Daniel 8:20 - Pijin Bible

²⁰ “Disfala man sipsip wea hemi garem tufala hon, hem nao tufala king ya blong Media an Pesia.

Pijin Deuterocanon

²⁰ “Disfala man sipsip wea hemi garem tufala hon, hem nao tufala king ya blong Media an Pesia.

Daniel 8:20 Iomraidhean Croise

Esikiel 38:5

Olketa ami blong Pesia wetem olketa blong Kus an blong Libia, bae i kam wetem yu, an olketa evriwan bae i holem sil an werem hat fo faet.

Daniel 2:39

An sest blong kaving ya, hem nao narafala kingdom bae hemi kamap bihaen long yu, bat rul blong hem bae hemi nating gud nomoa olsem rul blong yu. An haf blong kaving ya wea hemi bras, hem nao mektri kingdom wea bae hemi rul bihaen long yu. Hem tu bae hemi rul ovarem evri pipol long wol, bihaen long mektu kingdom ya. Bat rul blong hem tu hemi no olsem yu.

Daniel 5:28

DIVAED, hemi minim wea kingdom blong yu hemi divaed finis, an olketa blong Media an Pesia nao bae i tekova long yu.”

Daniel 8:21

An man nanigot ya, hem nao king long kantri blong Gris, wea bae hemi rul bihaen. An disfala bikfala hon ya wea hemi stanap long midol long tufala ae blong hem, hem nao fas king blong Gris.

Daniel 8:3

An saet long riva ya tu, mi luk go nao mi lukim dat wanfala man sipsip wea hemi garem tufala longfala hon. Bat hon ya wea hemi kamap bihaen nao hemi longfala moa winim narawan.