Daniel 6:8 - Pijin Bible

⁸ King, hemi gud fo yu raetemdaon disfala lo mekem hemi stap wetem olketa narafala lo blong Media an Pesia, wea no eniwan save sensim moa enitaem.”

Pijin Deuterocanon

⁸ King, hemi gud fo yu raetemdaon disfala lo mekem hemi stap wetem olketa narafala lo blong Media an Pesia, wea no eniwan save sensim moa enitaem.”

Daniel 6:8 Iomraidhean Croise

Esta 1:19

King, sapos hemi oraet nomoa long yu, mi tingse hemi moabeta fo yu mekem wanfala niu lo fo talemaot dat bae yu les nao fo lukim woman ya moa enitaem. An hemi gud fo yu raetemdaon disfala lo mekem hemi stap wetem olketa narafala lo blong Pesia an Media, wea no eniwan save sensim moa enitaem. An hemi gud fo yu siusim wanfala woman moa wea wei blong hem hemi gudfala moa winim Kuin Vasti fo kamap kuin sensim hem.

Esta 3:12

So, long mektetin de blong fas mans, Haman hemi kolem olketa sekretri blong king fo kam long hem, an hemi talemaot wanfala strongfala toktok long olketa mekem olketa raetemdaon. Olketa tanem go toktok ya long olketa langguis blong olketa provins insaet long kingdom ya. Nao Haman hemi tekem ring ya blong king, an putum mak blong hem long olketa leta, fo somaot dat king nao hemi pasim toktok ya. An hemi sendem olketa leta ya go long olketa minista blong king, an olketa gavna long evri provins, an olketa sif blong olketa deferen traeb insaet long kingdom ya.

Esta 8:10

An Modekae hemi talem olketa fo raetem olketa toktok ya long nem blong King Sekses, an hemi yusim ring blong king fo putum mak long hem. An olketa man fo karim mesij i tekem olketa nambawan hos blong king wea i save ran kuiktaem tumas, an tekem olketa toktok ya go long evri ples.

Esta 8:3

Esta hemi lukim dat disfala plan blong Haman fo kilim dae olketa Jiu, hemi stap yet, so hemi nildaon frant long king, an hemi gohed fo krae, an askem hem moa fo duim samting fo stopem ravis plan ya.

Esta 8:8

Bat toktok blong mi wea olketa raetemdaon wetem mak blong mi long hem, hemi stap nao an no eniwan save sensim moa. Bat yutufala save raetem wanfala niufala toktok fo helpem olketa Jiu. Bae yutufala raetem wanem nao hemi gud long maen blong yutufala, an yusim ring blong mi fo putum mak blong mi long hem, an yutufala sendem go long nem blong mi.”

Sams 94:21

Olketa ya i plan tugeta long nogud wei fo kilim dae olketa gudfala pipol.

Aesaea 10:1

!Sore tumas long olketa lida blong Israel! Olketa mekem olketa lo wea hemi no stret an olketa rul blong olketa hemi barava had tumas.

Daniel 5:28

DIVAED, hemi minim wea kingdom blong yu hemi divaed finis, an olketa blong Media an Pesia nao bae i tekova long yu.”

Daniel 6:12

olketa evriwan i go long king an ripotem hem nao. Olketa tok olsem, “!King! Yu bin raetem an saenem finis wanfala lo wea hemi sei, stat distaem go-go kasem tetifala de, bae no eniwan hemi askem enisamting long eni god o eni narawan. Olketa mas askem yu nomoa. An eniwan hu hemi brekem lo ya, bae yu givim oda fo torowem hem go insaet long hol ya wea olketa laeon i stap long hem. ?Waswe, disfala lo hemi stap yet o nomoa nao?” King hemi tok olsem, “Ya, lo ya hemi nating sens. Hemi stap wetem olketa narafala lo blong Media an Pesia, wea no eniwan save sensim moa enitaem.”

Daniel 6:15

Bat olketa enemi blong hem i kambaek tugeta an tok olsem, “!King! Yu save dat evri lo blong yumi pipol blong Media an Pesia wea king hemi saenem finis, no eniwan save sensim moa enitaem.”

Matiu 24:35

Skae wetem disfala wol bae tufala finis nomoa, bat toktok blong mi bae hemi nating save finis.”