Daniel 5:30 - Pijin Bible

³⁰ Bat long sem naet ya nomoa, olketa enemi blong Belsasa i kam an kilim hemi dae nao.

Pijin Deuterocanon

³⁰ Bat long sem naet ya nomoa, olketa enemi blong Belsasa i kam an kilim hemi dae nao.

Daniel 5:30 Iomraidhean Croise

Aesaea 47:9

Bat long wanfala taem, long wanfala de nomoa, tufala trabol ya bae hemi kam kasem yu. Nomata yu yusim evri majik blong yu, bae yu olsem nomoa woman hu hemi lusim hasban blong hem, wetem evri pikinini blong hem long wanfala de nomoa.

Jeremaea 50:24

“Olketa pipol blong Babilonia. Mi redim wanfala trap fo yufala, an bifoa yufala save, trap ya hemi kasem yufala. Ya, mi kasem yufala olsem, bikos yufala bin gohed fo agensim mi Yawe.

Jeremaea 51:11

(Profet) Yawe hemi mekem olketa king blong Media fo go mekem faet agensim Babilon, bikos Yawe hemi mekem plan finis fo spoelem hem. Bae Yawe hemi sensimbaek olketa nogud samting wea olketa blong Babilonia bin duim long Tambuhaos blong hem. Olketa komanda blong ami ya i tok olsem, “!Redim aro! !Redim sil!

Jeremaea 51:31

Olketa man fo karim toktok bae i gohed fo resis go, wea wanfala hemi pasim nius go long narawan, an narawan hemi pasim go long narawan, fo talemaot long king wea olketa enemi i tekova finis disfala taon blong hem.

Jeremaea 51:39

An long taem wea olketa laekem tumas fo kaikai an dring, bae mi mekem wanfala bikfala fist fo olketa. Bae mi mekem olketa fo kaikai an dring long bikfala kros blong mi go-go olketa fuldrang, nao bae olketa dip slip, wea bae olketa no save wekap moa.

Jeremaea 51:57

Bae mi panisim olketa bikman, an olketa waesman, an olketa gavna, an olketa komanda, an olketa soldia blong hem, mekem olketa evriwan i dring long bikfala kros blong mi go-go olketa fuldrang, nao bae olketa dip slip, wea bae olketa no save wekap moa.” Hem nao mesij blong King ya wea nem blong hem nao Yawe hu hemi garem evri paoa.

Emos 6:7

So, yufala nao bae i faswan wea olketa enemi i fosim fo lusim lan blong yufala. An olketa fist blong yufala ya wea yufala gohed fo hapi long hem, bae hemi finis.