Daniel 10:6 - Pijin Bible

⁶ Bodi blong hem hemi barava saen fogud olsem san, an fes blong hem hemi barava saen fogud olsem laetning, an ae blong hem hemi laet olsem faea. Tufala han an tufala lek blong hem i saen fogud olsem bras wea olketa saenem, an voes blong hem hemi here olsem noes blong staka pipol taem olketa hipap.

Pijin Deuterocanon

⁶ Bodi blong hem hemi barava saen fogud olsem san, an fes blong hem hemi barava saen fogud olsem laetning, an ae blong hem hemi laet olsem faea. Tufala han an tufala lek blong hem i saen fogud olsem bras wea olketa saenem, an voes blong hem hemi here olsem noes blong staka pipol taem olketa hipap.

Daniel 10:6 Iomraidhean Croise

Eksodas 28:20

An long mekfoa laen, yu mas fasenem wanfala yalo ston olketa kolem tasis, an wanfala red ston olketa kolem soham, an wanfala grin ston olketa kolem yasefe. An yu mas yusim nambawan gol fo mekem tuelfala spesol samting olsem smolfala flaoa fo holem olketa ston ya.

Nambawan Singsing 5:14

Tufala am blong hem i strong an naes tumas, olsem gol wea olketa putum olketa barava spesol ston long hem. Bele an sest blong hem hemi smut an had olsem wanfala naes samting wea olketa dekoretem long tit blong elifan an dekoretem long nambawan blu ston.

Esikiel 1:14

Olketa laef samting ya i gohed fo muv go an kambaek kuiktaem tumas olsem flas blong laetning.

Esikiel 1:16

Evriwan long fofala wil ya i luk semsem nomoa, an evriwan hemi saen olsem barava spesol ston olketa kolem tasis. An fofala wil ya evriwan i garem narafala wil insaet long hem.

Esikiel 1:24

Taem olketa flae, mi herem noes long wing blong olketa hemi here olsem noes blong bikfala wev taem hemi brek antap long rif. An hemi olsem tu noes blong bikfala ami taem olketa faet, an hemi olsem tu voes blong God hu hemi garem evri paoa. Taem olketa stanap kuaet, olketa daonem wing blong olketa.

Esikiel 1:7

Lek blong olketa hemi stret an long daon hemi olsem lek blong buluka. Olketa lek ya i saen fogud olsem bras wea man hemi saenem.

Esikiel 10:9

Nao mi lukim fofala wil nao hemi stap, wanfala long saet long fofala enjel ya evriwan. Olketa wil ya i saen fogud olsem barava spesol ston olketa kolem tasis.

Esikiel 40:3

Hemi tekem mi go kolsap moa, an mi lukim wanfala man wea bodi blong hem hemi saen fogud olsem bras. Hemi stanap long geit blong taon ya, an hemi holem wanfala longfala rula an wanfala teip fo mesarem wea i wakem long nambawan waet kaleko.

Esikiel 8:2

Long spesol drim ya, mi lukim wanfala samting hemi luk olsem wanfala man. Stat long strap blong hem an godaon, bodi blong hem hemi olsem faea, an stat long strap blong hem an goap, bodi blong hem hemi barava saen fogud olsem bras.

Matiu 17:2

Taem trifala ya i lukluk go nomoa, bodi blong Jisas hemi sens nao. Long taem ya, fes blong hem hemi barava saen olsem san nao, an olketa kaleko blong hem olketa barava waet fogud.

Matiu 28:3

Fes blong enjel ya, hemi saen olsem laetning, an kaleko blong hem hemi barava waet tumas.

Gudnius abaotem Jisas Kraes wea Luk hemi raetem 9:29

Taem Jisas hemi gohed fo prea nomoa, fes blong hem hemi sens nao, an kaleko blong hem hemi barava waet fogud.

Revelesin 10:1

Mi lukim moa wanfala enjel hu hemi garem bikfala paoa, hemi lusim heven an kamdaon. Wanfala klaod hemi raonem hem olsem kaleko, an hemi garem wanfala renbou antap hed blong hem. An fes blong hem hemi saen olsem san, an tufala lek blong hem hemi olsem bikfala pos wea i laet long faea.

Revelesin 19:12

Ae blong hem hemi laet olsem faea, an hemi garem plande kraon long hed blong hem. Wanfala nem hemi stap long bodi blong hem, bat hem seleva nomoa hemi save long nem ya an no eniwan moa hemi save.

Revelesin 2:18

Disfala man hemi tok olsem moa, “An yu mas raet go long enjel blong sios long Taeataera, an yu sei olsem, ‘Hem nao toktok blong mi San Blong God, wea ae blong mi hemi olsem faea wea hemi laet, an lek blong mi hemi olsem bras wea hemi saen fogud.

Revelesin 21:20

An mekfaev ston hemi onikis, an meksiks ston hemi kanilian, an mekseven ston hemi kuots, an mekeit ston hemi beril, an meknaen ston hemi topas, an mekten ston hemi kalsedoni, an mekleven ston hemi tokoes, an mektuel ston hemi amitis.