Daniel 12:8 - Pijin Bible

⁸ Mi herem samting ya wea hemi talem, bat mi nating save long mining blong hem. So mi askem hem olsem, “?Bikman, wanem nao bae hemi hapen long datfala taem?”

Pijin Deuterocanon

⁸ Mi herem samting ya wea hemi talem, bat mi nating save long mining blong hem. So mi askem hem olsem, “?Bikman, wanem nao bae hemi hapen long datfala taem?”

Daniel 12:8 Iomraidhean Croise

Daniel 10:14

Mi kam fo talem yu wanem bae hemi hapen long olketa pipol blong yu, mekem yu savegud long olketa samting ya. Wanem yu bin lukim long spesol drim ya, hemi piksa blong olketa samting wea hemi no kamap yet.”

Daniel 12:6

Wanfala long tufala ya hu hemi stanap long saet blong riva ya, hemi askem man ya hu hemi werem barava nambawan waet kaleko an hemi stap lelebet goap moa falom riva. Hemi tok olsem, “?Hao long nao olketa samting ya fo sapraes long hem bae hemi gohed, bifoa hemi finis?”

Daniel 12:7

Oraet, man ya hu hemi stap lelebet goap moa long riva hemi liftimap tufala han blong hem goap long heven, an hemi mekem wanfala strongfala promis long nem blong God hu hemi stap olowe. Mi herem hem tok olsem, “Bae olketa samting ya hemi gohed nomoa olsem fo tri an haf yia. Taem olketa pipol blong God i no garem moa paoa fo faet, bae taem ya blong trabol hemi jes finis.”

Daniel 12:9

Hemi ansa olsem, “Daniel, yu no wari long olketa samting ya. Bikos olketa toktok ya mas staphaed go-go kasem las de.

Daniel 8:13

Mi herem wanfala enjel hemi askem go narafala enjel olsem, “?Fo hao long nao olketa samting ya wea God hemi somaot long spesol drim ya bae hemi finis? ?Fo hao long nao bae olketa nogud wei ya wea hemi sensim olketa sakrifaes blong olketa pipol blong God i gohed? ?Fo hao long nao bae smolfala hon ya hemi gohed fo step long olketa pipol blong God wetem Tambuhaos blong hem ya?”

Gudnius abaotem Jisas Kraes wea Luk hemi raetem 18:34

Taem ya, olketa disaepol olketa nating minim nomoa wanem Jisas hemi talem. Mining blong disfala toktok ya hemi olsem hemi haed from olketa, so olketa nating save wanem nao Jisas hemi toktok abaotem.

Gudnius abaotem Jisas Kraes wea Jon hemi raetem 12:16

Fastaem, olketa disaepol blong Jisas olketa no savegud yet long olketa samting ya. Bat taem Jisas hemi laefbaek moa an hemi gobaek finis long heven, olketa jes tingimbaek nao, wea wanem hemi hapen long Jisas ya hem nao wanem Buktambu hemi talem kam finis abaotem hem.

Aposol 1:7

Bat Jisas hemi ansarem olketa olsem, “Dadi blong mi nomoa hemi garem paoa fo makem olketa taem olsem, an hemi no fitim fo yufala save long olketa.

1 Pita 1:11

Spirit blong Kraes hemi stap long olketa, an hemi gohed fo talem long olketa wea Kraes mas safa fastaem, an bihaen moa, bae hemi kasem saen blong bikfala paoa blong God. An olketa profet i trae fo faendemaot hao nao an wataem nao disfala samting bae hemi hapen.