Daniel 5:17 - Pijin Bible

¹⁷ Daniel hemi tok olsem long hem, “King, yu no givim olketa samting ya long mi. Yu save kipim olketa samting blong yu, o givim go long narafala man. Nomata olsem, bae mi ridim nomoa raeting ya long wol, an bae mi talemaot mining blong hem long yu.

Pijin Deuterocanon

¹⁷ Daniel hemi tok olsem long hem, “King, yu no givim olketa samting ya long mi. Yu save kipim olketa samting blong yu, o givim go long narafala man. Nomata olsem, bae mi ridim nomoa raeting ya long wol, an bae mi talemaot mining blong hem long yu.

Daniel 5:17 Iomraidhean Croise

Jenesis 14:23

bae mi no save holembaek enisamting wea hemi blong yu. Nomata wanfala strap long olfala sandol blong yu, bae hemi mas gobaek moa long yu, nogud bae yu talem samtaem olsem yu nomoa yu mekem mi kamap wanfala risman.

2 Kings 3:13

Taem Elaesa hemi lukim king blong Israel, hemi tok olsem, “?Waswe nao yu laekem mi fo helpem yu? !Yu go lukim olketa profet blong dadi an mami blong yu!” Bat king blong Israel hemi tok olsem, “Nomoa. Ating Yawe hemi putum mitrifala king long han blong king blong Moab.”

2 Kings 5:16

Bat profet hemi ansa olsem, “Mi wakaman blong Yawe hu hemi laef. Mi tok stret long nem blong hem, mi no save tekem enisamting from yu.” An nomata Naaman hemi traehad fo mekem hem tekem samting, hemi no laekem.

2 Kings 5:26

Bat wea, Elaesa hemi tok olsem, “?Waswe, taem man ya hemi jamdaon from kaat fo faet blong hem fo kam mitim yu, yu tingse spirit blong mi hemi no go wetem yu long dea? Hemi nating stret fo yu tekem kaleko, o seleni, o plantesin blong oliv, o plantesin blong grep, o sipsip, o buluka, o wakaman an wakamere.

Sams 119:46

Bae mi save talemaot nomoa olketa tising blong yu long olketa king, an bae mi no save sem.

Daniel 2:6

Bat sapos yufala save talemaot kam drim ya wetem mining blong hem long mi, bae mi haemapem yufala an blesim yufala. Distaem yufala mas talemaot kam nao drim ya wetem mining blong hem.”

Daniel 5:29

Long datfala taem nomoa King Belsasa hemi talem olketa wakaman blong hem fo tekem kam olketa spesol kaleko blong king mekem Daniel hemi werem, an hangem wanfala gol sen long nek blong hem fo mekhae long hem. An hemi mekem Daniel fo kamap mektri man fo rul insaet long kingdom ya.

Aposol 8:20

Bat Pita hemi tokstrong long hem olsem, “?Yu tingse seleni blong yu hemi save peim wanem God hemi givim fri long olketa pipol? !Bae yu go lus long hel wetem olketa seleni blong yu ya!