Daniel 11:38 - Pijin Bible

³⁸ Bae hemi tinghae nomoa long wanfala laea god wea hemi lukaftarem olketa strongfala sefples fo haed long hem. Bat long disfala god wea olketa grani blong hem i nating save long hem bifoa, bae hemi ofarem gol, an silva, an olketa barava spesol ston, an olketa narafala samting moa wea praes blong olketa hemi hae tumas.

Pijin Deuterocanon

³⁸ Bae hemi tinghae nomoa long wanfala laea god wea hemi lukaftarem olketa strongfala sefples fo haed long hem. Bat long disfala god wea olketa grani blong hem i nating save long hem bifoa, bae hemi ofarem gol, an silva, an olketa barava spesol ston, an olketa narafala samting moa wea praes blong olketa hemi hae tumas.

Daniel 11:38 Iomraidhean Croise

Aesaea 44:9

(Profet) Olketa pipol hu i gohed fo wakem olketa kaving god fo wosipim, olketa ya i nating fitim enisamting nao. An olketa kaving ya wea olketa wakem, i barava yusles tu. Olketa pipol hu i wosipim olketa narafala god ya, i blaen an krangge. Bae olketa barava sem fogud.

Daniel 11:37

Bae king ya hemi no tingim olketa narafala god wea olketa grani blong hem i wosipim bifoa, o god ya wea olketa woman i lavem tumas. Bae hemi no tinghae long eni god, bikos bae hemi tingse hem nao hemi hae moa winim evri narafala god.

Daniel 11:39

Bae hemi mekem olketa pipol hu i wosipim wanfala deferen god, fo gadem olketa strongfala sefples blong hem fo haed long hem. Bae hemi mekhae long olketa hu i laekem hem fo kamap king blong olketa, mekem olketa pipol i tinghae long olketa. An bae hemi givim paoa long olketa fo rul, an hemi divaedem graon fo olketa fo hemi olsem presen blong olketa.

Daniel 11:7

No longtaem bihaen, wanfala man long laen blong woman ya bae hemi kamap king. Man ya bae hemi faet agensim ami blong king long Siria, an hemi go insaet long strongfala sefples blong olketa fo haed, an bae hemi winim olketa.

1 Timoti 4:1

Holi Spirit hemi talemaot klia wea bae samfala pipol i lusim biliv blong olketa long taem wea bae i kam. An bae olketa falom olketa spirit wea save laea tumas, an bae olketa falom moa enisamting wea olketa devol save tisim.

Revelesin 18:12

Olketa deferen kaen kago olsem: gol, an silva, an olketa naesfala ston, an olketa naesfala pel, an olketa spesol kaleko olsem silk, an olketa naesfala kaleko wea olketa waet an blu an red. An olketa garem tu olketa stik wea hemi smelgud tumas, an olketa deferen kaen kaving wea olketa mekem long bikfala tit blong elifan, an long wankaen timba wea hemi dia tumas, an long bras, an long aean, an long naesfala waet ston.