Daniel 4:16 - Pijin Bible

¹⁶ Fo sevenfala yia nao bae hemi garem nomoa tingting blong olketa wael animol, tingting blong man bae hemi lus from hem.

Pijin Deuterocanon

¹⁶ Fo sevenfala yia nao bae hemi garem nomoa tingting blong olketa wael animol, tingting blong man bae hemi lus from hem.

Daniel 4:16 Iomraidhean Croise

2 Samuel 18:32

Den king hemi askem hem olsem, “?Waswe long yangman ya Absalom, hemi oraet?” So man blong Kus hemi ansa olsem, “King, masta blong mi, letem trabol wea hemi kasem yangman ya hemi kasem evriwan wea i agensim yu, an olketa narafala enemi blong yu tu.”

Aesaea 6:10

Aesaea. Toktok blong yu bae hemi mekem olketa fo no luksave, an fo no heresave, an fo no minim tu. Nogud olketa herem toktok blong yu, an bae olketa luksave, an heresave, an minim, mekem olketa save kambaek moa long mi, an mi save mekem olketa fo gudbaek moa.”

Daniel 11:13

Bae king ya blong Siria hemi gobaek an redim moa wanfala bikfala ami winim wea hemi garem bifoa. An bihaen bae hemi kambaek wetem bikfala ami blong hem ya an plande samting tumas fo faet.

Daniel 12:7

Oraet, man ya hu hemi stap lelebet goap moa long riva hemi liftimap tufala han blong hem goap long heven, an hemi mekem wanfala strongfala promis long nem blong God hu hemi stap olowe. Mi herem hem tok olsem, “Bae olketa samting ya hemi gohed nomoa olsem fo tri an haf yia. Taem olketa pipol blong God i no garem moa paoa fo faet, bae taem ya blong trabol hemi jes finis.”

Daniel 4:23

An taem yu gohed yet fo lukluk, enjel ya fo gad hemi kamdaon from heven, an hemi tok olsem, ‘Yufala katemdaon tri ya, bat letem botom blong hem nomoa hemi stanap. Yufala tekem samfala bikfala strap wea olketa wakem long aean an bras, an taengem strong raonem botom tri ya, an letem hem stap long open ples insaet long gras. Yufala letem hem stap long ples ya mekem wata blong naet hemi foldaon kam long hem, an letem hem stap long gras wetem olketa animol fo sevenfala yia.’

Daniel 4:25

Bae olketa pipol i ronem yu aot from ples blong yu, an bae yu stap wetem olketa wael animol. An fo sevenfala yia, bae yu kaikaim gras olsem buluka. An bae yu slip nomoa long open ples wea wata blong naet bae hemi foldaon kam long yu. Oraet, bihaen long taem ya nao bae yu redi fo talem dat God hu hemi barava hae tumas, hem nao hemi gohed fo rul ovarem evri kingdom long disfala wol, an hemi save givim paoa blong king go long eniwan wea hemi siusim.

Daniel 7:25

God hemi barava hae tumas, bat king ya bae hemi tok agensim hem nomoa. An bae hemi mekem olketa pipol blong God fo safa tumas. Bae hemi trae fo sensim olketa spesol taem an olketa lo blong olketa. An olketa pipol blong God bae i stap andanit long paoa blong hem fo tri an haf yia.

Daniel 7:28

Hem nao en long stori abaotem disfala spesol drim. Spesol drim ya hemi mekem mi fraet an wari tumas, bat mi putum nomoa olketa samting ya insaet long tingting blong mi.

Hibrus 1:11

Evrisamting ya bae hemi finis, bat bae yu stap olowe. No longtaem bae olketa i yusles nomoa olsem olketa olfala kaleko.

Revelesin 12:14

Bat God hemi givim tufala wing blong bikfala igol long woman ya, mekem hemi save flae go long ples blong hem long drae eria wea hemi farawe from bikfala snek ya. Long ples ya nao bae olketa lukaftarem hem gudfala long trifala yia an siksfala mans.