Daniel 3:14 - Pijin Bible

¹⁴ Nao king hemi tok olsem long trifala, “!Trifala! ?Waswe, hemi tru wea yutrifala nating wosipim nomoa olketa god blong mi, an yutrifala nating baodaon nomoa long disfala kaving wea mi bin stanemap?

Pijin Deuterocanon

¹⁴ Nao king hemi tok olsem long trifala, “!Trifala! ?Waswe, hemi tru wea yutrifala nating wosipim nomoa olketa god blong mi, an yutrifala nating baodaon nomoa long disfala kaving wea mi bin stanemap?

Daniel 3:14 Iomraidhean Croise

Aesaea 46:1

“Hem ya nao en blong tufala kaving god ya Bel an Nebo, wea olketa pipol blong Babilon i wosipim. Tufala god ya, olketa dongki nao i karim tufala. Tufala god ya i barava hevi fogud, an mekem olketa dongki ya i taet fogud tu.

Jeremaea 50:2

“!Olketa! !Go talemaot disfala nius long olketa kantri! !Yufala no tokhaed! !Yufala mas talemaot gud! Yufala putumap flag mekem pipol save dat olketa mas lisingud long nius ya wea bae hemi kam olsem, ‘!Babilon hemi foldaon finis! Paoa blong bikfala god blong olketa Merodak hemi brek finis, an hemi sem tumas. Ya, paoa blong olketa ravis kaving blong hem hemi finis, an sem nomoa hemi kam long hem.’

Daniel 3:1

King Nebukadnesa hemi mekem wanfala kaving long gol wea tolfala blong hem hemi kasem tuenti-seven mita, an bikfala blong hem hemi kolsap kasem tri mita. Hemi stanemap kaving ya long flat ples ya long Dura long provins long Babilon.

Daniel 4:8

Bihaen, Daniel, wea narafala nem blong hem Beltesasa falom nem blong god blong mi, hemi kam fo lukim mi. Disfala man ya, spirit blong olketa tambu god hemi stap long hem. Nao mi talem hem olketa samting wea mi tingse mi lukim long disfala drim. Mi tok olsem long hem: