Aposol 9:36 - Pijin Bible

³⁶ Nao long taon long Jopa, wanfala disaepol hemi stap nem blong hem Tabita, an long langguis long Grik nem blong hem Dokas. An disfala woman ya, evritaem nomoa hemi save duim olketa gudfala samting, an hemi save helpem olketa pua pipol.

Pijin Deuterocanon

³⁶ Nao long taon long Jopa, wanfala disaepol hemi stap nem blong hem Tabita, an long langguis long Grik nem blong hem Dokas. An disfala woman ya, evritaem nomoa hemi save duim olketa gudfala samting, an hemi save helpem olketa pua pipol.

Aposol 9:36 Iomraidhean Croise

2 Kronikols 2:16

Bae olketa go long Lebanon, an katem olketa timba wea yu laekem. An bae olketa karim olketa log godaon long sanbis. Den, bae olketa save putum olketa log go long solwata, an taemapem olketa tugeta. An bae olketa save tekem olketa log ya go long Jopa. Den bae yufala save kam long datfala ples, an karim olketa log ya go long Jerusalem.”

Esra 3:7

Bihaen, olketa pipol i givim seleni fo peim olketa kapenta wetem olketa man hu i savegud hao fo katem ston. An olketa sendem kaikai, an waen, an oliv oel go long tufala taon long Taea an Saedon, fo peim olketa sida tri blong Lebanon fo wakem Tambuhaos long hem, olsem King Saeras blong Pesia bin talem. Olketa save putum olketa tri ya long solwata, fo sendem kamdaon long bikfala haba ya long Jopa.

Provebs 5:19

Wei wea bodi blong hem ya i muv hemi naes tumas, hem nomoa hemi mekem yu hapi olowe. Holetaet long lav blong hem.

Nambawan Singsing 2:9

Daling blong mi ya hemi luknaes tumas olsem wanfala gasele, an hemi save ran kuiktaem tumas olsem wanfala yangfala dia. !Lukim! Hemi gohed fo stanap saet long wol aotsaet long haos, an hemi gohed fo luktru kam long windo, an long olketa hol long woling blong haos ya,

Nambawan Singsing 3:5

Olketa woman long Jerusalem. Yufala mas mekem strongfala promis long nem blong animol ya dia wea hemi save ran kuiktaem tumas, an long nem blong animol ya gasele wea hemi luknaes tumas: Yufala mas no mekem mitufala seke taem mitufala slip tugeta yet.

Nambawan Singsing 8:14

Daling blong mi. !Kam kuiktaem long mi! Yu ran kam kuiktaem olsem wanfala gasele o olsem wanfala yang dia taem hemi ran long olketa maonten wea i garem olketa tri wea lif blong olketa hemi smel naes tumas.

Jona 1:3

Bat Jona hemi les, an hemi trae fo ranawe from Yawe long lan ya Spen wea hemi farawe long west. So hemi go long taon long Jopa wea hemi stap long saet si, an hemi faendem wanfala sip wea hemi redi fo go long Spen. Hemi peim pasis blong hem, an hemi go insaet long sip ya mekem hemi ranawe from Yawe. So olketa lusim Jopa an go long Spen nao.

Matiu 25:17

Long sem wei tu, disfala man hu hemi tekem tufala seleni ya, hemi go fo mekem bisnis long hem an hemi winim kam nara tufala moa.

Gudnius abaotem Jisas Kraes wea Jon hemi raetem 15:5

“Mi nao disfala grep tri ya an yufala nao olketa brans blong hem. Man hu hemi joen olowe long mi an mi joen olowe long hem, hem nao bae hemi garem plande frut. Bat sapos yufala no joen long mi, bae yufala no save duim enisamting nomoa.

Gudnius abaotem Jisas Kraes wea Jon hemi raetem 15:8

Taem yufala garem plande frut, yufala somaot dat yufala nao olketa disaepol blong mi ya. An long diskaen wei nao bae olketa pipol i lukim saen blong bikfala paoa blong Dadi blong mi.

Aposol 10:23

Pita hemi talem trifala man ya fo kam insaet long haos fastaem, an olketa slip long naet ya nao. Long neks de, Pita hemi redim evrisamting, an hemi go wetem trifala man ya nao. An samfala long olketa Kristin long Jopa olketa go wetem olketa tu.

Aposol 10:31

An hemi tok olsem, ‘Konilias, God hemi bin herem prea blong yu finis, an hemi luksave wanem yu bin duim fo helpem olketa pua pipol.

Aposol 10:8

Konilias hemi talem trifala abaotem evrisamting ya, an hemi sendem olketa fo go long Jopa nao.

Aposol 11:13

An hemi talem mifala dat hemi bin lukim wanfala enjel insaet long haos blong hem, an enjel ya hemi sei, ‘Yu sendem samwan go long Jopa fo tekem kam Saemon wea nara nem blong hem Pita.

Aposol 11:5

“Mi stap kam long Jopa ya, an wanfala taem nao wea mi prea mi lukim wanfala spesol drim. Mi lukim wanfala samting olsem bikfala sitbed nao hemi kamdaon long skae. An hemi luk olsem samwan hemi holem fofala kona blong hem an letem fo kamdaon, go-go hemi stap kolsap long mi nao.

Aposol 9:38

Disfala taon long Jopa hemi stap kolsap long vilij long Lida nomoa ya. So taem olketa disaepol i herem dat Pita hemi stap long Lida, olketa sendem go tufala man fo hem, an tufala talem hem olsem, “Plis, yu kam kuiktaem long ples blong mifala.”

Aposol 9:42

Nao nius abaotem diswan hemi goraon long evriwea long taon long Jopa, an plande pipol nao olketa stat fo biliv long Masta.

Efesas 2:10

God nao hemi sevem yumi olsem, an bikos yumi stap joen wetem Jisas Kraes, hemi mekem yumi fo duim evri gudfala waka wea hemi mekredi long hem finis.

Filipae 1:11

An bae yufala save falom gud olketa stretfala wei wea Jisas Kraes hemi helpem yumi long hem, mekem evriwan liftimap nem blong God an preisim hem.

Kolosi 1:10

Sapos olsem, bae laef blong yufala hemi save kamap stret long ae blong Masta. An bae yufala save mekem hem hapi tumas long wei blong yufala, wea yufala save go-gohed fo duim enikaen gudfala waka an yufala save gohed fo savegud moa abaotem God.

1 Tesalonaeka 4:10

An hemi tru wea yufala gohed finis fo lavem olketa nara Kristin hu i stap evriwea long provins long Masedonia. So mifala askem yufala fo gohed strong moa long disfala wei.

1 Timoti 5:10

Hemi mas wanfala woman wea olketa pipol luksave long hem from hemi save duim olketa gudfala waka. Olketa waka olsem fo lukaftarem gud olketa pikinini blong hem, an fo letem olketa pipol stap long haos blong hem, an fo welkamem olketa Kristin pipol long haos blong hem, an fo helpem olketa pipol hu i garem trabol long laef blong olketa. Ya, hemi mas woman wea hemi traehad olowe fo duim enikaen gudfala waka.

Taetas 2:14

Jisas Kraes hemi letem hem seleva fo dae fo sensim yumi an peimaot yumi evriwan from evri sin blong yumi. Hemi mekem laef blong yumi barava klin, mekem yumi kamap pipol blong hem an barava wande duim evri gud samting.

Taetas 2:7

Yu Taetas, yu mas somaot gudfala wei long olketa, mekem olketa save falom yu. An tising blong yu mas stret oltaem, mekem olketa pipol save tinghevi long hem.

Taetas 3:8

Disfala toktok hemi barava tru tumas. Mi laekem yu fo gohed strong fo talemaot olketa tising olsem, mekem olketa pipol hu i biliv long God olketa save gohed olowe fo duim evri gud samting. Olketa samting wea hemi gud olsem, hemi save helpem evri pipol.

Hibrus 13:21

Mi prea wea bae God ya hemi givim evri gudfala samting long yufala, mekem yufala save duim wanem hemi laekem. An mi prea tu wea long paoa blong Jisas Kraes, bae God hemi duim long yumi wanem hem seleva hemi hapi long hem. An bae yumi mekhae long Kraes olowe nao. Amen.

Jemes 1:27

Bat gudfala wei blong Kristin wea hemi barava stret long God Dadi blong yumi, hem nao fo helpem olketa wido woman an olketa pikinini wea mami an dadi blong olketa i dae finis, an fo no letem olketa ravis samting long wol fo spoelem gudfala laef blong yumi.

Josua 19:46

an Mejakon an Rakon, wetem olketa ples raon long Jopa.