Daniel 5:28 - Pijin Bible

²⁸ DIVAED, hemi minim wea kingdom blong yu hemi divaed finis, an olketa blong Media an Pesia nao bae i tekova long yu.”

Pijin Deuterocanon

²⁸ DIVAED, hemi minim wea kingdom blong yu hemi divaed finis, an olketa blong Media an Pesia nao bae i tekova long yu.”

Daniel 5:28 Iomraidhean Croise

2 Kronikols 36:23

“King Saeras blong Pesia nao hemi tok olsem: Yawe, God blong heven, hemi mekem mi fo rul ovam evri kantri long disfala wol. An hemi siusim mi tu fo bildimbaek moa disfala Tambuhaos blong hem long Jerusalem, wea hemi stap long kantri long Jiuda. !Letem God blong Israel hemi stap wetem olketa pipol blong hem! Eniwan long olketa hu hemi laek fo gobaek, olketa save gobaek long Jerusalem fo bildimbaek moa disfala Tambuhaos blong Yawe, God blong Israel, wea olketa wosipim long Jerusalem.”

Aesaea 13:17

“!Olketa! Bae mi mekem ami blong Media fo faetem olketa long Babilonia. Olketa soldia ya i nating wari nomoa long silva o gol, an olketa nating intres nomoa long olketa samting ya.

Aesaea 21:2

Yawe hemi som wanfala spesol drim long mi. Long drim ya mi lukim dat olketa pipol i duim olketa barava nogud samting, olsem long wei wea olketa save laea long olketa seleva, an save trikim olketa seleva, an save spoelem olketa seleva. Nao mi herem Yawe hemi tok olsem, “!Olketa soldia blong Elam! !Yufala go fo faetem olketa blong Babilonia! !Olketa soldia blong Media! !Yufala go raonem olketa taon blong olketa mekem olketa no save kam aotsaet! Mi bae mi finisim wei wea olketa long Babilonia i duim long olketa narafala pipol fo mekem olketa sore an krae.”

Aesaea 47:11

Bat bikfala trabol bae hemi kasem yu, an olketa majik blong yu ya no save stopem. Wantaem nomoa, bae wanfala barava nogud samting hemi kasem yu, an yu no save peim kaon blong yu. Disfala samting ya, bae hemi barava nogud tumas, winim evri nogud samting wea hemi kasem yu long laef blong yu.

Jeremaea 25:13

Mi bin talemaot olketa mesij blong mi agensim olketa kantri ya long Profet Jeremaea, an hemi bin talemaot an raetemdaon olketa long disfala buk. An bae mi mekem evri bikfala trabol ya i kam kasem lan ya, olsem wea mi talemaot agensim hem.

Jeremaea 51:28

Redim olketa kantri ya fo kam faet agensim hem. An sendem toktok tu go long olketa king blong Media, wetem olketa gavna an bikman blong olketa, an long olketa kantri wea olketa king ya olketa rul ovarem, mekem olketa evriwan i kam.

Daniel 2:32

Hed blong kaving ya, olketa wakem long barava nambawan gol, an sest blong hem wetem tufala han blong hem olketa wakem long silva. An stat long bele blong hem godaon kasem ni, olketa wakem long bras.

Daniel 2:39

An sest blong kaving ya, hem nao narafala kingdom bae hemi kamap bihaen long yu, bat rul blong hem bae hemi nating gud nomoa olsem rul blong yu. An haf blong kaving ya wea hemi bras, hem nao mektri kingdom wea bae hemi rul bihaen long yu. Hem tu bae hemi rul ovarem evri pipol long wol, bihaen long mektu kingdom ya. Bat rul blong hem tu hemi no olsem yu.

Daniel 5:31

Darias blong Media nao hemi tekova long hem fo kamap king. Long datfala taem, Darias hemi kasem siksti-tu yia.

Daniel 6:28

So, long taem blong King Darias, an King Saeras blong Pesia, Daniel hemi gohed fo kamap hae moa, an olketa pipol i barava tinghae long hem.

Daniel 6:8

King, hemi gud fo yu raetemdaon disfala lo mekem hemi stap wetem olketa narafala lo blong Media an Pesia, wea no eniwan save sensim moa enitaem.”

Daniel 8:20

“Disfala man sipsip wea hemi garem tufala hon, hem nao tufala king ya blong Media an Pesia.

Daniel 9:1

Darias blong Media, hu hemi bon long King Sekses, hem nao hemi kamap king long Babilonia.

Aposol 2:9

Yumi ya, yumi stap kam long olketa kantri olsem Patia an Midia an Elam an Mesopotemia an Jiudia an Kapadosia an Pontas an Esia