Daniel 11:23 - Pijin Bible

²³ Nomata hemi rul ovarem wanfala smolfala kingdom, hemi gohed fo fren gudfala wetem olketa man blong olketa narafala kantri. Bat bae hemi laea fogud long olketa, mekem hemi kamap barava strong tumas.

Pijin Deuterocanon

²³ Nomata hemi rul ovarem wanfala smolfala kingdom, hemi gohed fo fren gudfala wetem olketa man blong olketa narafala kantri. Bat bae hemi laea fogud long olketa, mekem hemi kamap barava strong tumas.

Daniel 11:23 Iomraidhean Croise

Jenesis 34:13

Bat bikos boe ya hemi mekem bikfala sem long gele ya, olketa brata blong hem i stanap kam an laea long boe ya wetem dadi blong hem.

Sams 52:2

Oltaem yu mekem olketa ravis plan fo spoelem olketa narafala pipol. Taem yu tok, tang blong yu hemi olsem wanfala sap resa. Ya, oltaem nomoa yu tingimaot evri laea toktok.

Provebs 11:18

Duim wanem hemi rong, bae yu tekem ravis pei, duim wanem hemi stret, olketa bae givim gud samting long yu,

Daniel 11:22

Bae hemi kilim dae evri pipol hu i agensim hem. Nomata hae prist blong God, hemi kilim dae tu.

Daniel 11:24

An long taem wea olketa pipol i nating save, bae hemi tekova long olketa eria wea hemi barava ris fogud, an bae hemi duim olketa ravis samting wea no eniwan long olketa grani blong hem bin duim kam enitaem bifoa. Bae hemi gohed fo divaedem olketa samting wea hemi winim long faet, fo go long olketa pipol blong hem. An bae hemi mekem olketa plan fo go faet agensim olketa strongfala sefples fo haed long hem, bat bae hemi no stap fo long taem nomoa.

Daniel 8:24

An bae king ya hemi kamap strong tumas, bat i no long paoa blong hem seleva. Bae hemi hapi long evrisamting wea hemi duim falom tingting blong hem seleva. An bae hemi spoelem plande samting, an plande long olketa strongfala man tu. Bae hemi spoelem tu olketa pipol blong God.

Daniel 8:25

Bikos hemi save tumas hao fo mekem olketa nogud trik, evrisamting bae hemi kamap gud fo hem falom olketa laea wei blong hem. Bae hemi kamap praod tumas abaotem hem seleva, an taem olketa pipol i nating save, bae hemi spoelem olketa. Disfala king ya bae hemi agensim nomoa God hu hemi hae tumas winim evri narafala king. Bat bae God hemi spoelem hem, an hemi no yusim eni man fo duim.

Leta wea Pol hemi raetem go long sios long Rom 1:29

Olketa fulap long enikaen ravis wei, an olketa laekem evrisamting fo olketa seleva nomoa, an olketa save spoelem olketa pipol. Olketa joles tumas, an olketa kilim dae nara pipol, an olketa raoa nomoa, an olketa save trikim evriwan, an olketa tingnogud oltaem abaotem nara pipol, an olketa gosip abaotem nara pipol.

2 Korin 11:3

Bat mi wari tumas, nogud olketa lidim yufala fo gorong, mekem yufala lusim disfala wei fo stap klin an lavem Kraes tumas. Nogud hemi olsem taem snek ya hemi trikim Iv long laea blong hem.

2 Tesalonaeka 2:9

Bat fastaem, bae Man fo Brekem Lo hemi kam wetem paoa blong Seitan, an bae hemi mekem enikaen laea mirakol an olketa bikfala samting moa wea pipol i sapraes long hem.