Daniel 11:40 - Pijin Bible

⁴⁰ Kolsap long en long datfala taem, king blong Ijip bae hemi go fo faet agensim king blong Siria. Bat king ya blong Siria bae hemi faet baek strongfala olsem wanfala saekloun. An bae hemi yusim olketa kaat fo faet, an olketa hos, an olketa sip fo faet. Bae hemi faet agensim plande kantri, an bae hemi tekova long olketa ples ya, olsem wata wea hemi flad bikfala an hemi kavaremap evri ples.

Pijin Deuterocanon

⁴⁰ Kolsap long en long datfala taem, king blong Ijip bae hemi go fo faet agensim king blong Siria. Bat king ya blong Siria bae hemi faet baek strongfala olsem wanfala saekloun. An bae hemi yusim olketa kaat fo faet, an olketa hos, an olketa sip fo faet. Bae hemi faet agensim plande kantri, an bae hemi tekova long olketa ples ya, olsem wata wea hemi flad bikfala an hemi kavaremap evri ples.

Daniel 11:40 Iomraidhean Croise

Aesaea 21:1

(Profet) Hem ya profesi abaotem Babilonia. Hemi olsem: Bae bikfala trabol hemi kamap from saot long lan wea olketa pipol i barava fraetem tumas. Bae hemi olsem wanfala strongfala win wea hemi blou strong long drae eria.

Aesaea 5:28

Olketa sapanem finis olketa aro blong olketa, an redi nao fo sut long olketa bou blong olketa. En long lek blong olketa hos blong ami ya hemi strong tumas olsem ston, an olketa wil blong kaat fo faet i ran kuiktaem tumas olsem saekloun.

Aesaea 66:15

Bae hemi kam kuiktaem wetem faea wea hemi laet bikfala, olsem wea hemi raed kam antap long klaod blong saekloun. An bae hemi panisim olketa pipol long wol wea hemi kros long olketa.

Jeremaea 4:13

(Profet) !Yufala lukim! Olketa enemi ya hemi olsem disfala strong win wea hemi kam wetem bikfala klaod. Olketa kaat fo faet blong olketa i kam olsem saekloun stret, an olketa hos blong olketa i gohed fo ran kuiktaem tumas winim olketa igol. Bae yufala kraeaot olsem, “!Man! !Yumi dae finis nao!”

Esikiel 38:4

Bae mi tanem yu raon wetem evri soldia blong yu, olsem wea mi hukum maos blong yufala long huk, an pulum yufala kam. Olketa soldia ya i plande fogud. Samfala long olketa i wakabaot, an samfala ran long hos. Evriwan i werem kaleko fo faet, an holem sil an naef fo faet.

Esikiel 38:9

Bae yu wetem olketa soldia blong yu an olketa blong olketa narafala kantri wea i go wetem yu, bae yufala kam fo spoelem ples blong olketa olsem wanfala saekloun, an bae yufala kavaremap datfala ples olsem wanfala klaod.

Daniel 11:10

Olketa san blong king long Siria bae i kolem olketa soldia blong olketa fo kam tugeta an redim olketa seleva fo faet. Wanfala long olketa san ya wetem ami blong hem bae i kam olsem wanfala bikfala flad, an olketa faet agensim wanfala strongfala sefples blong olketa enemi fo haed long hem.

Daniel 11:11

King ya blong Ijip bae hemi kros tumas, an hemi go fo faet agensim king blong Siria, an hemi winim bikfala ami blong hem.

Daniel 11:13

Bae king ya blong Siria hemi gobaek an redim moa wanfala bikfala ami winim wea hemi garem bifoa. An bihaen bae hemi kambaek wetem bikfala ami blong hem ya an plande samting tumas fo faet.

Daniel 11:22

Bae hemi kilim dae evri pipol hu i agensim hem. Nomata hae prist blong God, hemi kilim dae tu.

Daniel 11:25

Bae hemi kamap strong wetem wanfala bikfala ami, fo faet agensim king blong Ijip. Bat king blong Ijip bae hemi redim wanfala bikfala strong ami tu fo faet agensim olketa ya.

Daniel 11:35

Bae king ya hemi kilim dae samfala long olketa lida ya, bat long wei ya nao bae God hemi mekem olketa pipol hu i laef yet fo lusim olketa ravis wei blong olketa, an mekem laef blong olketa fo kamap stret long ae blong hem. Disfala samting bae hemi gohed, go-go kasem taem wea God hemi makem fo olketa samting ya i finis.

Daniel 11:39

Bae hemi mekem olketa pipol hu i wosipim wanfala deferen god, fo gadem olketa strongfala sefples blong hem fo haed long hem. Bae hemi mekhae long olketa hu i laekem hem fo kamap king blong olketa, mekem olketa pipol i tinghae long olketa. An bae hemi givim paoa long olketa fo rul, an hemi divaedem graon fo olketa fo hemi olsem presen blong olketa.

Daniel 11:7

No longtaem bihaen, wanfala man long laen blong woman ya bae hemi kamap king. Man ya bae hemi faet agensim ami blong king long Siria, an hemi go insaet long strongfala sefples blong olketa fo haed, an bae hemi winim olketa.

Daniel 12:4

Nao hemi tok olsem long mi, “Daniel, yu satem buk ya an putum wanfala mak long hem fo hemi staphaed go-go kasem las de ya. An long taem ya tu, bae plande pipol i gohed fo go olobaot fo trae an save long olketa samting wea hemi gohed fo kamap.”

Daniel 12:9

Hemi ansa olsem, “Daniel, yu no wari long olketa samting ya. Bikos olketa toktok ya mas staphaed go-go kasem las de.

Daniel 8:17

So, Gebriel hemi kam kolsap long mi, nao mi foldaon long graon bikos mi fraet tumas. Hemi tok olsem long mi, “Man blong wol. Yu mas save long mining blong samting ya. Spesol drim ya wea yu bin lukim, hem nao piksa long en blong olketa nogud samting ya.”

Habakuk 3:14

Taem ami blong hem bin kam olsem saekloun fo spoelem mifala, olketa bin gohed fo hapi olsem man hu hemi laekem fo mekem olketa pua pipol safa. Bat long datfala taem, yu bin sutim disfala lida long olketa aro blong hem seleva.

Sekaraea 9:14

(Profet) Yawe bae hemi kam long olketa pipol blong hem, an aro wea hemi sut long hem hemi laet olsem laetning. Lod Yawe bae hemi bloum bikfala trampet blong hem, an taem hemi maas kam, bae hemi olsem bikfala win wea hemi blou kamaot long saot.

Revelesin 16:12

Nao meksiks enjel hemi go kapsaetem baol blong hem insaet long Yufretis Riva. An bikfala riva ya hemi kamap drae nao. Long wei ya hemi openem rod, mekem olketa king hu i stap kam long ist wetem olketa ami blong olketa, i save wakabaot kam.

Revelesin 9:16

Nao olketa talem mi dat namba blong olketa soldia blong fofala enjel ya hemi kasem 200 milion.