Daniel 6:2 - Pijin Bible

² Hemi siusim trifala man moa fo kamap olketa hedman long olketa minista, an fo lukaftarem olketa spesol bisnis blong king. An Daniel nao wanfala long trifala hedman ya.

Pijin Deuterocanon

² Hemi siusim trifala man moa fo kamap olketa hedman long olketa minista, an fo lukaftarem olketa spesol bisnis blong king. An Daniel nao wanfala long trifala hedman ya.

Daniel 6:2 Iomraidhean Croise

Esra 4:22

Mi wonem yufala wea yufala mas duim evrisamting ya mi talem long yufala. Yumi mas no letem olketa fo kamap strong moa, mekem olketa no save mektrabol moa long kingdom blong mi.”

Esta 7:4

Wanfala man bin peimaot finis olketa pipol blong mi mekem hemi save kilim mifala evriwan dae. Sapos hemi bin peimaot mifala fo waka olsem slev nomoa, bae mi save stap kuaet, an mi no save mekem trabol fo yu olsem. Bat hemi planem fo kilim mifala evriwan dae.”

Provebs 26:6

Taem yu sendem toktok blong yu wetem krangge man, hemi olsem yu dringim poesen, o katemaot lek blong yu.

Provebs 3:16

Hemi givim yu plande gudfala samting an longfala laef tu, mekem pipol tinghae long yu.

Daniel 5:16

Mi bin herem dat yu save talemaot mining blong olketa samting olsem, an yu save talemaot mining blong olketa samting wea hemi staphaed. Sapos yu save ridim raeting ya an talemaot mining blong hem long mi, bae mi mekem yu fo kamap mektri man fo rul insaet long disfala kingdom, an bae mi mekem yu fo werem olketa spesol kaleko blong king, an bae mi hangem wanfala gol sen long nek blong yu fo mekhae long yu.”

Daniel 5:29

Long datfala taem nomoa King Belsasa hemi talem olketa wakaman blong hem fo tekem kam olketa spesol kaleko blong king mekem Daniel hemi werem, an hangem wanfala gol sen long nek blong hem fo mekhae long hem. An hemi mekem Daniel fo kamap mektri man fo rul insaet long kingdom ya.

Daniel 5:7

So, hemi singaot bikfala long olketa man blong hem fo kolem kam olketa waes man blong hem, an olketa majik man, an olketa poesen man, an olketa kleva man. Taem olketa advaesa ya i kam, king hemi tok olsem long olketa, “Eniwan hu hemi save ridim disfala raeting, an talemaot mining blong hem long mi, bae mi mekem hem fo kamap mektri man fo rul insaet long disfala kingdom. An bae mi mekem hem fo werem olketa spesol kaleko blong king, an bae mi hangem wanfala gol sen long nek blong hem fo mekhae long hem.”

Daniel 6:1

King Darias hemi siusim 120 minista, fo lukaftarem evri waka long kingdom blong hem.

Matiu 18:23

“Kingdom long Heven, hemi olsem taem wanfala king hemi wande fo faendemaot hao olketa wakaman blong hem olketa lukaftarem seleni blong hem.

Gudnius abaotem Jisas Kraes wea Luk hemi raetem 16:2

So ris man ya hemi kolem kam bos ya, an hemi talem hem olsem, ‘?Hao nao disfala nius wea mi bin herem abaotem yu ya? Bae yu no save gohed fo holem disfala waka moa ya. So yu mas mekem wanfala ripot fo mi long olketa samting wea yu bin lukaftarem.’

1 Korin 4:2

Nao wakaman ya, hemi mas duim gudfala waka fo Masta blong hem.

1 Samuel 2:30

“Dastawe nao mi Yawe God blong Israel, mi tok olsem: Bifoa, mi promisim olo blong yu Eron olsem evriwan long laen blong hem bae i prist fo duim waka blong mi fo evritaem olowe. !Bat wea, distaem, mi talem stret long yufala, disfala promis hem finis nao fo olketa pikinini blong yu! Distaem, man hu hemi tinghae long mi, bae mi tinghae long hem. Bat man hu hemi les long mi, bae mi les long hem tu.