru.

Leta wea Pol hemi raetem go long sios long Rom 15:8

Mi minim olsem ya, Kraes hemi duim waka blong hem fo helpem olketa Jiu, wea hemi somaot dat olketa promis blong God i tru, bikos Kraes hemi mekem kamtru olketa promis wea God hemi mekem wetem olketa olo blong olketa.