Daniel 4:33 - Pijin Bible

³³ Seknomoa disfala toktok ya hemi kamap tru nao. An olketa pipol blong Babilon i ronemaot King Nebukadnesa from ples wea olketa pipol i stap long hem, an hemi kaikaim gras nao olsem buluka. An bodi blong hem hemi tuwet long wata blong naet wea hemi gohed fo foldaon long hem. An hea blong hem hemi grou longfala fogud, an olketa fingganeil blong hem hemi longfala olsem fingganeil blong igol.

Pijin Deuterocanon

³³ Seknomoa disfala toktok ya hemi kamap tru nao. An olketa pipol blong Babilon i ronemaot King Nebukadnesa from ples wea olketa pipol i stap long hem, an hemi kaikaim gras nao olsem buluka. An bodi blong hem hemi tuwet long wata blong naet wea hemi gohed fo foldaon long hem. An hea blong hem hemi grou longfala fogud, an olketa fingganeil blong hem hemi longfala olsem fingganeil blong igol.

Daniel 4:33 Iomraidhean Croise

Stori abaotem Job 20:5

ravis pipol i save hapi fo lelebet taem nomoa.

Aesaea 30:14

Ya, disfala ravis wei blong yufala bae hemi nating save helpem yufala, olsem wea pot hemi brek long olketa smolfala pisis, an no eniwan hemi save putum enisamting moa insaet long hem.”

Daniel 4:25

Bae olketa pipol i ronem yu aot from ples blong yu, an bae yu stap wetem olketa wael animol. An fo sevenfala yia, bae yu kaikaim gras olsem buluka. An bae yu slip nomoa long open ples wea wata blong naet bae hemi foldaon kam long yu. Oraet, bihaen long taem ya nao bae yu redi fo talem dat God hu hemi barava hae tumas, hem nao hemi gohed fo rul ovarem evri kingdom long disfala wol, an hemi save givim paoa blong king go long eniwan wea hemi siusim.

Daniel 4:32

Bae olketa pipol i ronem yu aot from ples wea olketa pipol i stap long hem, an bae yu stap wetem olketa wael animol. An fo sevenfala yia, bae yu kaikaim gras olsem buluka. Bihaen long taem ya, bae yu jes save dat mi nao God hu hemi barava hae tumas, an mi nao mi gohed fo rul ovarem evri kingdom long disfala wol, an mi save givim paoa blong olketa king fo go long eniwan wea mi siusim.”

Daniel 5:21

Olketa ronem hem aot from ples wea olketa pipol i stap long hem, an tingting blong hem hemi olsem tingting blong olketa wael animol. Hemi stap wetem olketa wael dongki, an hemi kaikaim gras olsem buluka, an hemi gohed fo slip nomoa long open ples wea wata blong naet hemi gohed fo foldaon kam long hem. Hemi gohed fo stap olsem, go-go kasem taem wea hemi luksave long God hu hemi hae tumas, an hu hemi rul ovarem evri kingdom long disfala wol, an hemi siusim eniwan hu hemi laek fo rul long olketa ples ya.

Daniel 5:5

Seknomoa wanfala han blong man hemi kamaot nao, an hemi gohed fo raet nao long wol blong haos ya blong king, long ples wea laet hemi saen gudfala long hem. King hemi lukim han ya taem hemi gohed fo raet long wol.

1 Tesalonaeka 5:2

Bikos yufala seleva yufala savegud finis wea Masta blong yumi bae hemi kambaek long eni de nomoa, olsem man fo stil save kam enitaem nomoa long naet.