Aposol 8:30 - Pijin Bible

³⁰ So Filip hemi ran go kolsap long kaat ya, an hemi herem dat man ya hemi ridim buk blong profet Aesaea. An Filip hemi askem hem, “?Waswe, yu minimgud wanem yu ridim ya?”

Pijin Deuterocanon

³⁰ So Filip hemi ran go kolsap long kaat ya, an hemi herem dat man ya hemi ridim buk blong profet Aesaea. An Filip hemi askem hem, “?Waswe, yu minimgud wanem yu ridim ya?”

Aposol 8:30 Iomraidhean Croise

Sams 119:32

Mi laekem tumas fo falom olketa strongfala toktok blong yu, bikos yu nao bae yu helpem mi fo save gudfala moa long olketa.

Eklesiastes 9:10

Yumi mas barava wakahad gudfala long evrisamting wea yumi duim. Taem yumi go long ples blong man dae, bae yumi no waka, o tingting, o garem save, o garem waes.

Matiu 13:19

Eniwan hu hemi herem toktok abaotem kingdom long Heven, bat hemi nating minim nomoa an Seitan hemi kam an tekemaot toktok ya from maen blong hem, hemi olsem olketa sid wea olketa foldaon long rod.

Matiu 13:23

Bat olketa sid wea olketa foldaon long gudfala graon, hemi olsem taem man hemi herem toktok ya an hemi barava minimgud nao. An hemi garem frut olsem wit wea hemi save garem wan handred frut o siksti frut o teti frut long hem.”

Matiu 13:51

Nao Jisas hemi askem olketa disaepol blong hem olsem, “?Waswe, yufala save long mining blong olketa toktok nao ya?” An olketa sei, “Ya, mifala save.”

Matiu 15:10

Nao Jisas hemi talem long olketa pipol fo muv kam kolsap long hem, an hemi sei long olketa, “Yufala mas lisin gudfala, mekem yufala save minim.

Matiu 24:15

Nao Jisas hemi sei moa, “Bae yufala save lukim wanfala nogud samting tumas wea hemi save spoelem God, bae hemi stanap insaet long tambuples. Diswan ya nao wanem profet Daniel hemi tokabaotem ya.” Man hu hemi ridim disfala toktok ya, hemi mas save gudfala long mining blong hem.

Gudnius abaotem Jisas Kraes wea Mak hemi raetem 13:14

Jisas hemi sei moa, “Bae yufala save lukim wanfala nogud samting tumas wea hemi save spoelem God, bae hemi stanap insaet long ples wea hemi no fitim hem.” Eniwan hu hemi ridim disfala toktok ya hemi mas save gudfala long mining blong hem. “Oraet, long taem ya, olketa pipol hu i stap long provins long Jiudia olketa mas ranawe go fo haed long olketa maonten nao.

Gudnius abaotem Jisas Kraes wea Jon hemi raetem 4:34

Nao Jisas hemi talem olsem, “Kaikai blong mi nao hemi fo obeim man wea hemi sendem mi kam an fo duim disfala waka wea hemi givim long mi, go-go mi barava finisim.

Gudnius abaotem Jisas Kraes wea Jon hemi raetem 5:39

Yufala ya, yufala tingse bae yufala kasem tru laef wea hemi no save finis bikos yufala save lukluk gud long olketa toktok insaet long Buktambu. !Olketa toktok ya, mi nao olketa tokabaotem ya!

Aposol 8:27

Semtaem nomoa, Filip hemi godaon long rod ya, an go-go hemi lukim wanfala man blong kantri long Itiopia. Man ya hemi wanfala bikman wea hemi lukaftarem evri seleni blong disfala Kuin blong olketa long Itiopia. Man ya hemi bin kam long Jerusalem fo wosipim God,

Aposol 8:29

Nao Holi Spirit hemi talem Filip olsem, “Yu go kasem kaat ya, an yu gohed wakabaot kolsap long hem.”

Aposol 8:31

Nao bikman ya hemi ansarem olsem, “?Hao nao mi save minimgud, sapos no eniwan hemi talemaot mining long mi?” An hemi talem Filip fo klaemap long kaat ya an fo sidaon wetem hem.

Aposol 8:5

An Filip hemi godaon long biktaon long Samaria, an hemi gohed tu fo talem olketa pipol abaotem disfala Mesaea.

1 Korin 14:19

Bat taem mi stap wetem olketa long sios, mi laek fo tisim olketa. An nomata mi talem nomoa faefala wod wea olketa save heremsave, hem nao hemi moabeta winim sapos mi talemaot plande taosen wod long olketa spesol kaen langguis.

Efesas 5:17

So yufala mas no krangge, bat yufala mas trae fo luksave long wanem Masta hemi laekem yufala fo duim.

Revelesin 13:18

Yufala mas waes gudfala abaotem olketa samting ya. Sapos eni man hemi garem gudfala tingting, hemi save faendemaot mining blong namba blong wael animol ya, bikos hemi namba blong wanfala man. An namba ya nao hemi 666.