Daniel 8:18 - Pijin Bible

¹⁸ Taem hemi gohed fo toktok long mi, mi leidaon finis long ples ya wetem fes blong mi godaon long graon, an hemi mekem mi barava dip slip. Bat hemi holem mi, an hemi mekem mi fo stanap moa.

Pijin Deuterocanon

¹⁸ Taem hemi gohed fo toktok long mi, mi leidaon finis long ples ya wetem fes blong mi godaon long graon, an hemi mekem mi barava dip slip. Bat hemi holem mi, an hemi mekem mi fo stanap moa.

Daniel 8:18 Iomraidhean Croise

Jenesis 15:12

Nao taem san hemi gohed fo godaon, Ebram hemi barava dip slip nao olsem man wea hemi dae finis, an hemi drim an hemi lukim dat wanfala bikfala tudak hemi kam kavaremap hem, an hemi fraet tumas.

Stori abaotem Job 4:13

Hemi kam long wanfala drim taem mi barava dip slip long naet, an hemi mekem mi fraet.

Esikiel 2:2

Taem hemi gohed fo tok kam long mi, Yawe hemi putum paoa blong hem insaet long mi an hemi mekem mi stanap. An mi herem hemi gohed fo toktok kam long mi.

Daniel 10:16

Man ya hemi stretem kam han blong hem an hemi tasim maos blong mi. Nao mi tok olsem long hem, “Bikman, spesol drim ya hemi mekem mi fo wik tumas, an hemi mekem mi barava filnogud tumas an strong blong mi hemi finis nao.

Daniel 10:18

So, man ya hemi holem mi, an hemi mekem mi fo fil strong moa.

Daniel 8:17

So, Gebriel hemi kam kolsap long mi, nao mi foldaon long graon bikos mi fraet tumas. Hemi tok olsem long mi, “Man blong wol. Yu mas save long mining blong samting ya. Spesol drim ya wea yu bin lukim, hem nao piksa long en blong olketa nogud samting ya.”

Daniel 8:27

Mi barava filnogud tumas an mi sik fo samfala de. Taem mi kamap gud moa, mi gobaek fo duim olketa waka wea king hemi siusim mi fo duim. Plande taem mi traehad fo savegud long mining blong spesol drim ya, bat mi nating save nomoa long hem.

Sekaraea 4:1

Mi lukim narafala spesol drim moa, an long spesol drim ya mi lukim disfala enjel hu hemi bin gohed fo tok wetem mi. Hemi kam sekem mi, olsem hemi laek fo wekapem mi.

Gudnius abaotem Jisas Kraes wea Luk hemi raetem 22:45

Bihaen hemi prea finis, hemi stanap, an hemi gobaek moa long olketa disaepol blong hem, an hemi lukim olketa gohed fo slip nomoa, bikos olketa taet tumas from olketa sore tumas.

Gudnius abaotem Jisas Kraes wea Luk hemi raetem 9:32

Pita wetem tufala fren blong hem ya olketa barava slip ya, bat taem olketa wekap, olketa lukim bikfala paoa blong God hemi saen raonem Jisas, an olketa lukim tu tufala man ya wea tufala stanap wetem hem.

Aposol 26:6

An distaem olketa laek fo jajem mi bikos mi barava bilivim disfala promis wea God hemi bin mekem wetem olketa olo blong mifala bifoa.

Revelesin 1:17

Nao taem mi lukim nomoa, mi foldaon long frant long lek blong hem, an mi stap olsem wanfala man wea hemi dae finis. Bat hemi tasim mi wetem raet han blong hem an hemi tok olsem, “Yu no fraet. Mi nao mi faswan bifoa evrisamting, an bae mi laswan tu bihaen evrisamting.