Aposol 9:22 - Pijin Bible

²² Bat paoa blong toktok blong Sol hemi kamap bikfala moa, an hemi barava somaot klia long olketa pipol blong Jiu long Damaskas wea Jisas hemi barava disfala Mesaea ya. So go-go olketa nating save talem enisamting agensim toktok blong hem nao.

Pijin Deuterocanon

²² Bat paoa blong toktok blong Sol hemi kamap bikfala moa, an hemi barava somaot klia long olketa pipol blong Jiu long Damaskas wea Jisas hemi barava disfala Mesaea ya. So go-go olketa nating save talem enisamting agensim toktok blong hem nao.

Aposol 9:22 Iomraidhean Croise

Jenesis 49:24

God nao hemi strongfala Rok wea hemi sefples blong Israel. God ya blong mi Israel, bae hemi lukaftarem gudfala long olketa wea bae i bon kam bihaen long mi, olsem wea man hemi gohed fo lukaftarem gudfala long olketa sipsip blong hem, an hemi gohed fo gadem olketa. Nao bae hemi lukaftarem yu gudfala, an hemi mekem yu barava strong, an han blong yu wea i holem long bou bae hemi no save seksek.

Stori abaotem Job 17:9

Samfala man i sei, “Eniwan hu hemi falom God, bae hemi no save foldaon. An laef blong man hu hemi no duim eni rong samting, bae hemi gohed fo kamap strong moa.”

Sams 51:13

An bae mi tisim olketa nogud pipol long olketa wei blong yu, an bae olketa kambaek long yu.

Sams 84:7

Taem olketa pipol ya i stap long Saeon, olketa kamap strong moa, bikos olketa bae lukim yu God hu hemi hae tumas long olketa narafala god wea yu stap long ples ya.

Aesaea 40:29

Hemi mekem olketa hu i taet fo strong moa. An hemi givim paoa long olketa hu i wik.

Gudnius abaotem Jisas Kraes wea Luk hemi raetem 21:15

Bikos mi nao bae mi givim toktok an gudfala tingting long yufala, mekem no eniwan long olketa enemi blong yufala hemi save tok agensim toktok blong yufala o tokdaonem toktok blong yufala.

Aposol 17:3

an hemi talemaot mining blong olketa toktok ya gudfala. Hemi barava somaot klia long olketa wea God hemi makem Mesaea fo hemi mas safa tumas, an bihaen, hemi mas laefbaek moa from dae. An hemi sei moa, “Disfala Jisas wea mi talemaot long yufala ya, hem nao hemi disfala Mesaea.”

Aposol 18:5

An taem Saelas an Timoti tufala lusim Masedonia an kamdaon joenem Pol, Pol hemi stat fo talemaot disfala Gudnius long evri de nomoa. Hemi gohed fo talemaot gud long olketa Jiu wea Jisas nao hemi disfala Mesaea.

Aposol 28:23

So olketa makem wanfala de wea olketa save kam moa fo lukim Pol. An long de ya, plande moa long olketa nao olketa kam an hipap long haos wea Pol hemi stap long hem. An stat long moning go-go kasem long ivining, hemi gohed fo talemaot klia tumas long olketa pipol abaotem kingdom blong God. Hemi talemaot olketa toktok abaotem Jisas wea olketa stap long Lo blong Mosis an long olketa profet. An hemi traehad fo mekem olketa fo stat fo biliv long Jisas.

Aposol 9:20

Hemi go stret nomoa insaet long olketa preahaos blong olketa Jiu, an hemi talemaot dat Jisas nao hemi barava San Blong God.

Aposol 9:21

Evriwan hu i herem toktok blong hem olketa sapraes tumas, an olketa sei, “!Hem nao disfala man wea hemi bin kilim dae olketa pipol hu i prea long disfala Jisas ya! Hemi mekem olsem finis long Jerusalem, an distaem hemi kam long hia tu fo kasholem olketa an tekem olketa go long olketa hedprist ya. ?So hao nao ya?”

Aposol 9:23

Bihaen plande de hemi go finis, olketa bikman blong Jiu olketa hipap an olketa mekem wanfala plan fo kilim dae Sol.

Aposol 9:27

So Banabas hemi helpem hem an tekem hem go long olketa aposol nao. An hemi talem olketa dat Sol hemi bin lukim Masta long rod, an Masta hemi bin toktok wetem hem. Hemi talem olketa tu wea Sol hemi bin gohed strong nomoa fo talemaot nem blong Jisas long Damaskas.

1 Korin 1:27

God hemi barava minim kam nao fo siusim olketa pipol wea long lukluk blong man olketa no garem save, mekem olketa waes pipol olketa save filsem. An hemi siusim olketa pipol wea long lukluk blong man olketa wikdaon tumas, mekem olketa hu i garem paoa olketa save filsem.

Galesia 1:18

Bihaen trifala yia i go finis, mi go long Jerusalem fo lukim Pita an mi stap wetem hem fo fiftin de nomoa.

Filipae 4:13

Disfala paoa wea Kraes hemi givim kam long mi, hem nao mekem mi strong fo gohed nomoa, nomata watkaen samting nao hemi kasem mi.

1 Timoti 1:12

Mi tengkiu long Jisas Kraes Masta blong yumi hu hemi givim strong long mi, bikos hemi save dat mi fit fo waka fo hem an hemi bin siusim mi fo disfala waka.