Daniel 2:40 - Pijin Bible

⁴⁰ Nao mekfoa kingdom bae hemi rul bihaen long mektri kingdom ya an bae hemi strong olsem aean wea hemi save brekem evrisamting. An long sem wei wea aean save brekem evrisamting, bae kingdom ya hemi barava brekem evri kingdom wea i rul fastaem long hem.

Pijin Deuterocanon

⁴⁰ Nao mekfoa kingdom bae hemi rul bihaen long mektri kingdom ya an bae hemi strong olsem aean wea hemi save brekem evrisamting. An long sem wei wea aean save brekem evrisamting, bae kingdom ya hemi barava brekem evri kingdom wea i rul fastaem long hem.

Daniel 2:40 Iomraidhean Croise

Stori abaotem Job 9:17

Ating bae hemi sendem kam komburu long mi, an mekem mi garekil fo nating nomoa.

Jeremaea 15:12

“Olketa. Sapos wanfala man hemi garem samting wea olketa wakem long barava strongfala aean wea hemi kamaot long not wea olketa miksim aean ya wetem bras. ?Waswe, man ya save brekem disfala samting?

Daniel 2:33

Tufala lek blong hem olketa wakem long aean wea hemi strong tumas, an tufala lek blong hem long daon olketa wakem long aean wea olketa miksim wetem red graon.

Daniel 2:39

An sest blong kaving ya, hem nao narafala kingdom bae hemi kamap bihaen long yu, bat rul blong hem bae hemi nating gud nomoa olsem rul blong yu. An haf blong kaving ya wea hemi bras, hem nao mektri kingdom wea bae hemi rul bihaen long yu. Hem tu bae hemi rul ovarem evri pipol long wol, bihaen long mektu kingdom ya. Bat rul blong hem tu hemi no olsem yu.

Daniel 2:41

Yu lukim dat tufala lek long daon blong kaving ya, an olketa tou long lek blong hem olketa wakem long aean wea olketa miksim wetem red graon. Hemi minim wea disfala kingdom bae hemi divaed long tufala haf. Bae hemi strong lelebet olsem wea red graon hemi fas long aean.

Daniel 7:7

Taem mi gohed fo lukluk yet, mekfoa animol hemi kamaot. Hemi strong fogud, an hemi barava luk nogud tu. An sapos eniwan hemi lukim, bae hemi fraet tumas. Hemi garem olketa bikfala tit long aean an hemi gohed fo pisisim kaikai blong hem. An olketa haf kaikai wea i stap long graon, hemi gohed fo step long olketa. Hemi barava deferen from trifala animol ya fastaem, bikos hemi garem tenfala hon.

Daniel 8:24

An bae king ya hemi kamap strong tumas, bat i no long paoa blong hem seleva. Bae hemi hapi long evrisamting wea hemi duim falom tingting blong hem seleva. An bae hemi spoelem plande samting, an plande long olketa strongfala man tu. Bae hemi spoelem tu olketa pipol blong God.

Daniel 9:26

Long en blong datfala taem, disfala man wea God hemi siusim, bae olketa kilim dae long wei wea hemi nating stret. Ami blong wanfala strongfala king bae hemi kam insaet long Jerusalem, an spoelem taon ya wetem Tambuhaos blong God, olsem bikfala flad nao bin spoelem. Bae olketa samting ya i hapen nao olsem wea God bin makem.

Emos 1:3

Yawe hemi tok olsem, ?Bikos olketa pipol long Damaskas i gohed fo sin olowe nomoa, mi mas talem tru long yufala wea bae mi panisim olketa from disfala ravis wei blong olketa. Bikos olketa mekem olketa pipol blong Gilead fo safa tumas, an barava spoelem olketa fogud,

Gudnius abaotem Jisas Kraes wea Jon hemi raetem 11:48

Sapos yumi letem disfala man fo go-gohed olsem olowe, bae evriwan i biliv long hem nao. An diswan nao bae hemi save mekem olketa bikman long gavman blong Rom fo kam an spoelem disfala tambuples blong yumi wetem evri pipol long kantri blong yumi nao.”