Daniel 6:7 - Pijin Bible

⁷ Mifala evriwan hu i waka fo yu insaet long kingdom ya blong yu, olsem trifala hedman, wetem olketa minista, an olketa fas sekretri, an olketa advaesa, an olketa gavna blong olketa provins, mifala i tingting olsem. Mifala evriwan i agri wea yu mas pasim wanfala lo, an mekem evri pipol mas obeim disfala lo ya. Mifala laekem yu fo givim strongfala toktok olsem stat distaem go-go kasem tetifala de, bae no eniwan save askem enisamting long eni god o eni narawan. Olketa mas askem yu nomoa. An eniwan hu hemi brekem lo ya, bae yu givim oda fo torowem hem go insaet long bikfala hol ya wea olketa laeon i stap long hem.

Pijin Deuterocanon

⁷ Mifala evriwan hu i waka fo yu insaet long kingdom ya blong yu, olsem trifala hedman, wetem olketa minista, an olketa fas sekretri, an olketa advaesa, an olketa gavna blong olketa provins, mifala i tingting olsem. Mifala evriwan i agri wea yu mas pasim wanfala lo, an mekem evri pipol mas obeim disfala lo ya. Mifala laekem yu fo givim strongfala toktok olsem stat distaem go-go kasem tetifala de, bae no eniwan save askem enisamting long eni god o eni narawan. Olketa mas askem yu nomoa. An eniwan hu hemi brekem lo ya, bae yu givim oda fo torowem hem go insaet long bikfala hol ya wea olketa laeon i stap long hem.

Daniel 6:7 Iomraidhean Croise

Sams 10:9

Olketa ya i gohed fo haed an we-weit nomoa long ples blong olketa, olsem wanfala laeon. Olketa ya i gohed fo weit nomoa fo kasem olketa pua pipol long trap blong olketa.

Sams 2:2

Olketa king long disfala wol i mekredi nao fo faet. Olketa hu i rulim olketa pipol long wol i joen tugeta nao fo faet. Olketa redi fo faet agensim Yawe an disfala king ya wea hemi bin siusim fo duim waka blong hem.

Sams 59:3

!Lod Yawe, yu lukim kam ya! Olketa ravis pipol ya i kam tugeta nao fo agensim mi. Ya, olketa we-weit nomoa fo kilim mi dae. Nomata mi no duim eni rong samting, an mi no duim eni nogud samting, olketa hariap an mekredi nomoa fo faet. Lod Yawe, yu garem evri paoa an yu God blong Israel. Plis yu getap, an kam fo helpem mi. Ya, wekap an panisim olketa hiden pipol ya. Yu mas no sore long olketa nogud pipol wea i spoelem nomoa olketa fren blong olketa.

Sams 62:4

Ating yufala laekem nomoa fo mekem mi foldaon ya, mekem mi lusim bikfala nem blong mi? Ya, yufala hapi tumas fo talem olketa laea toktok. Yufala gohed fo talem olketa toktok wea hemi mekem man fo hapi, bat insaet long tingting blong yufala, yufala gohed nomoa fo mekem trabol fo kasem mi.

Sams 83:5

Olketa wanmaen nao long plan blong olketa, an i joen tugeta nao fo agensim yu.

Sams 94:20

Yu barava les long olketa jaj wea wei blong olketa hemi nogud tumas. Ya, yu les long olketa jaj hu i mekem olketa lo wea i nating stret.

Daniel 2:4

Olketa advaesa ya i baodaon long hem, an tok long hem long Arameik wea hemi langguis long ples ya. Olketa tok olsem, “King, wea yu hae tumas. Yu talemaot kam drim blong yu ya long mifala, an bae mifala talemaot mining blong hem long yu.”

Daniel 3:11

An yu bin talem dat sapos eniwan hemi no baodaon fo wosipim, bae olketa wakaman blong yu i torowem hem insaet long bikfala boks wea faea hemi laet bikfala insaet.

Daniel 3:2

Bihaen, king hemi kolem kam olketa minista wetem olketa fas sekretri, an olketa gavna blong olketa provins, an olketa advaesa, an olketa man fo lukaftarem seleni, an olketa jaj, an olketa sif, an olketa narafala bikman blong olketa provins. Hemi tokstrong long olketa, mekem evriwan ya hipap kam fo mekem seremoni fo mekhae long kaving ya.

Daniel 3:27

Olketa minista, an olketa fas sekretri, an olketa gavna blong olketa provins, an evri narafala advaesa blong king i hipap kam raonem trifala. Olketa lukim dat nomata hea blong trifala, an olketa kaleko blong trifala hemi nating bone nomoa, an trifala nating smel nomoa long smok blong faea.

Daniel 3:6

Bat eniwan hu hemi no baodaon fo wosipim, bae mifala torowem hem go insaet long bikfala boks wea faea hemi laet bikfala insaet.”

Daniel 6:16

So, king hemi odarem olketa man fo tekem kam Daniel fo torowem hem insaet long hol wea olketa laeon i stap long hem. Taem olketa torowem hem godaon long hol ya, king hemi tok go olsem long hem, “Letem God blong yu wea yu gohed fo wosipim, hemi sevem yu.”

Daniel 6:22

!Mi oraet nomoa! !God blong mi hemi sendem kam enjel blong hem fo satem maos blong olketa laeon ya, an olketa nating kaikaim mi, bikos mi stret nomoa long ae blong hem an long ae blong yu tu!”

Maeka 6:5

!Olketa pipol blong mi! Yufala tingting gobaek long evrisamting wea King Balak blong Moab hemi laek fo duim agensim olketa grani blong yufala, an tingim ansa wea Balam, san blong Beo, hemi givim long hem. Tingim gobaek tu olketa samting wea hemi hapen long rod, long taem wea olketa evriwan i goaot from Akesia fo go long Gilgal. Hemi gud fo yufala mas tingting gobaek gudfala long evrisamting ya, an bae yufala save long evrisamting wea mi bin duim long datfala taem fo sevem olketa grani blong yufala.”

Matiu 12:14

Long taem ya nomoa, olketa Farasi ya olketa go aotsaet nao an olketa toktok abaotem wei wea olketa save kilim Jisas dae nao.

Matiu 26:4

An olketa miting nao fo tokabaotem hao fo kasholem Jisas haed an fo kilim hem dae.

Gudnius abaotem Jisas Kraes wea Mak hemi raetem 15:1

Nao long eli moning yet, olketa hedprist an olketa tisa blong Lo an olketa nara bikman an evri memba long Kansol, olketa miting fo mekem wanfala plan nao. Olketa taemap han blong Jisas an olketa lidim hem an givim hem go long han blong Paelat.

Gudnius abaotem Jisas Kraes wea Jon hemi raetem 12:10

So olketa hedprist ya mekem plan fo kilim Lasaros dae tu.