Daniel 10:11 - Pijin Bible

¹¹ Man ya hemi tok olsem long mi, “Daniel, God hemi lavem yu tumas. Yu stanap an lisin gudfala long toktok ya wea bae mi talem long yu. God hemi sendem mi kam fo lukim yu.” Taem hemi tok olsem, mi stanap nao bat mi seksek yet.

Pijin Deuterocanon

¹¹ Man ya hemi tok olsem long mi, “Daniel, God hemi lavem yu tumas. Yu stanap an lisin gudfala long toktok ya wea bae mi talem long yu. God hemi sendem mi kam fo lukim yu.” Taem hemi tok olsem, mi stanap nao bat mi seksek yet.

Daniel 10:11 Iomraidhean Croise

Stori abaotem Job 37:1

Komburu olsem hemi mekem haat blong mi barava seksek fogud. Ya, hemi ja-jam tumas.

Sams 45:11

Bikos yu luk naes tumas, bae king hemi laekem yu tumas, bat hemi masta blong yu ya, so yu mas tinghae long hem.

Nambawan Singsing 7:10

Mi blong hem, an hemi laekem mi tumas.

Esikiel 14:14

Nomata sapos trifala man ya, Noa, an Danel, an Job i stap wetem yufala long taem ya, bat stretfala wei blong trifala bae hemi sevem nomoa laef blong trifala seleva. Hem nao mesij blong mi Lod Yawe.

Esikiel 2:1

Yawe hemi tok olsem, “Man blong graon. Stanap. Mi wande tok wetem yu.”

Daniel 10:19

An hemi tok olsem long mi, “Yu no wari o fraet, bikos God hemi lavem yu tumas. Yu mas barava stanap strong.” Taem hemi tok olsem, mi filim wea mi kamap strong moa, an mi tok olsem, “Bikman, yu talem kam wanem yu laek fo talem long mi, bikos distaem mi kamap strong moa nao.”

Daniel 10:3

Mi nating kaikaim eni gudfala kaikai, o kaikaim eni mit, o dringim eni waen. An mi nating putum eni oel long bodi blong mi tu.

Gudnius abaotem Jisas Kraes wea Mak hemi raetem 16:8

Nao taem olketa kamaot long kev ya nomoa, olketa ranawe nao bikos olketa barava fraet an seksek fogud. Bat olketa no talemaot enisamting long eniwan bikos olketa fraet tumas.

Gudnius abaotem Jisas Kraes wea Jon hemi raetem 13:23

Nao disfala disaepol wea Jisas hemi lavem tumas ya, hemi sidaon go kolsap long Jisas.

Gudnius abaotem Jisas Kraes wea Jon hemi raetem 21:20

Pita hemi taneraon an hemi lukim disfala disaepol wea Jisas hemi lavem hem tumas ya wea hemi falom tufala tu. Disfala disaepol ya nao hemi bin tane go long Jisas taem olketa kaikai tugeta bifoa ya, an hemi bin askem hem abaotem hu nao bae givim hem go long han blong olketa enemi.

Aposol 26:16

Yu getap an yu stanap gud. Mi bin somaot mi seleva long yu fo mekem yu kamap wakaman blong mi ya. Bae yu mas talemaot wanem yu lukim abaotem mi tude, an wanem bae mi somaot long yu long bihaen tu.

Aposol 9:6

Bat yu getap nao an yu go kasem taon ya. Bae wanfala man hemi talem yu wanem yu mas duim bihaen.”