Daniel 6:1 - Pijin Bible

¹ King Darias hemi siusim 120 minista, fo lukaftarem evri waka long kingdom blong hem.

Pijin Deuterocanon

¹ King Darias hemi siusim 120 minista, fo lukaftarem evri waka long kingdom blong hem.

Daniel 6:1 Iomraidhean Croise

Esta 1:1

Evrisamting wea hemi hapen long disfala stori, hemi hapen long taem wea King Sekses hemi king long Pesia. Hemi rul ovarem 127 provins, stat long kantri blong India long ist, go-go kasem kantri blong Kus long west. An kapitol blong Pesia hemi stap long wanfala strongfala sefples wea olketa kolem Susa.

Jeremaea 51:28

Redim olketa kantri ya fo kam faet agensim hem. An sendem toktok tu go long olketa king blong Media, wetem olketa gavna an bikman blong olketa, an long olketa kantri wea olketa king ya olketa rul ovarem, mekem olketa evriwan i kam.

Daniel 11:1

Man ya hemi tok olsem moa long mi: Long fas yia wea King Darias blong Media hemi rul long Babilonia, mi nao mi gadem hem an helpem hem fo kamap strong.

Daniel 3:2

Bihaen, king hemi kolem kam olketa minista wetem olketa fas sekretri, an olketa gavna blong olketa provins, an olketa advaesa, an olketa man fo lukaftarem seleni, an olketa jaj, an olketa sif, an olketa narafala bikman blong olketa provins. Hemi tokstrong long olketa, mekem evriwan ya hipap kam fo mekem seremoni fo mekhae long kaving ya.

Daniel 5:31

Darias blong Media nao hemi tekova long hem fo kamap king. Long datfala taem, Darias hemi kasem siksti-tu yia.

Daniel 6:2

Hemi siusim trifala man moa fo kamap olketa hedman long olketa minista, an fo lukaftarem olketa spesol bisnis blong king. An Daniel nao wanfala long trifala hedman ya.

Daniel 9:1

Darias blong Media, hu hemi bon long King Sekses, hem nao hemi kamap king long Babilonia.

1 Pita 2:14

an long olketa primia wea king hemi siusim. Olketa nao save panisim pipol hu i brekem lo, an olketa save preisim pipol hu i falom gudfala wei.