Daniel 7:6 - Pijin Bible

⁶ Taem mi gohed fo lukluk yet, mektri animol hemi kamaot moa. Hemi olsem lepad, wanfala animol olsem bikfala wael puskat, bat hemi garem fofala wing long baeksaet blong hem wea i olsem wing blong bed. Animol ya hemi garem fofala hed, an hemi garem paoa fo rul.

Pijin Deuterocanon

⁶ Taem mi gohed fo lukluk yet, mektri animol hemi kamaot moa. Hemi olsem lepad, wanfala animol olsem bikfala wael puskat, bat hemi garem fofala wing long baeksaet blong hem wea i olsem wing blong bed. Animol ya hemi garem fofala hed, an hemi garem paoa fo rul.

Daniel 7:6 Iomraidhean Croise

Esikiel 17:3

Yu talem olketa dat mi Lod Yawe nao mi tok olsem: Wanfala bikfala igol wea hemi barava bik fogud, hemi flae kam antap long olketa maonten long Lebanon. Tufala wing blong hem hemi strong fogud, an hea blong hem hemi long tumas an garem plande deferen kala long hem. Hemi holem brans antap long wanfala sida tri,

Daniel 10:20

An hemi tok olsem moa, “?Waswe, yu save long ka-kam blong mi ya long yu? Mi kam fo somaot long yu olketa samting wea olketa raetem insaet long Buk ya blong Trutoktok. Bat distaem, mi mas gobaek fo faetem disfala ravis enjel ya wea hemi lukaftarem olketa pipol blong Pesia. Long bihaen, narafala ravis enjel wea hemi gohed fo lukaftarem olketa pipol blong Gris bae hemi kam. Bat enjel Maekol hu hemi gohed fo lukaftarem yufala blong Israel, hem nomoa hemi helpem mi.”

Daniel 2:39

An sest blong kaving ya, hem nao narafala kingdom bae hemi kamap bihaen long yu, bat rul blong hem bae hemi nating gud nomoa olsem rul blong yu. An haf blong kaving ya wea hemi bras, hem nao mektri kingdom wea bae hemi rul bihaen long yu. Hem tu bae hemi rul ovarem evri pipol long wol, bihaen long mektu kingdom ya. Bat rul blong hem tu hemi no olsem yu.

Daniel 7:4

Faswan, hemi luk olsem wanfala laeon, bat hemi garem tufala wing olsem wing blong igol. An taem mi gohed fo lukluk go long hem yet, wanfala man hemi pulumaot tufala wing ya blong hem. Man ya hemi liftimap disfala animol, an hemi mekem hem fo stanap long tufala lek blong hem olsem wanfala man, an hemi mekem hem fo garem tingting olsem man.

Daniel 7:5

Mektu animol wea hemi luk olsem wanfala bea hemi kamaot. Hemi stanap long tufala lek long bihaen, an trifala bon long rib nao hemi stap long maos blong hem. An mi herem wanfala man hemi tok olsem long animol ya, “!Yu go an kaikaim evri mit wea yu save faendem!”

Hosia 13:7

Hem nao mi kros tumas long yufala, an bae mi spoelem yufala finis olsem taem laeon hemi kaikaim wanfala animol. Bae mi weit nomoa fo kilim yufala dae, olsem bikfala wael puskat hemi haed long saet rod fo kasholem animol wea bae hemi kaikaim.

Revelesin 13:2

Wael animol mi lukim ya, hemi luk olsem bikfala lepad. Bat olketa lek blong hem, hemi olsem lek blong wanfala bikfala bea. Maos blong hem, hemi olsem maos blong laeon. Nao bikfala snek ya, hemi givim go strong blong hem long wael animol ya, an hemi givim bikfala paoa tumas long hem fo rul olsem hem seleva.