Daniel 3:22 - Pijin Bible

²² Bat bikos king bin talem olketa man blong hem fo mekem faea fo kamap hot sevenfala taem moa winim bifoa, olketa soldia hu i karim trifala man go long boks ya, faea hemi bonem olketa, an evriwan i dae nao.

Pijin Deuterocanon

²² Bat bikos king bin talem olketa man blong hem fo mekem faea fo kamap hot sevenfala taem moa winim bifoa, olketa soldia hu i karim trifala man go long boks ya, faea hemi bonem olketa, an evriwan i dae nao.

Daniel 3:22 Iomraidhean Croise

1 Kings 13:28

Hemi sidaon antap long hem, an wakabaot go, nao hemi lukim dat man blong God hemi dae finis long rod. An laeon wetem dongki ya, tufala stanap yet long saet long hem, bat laeon hemi no kaikaim bodi blong hem, an hemi no kilim dongki ya tu.

Eksodas 12:33

Olketa pipol blong Ijip tu i gohed fo hariap long pipol blong Israel fo goaot kuiktaem from ples blong olketa. Olketa gohed fo tok olsem long olketa, “!Yufala mas goaot distaem nao! !Sapos nomoa, mifala evriwan bae dae nao!”

Provebs 11:8

Stretfala man hemi sef from trabol, bat trabol kasem nogud man.

Provebs 21:18

Ravis pipol bae garem trabol wea olketa mekem long stretfala pipol. Nogud pipol bae garem panis bat gudfala pipol nomoa.

Daniel 1:7

Disfala wakaman ya hemi givim niufala nem long Daniel olsem Beltesasa, an Hananaea nao Sadrak, an Misael nao Mesak, an Asaraea nao Abednego.

Daniel 2:15

an hemi askem hem olsem, “?Waswe nao king hemi givim disfala barava strongfala toktok olsem?” So, Ariok hemi talemaot olketa samting ya long hem.

Daniel 6:24

An king hemi givim wanfala strongfala toktok fo kasholem olketa man hu i bin laea agensim Daniel. So, olketa kasholem olketa wetem olketa waef blong olketa an olketa pikinini blong olketa, an torowem olketa godaon insaet long hol ya wea olketa laeon i stap long hem. Bat taem olketa no kasem yet long botom blong hol ya, olketa laeon i jam kam ap fo olketa an pisisim olketa nao.

Matiu 27:5

So Jiudas hemi torowem go olketa seleni ya insaet long Tambuhaos ya, an hemi go aotsaet nao. Bihaen moa, hemi go an hangem hem seleva nao.

Aposol 12:19

Herod hemi mekem olketa lukaotem Pita, bat olketa nating faendem hem nao. So Herod hemi kotem olketa soldia ya, an bihaen, hemi talem dat olketa mas dae. Nao bihaen long diswan, Herod hemi lusim Jiudia an hemi go fo stap long taon long Sisaria.