Daniel 2:31 - Pijin Bible

³¹ “King, insaet long drim blong yu ya, yu bin lukim dat wanfala kaving long man wea hemi bik an hemi barava hae tumas. Disfala kaving ya, hemi stanap frant long yu, an hemi barava saen fogud. An taem eniwan hemi luk long hem, hemi save fraet fogud.

Pijin Deuterocanon

³¹ “King, insaet long drim blong yu ya, yu bin lukim dat wanfala kaving long man wea hemi bik an hemi barava hae tumas. Disfala kaving ya, hemi stanap frant long yu, an hemi barava saen fogud. An taem eniwan hemi luk long hem, hemi save fraet fogud.

Daniel 2:31 Iomraidhean Croise

Aesaea 13:11

Yawe nao hemi tok olsem, “Bae mi panisim wol ya bikos hemi barava nogud tumas nao. An bae mi panisim olketa nogud pipol bikos olketa sin. Bae mi daonem olketa praod pipol, an bae mi spoelem finis evri praod wei blong olketa wea olketa save spoelem long olketa narafala pipol.

Esikiel 28:7

bae mi tekem kam olketa enemi wea i no garem sore long eniwan fo faetem yu. Bae olketa spoelem evri gudfala samting wea yu mekem long waes an save blong yu.

Daniel 2:36

Hem nao drim blong yu. “Distaem bae mi talemaot mining blong hem long yu.

Daniel 2:37

King, wea yu hae winim evri narafala king. God long heven hemi mekem yu fo kamap king, an hemi givim paoa long yu, an hemi mekem yu fo garem hae nem, an hemi mekem yu barava strong

Daniel 3:1

King Nebukadnesa hemi mekem wanfala kaving long gol wea tolfala blong hem hemi kasem tuenti-seven mita, an bikfala blong hem hemi kolsap kasem tri mita. Hemi stanemap kaving ya long flat ples ya long Dura long provins long Babilon.

Daniel 4:36

“Taem stretfala tingting blong mi hemi kambaek moa, God hemi mekem mi fo kamap king moa, an hemi mekem olketa pipol fo tinghae moa long mi, an kolem mi moa long king blong olketa. Olketa advaesa blong mi wetem olketa narafala bikman blong mi moa, i hapi tumas fo mi kamap king blong olketa moa. Distaem, olketa pipol i tinghae long mi moa winim bifoa, an mi garem paoa moa winim bifoa.

Habakuk 1:7

Olketa tingse olketa nao garem nambawan paoa long disfala wol, an falom nomoa tingting blong olketa seleva. Olketa praod tumas, an tingse evrisamting olketa duim hemi stret. Oltaem olketa gohed fo mekem evri pipol barava fraetem olketa tumas.

Matiu 4:8

Bihaen, Seitan hemi lidim Jisas moa fo go antap long wanfala maonten wea hemi hae tumas. An Seitan hemi som hem evri kantri long disfala wol, an hemi som hem tu enikaen samting wea i barava lukgud tumas wea olketa kantri ya i garem.

Gudnius abaotem Jisas Kraes wea Luk hemi raetem 4:5

Nao Seitan hemi lidim Jisas go moa long wanfala ples wea hemi hae tumas, an hemi som hem kuiktaem evri kantri long disfala wol.