Aposol 8:14 - Pijin Bible

¹⁴ Olketa aposol long Jerusalem olketa herem nius wea olketa pipol blong Samaria olketa biliv long God nao, so olketa sendem go Pita an Jon fo go lukim olketa.

Pijin Deuterocanon

¹⁴ Olketa aposol long Jerusalem olketa herem nius wea olketa pipol blong Samaria olketa biliv long God nao, so olketa sendem go Pita an Jon fo go lukim olketa.

Aposol 8:14 Iomraidhean Croise

1 Kings 13:32

Mi savegud dat Mesij blong Yawe wea hemi talem agensim olta long Betel, an agensim olketa tambuples long olketa taon long Samaria, bae hemi barava kam tru.”

Matiu 13:23

Bat olketa sid wea olketa foldaon long gudfala graon, hemi olsem taem man hemi herem toktok ya an hemi barava minimgud nao. An hemi garem frut olsem wit wea hemi save garem wan handred frut o siksti frut o teti frut long hem.”

Gudnius abaotem Jisas Kraes wea Luk hemi raetem 22:8

So Jisas hemi sendem go Pita an Jon, an hemi tok olsem long tufala, “Yutufala go an mekredi long kaikai fo yumi fo disfala Pasova ya.”

Gudnius abaotem Jisas Kraes wea Jon hemi raetem 12:48

Man hu hemi no hapi wetem mi an olketa toktok blong mi, wanfala samting nao bae hemi jajem hem. Olketa toktok blong mi ya nao, bae i jajem hem long Lasde.

Aposol 11:1

Olketa aposol wetem olketa nara Kristin hu i stap evriwea long provins ya long Jiudia, olketa herem nao wea olketa hu i no Jiu olketa tu i biliv long toktok blong God.

Aposol 15:4

Nao taem olketa kasem Jerusalem, olketa pipol long sios wetem olketa aposol an olketa nara lida long sios, olketa lukaftarem olketa gudfala. An Pol wetem Banabas, tufala talemaot long olketa ya abaotem evrisamting wea God hemi bin duim wetem olketa.

Aposol 17:11

Long taon ya, wei blong olketa pipol hemi gud tumas winim olketa long Tesalonaeka. Olketa wiling tumas fo herem toktok blong Pol, an evri de olketa gohed fo sekap long Buktambu sapos olketa samting i barava tru o nomoa.

Aposol 2:41

Olketa hu i bilivim toktok blong Pita olketa baptaes nao. An long disfala de ya, samting olsem 3,000 pipol nao olketa joenem seksin blong olketa.

Aposol 8:1

An Sol hemi tingse hemi gud nomoa wea olketa kilim dae Stivin. Stat long sem de wea Stivin hemi dae, olketa bikman i stat fo meksave tumas long olketa long sios long Jerusalem. An evriwan olketa ranawe go long olketa ples long Jiudia an Samaria. Olketa aposol nomoa olketa stapbaek long Jerusalem.

Galesia 2:9

An taem olketa luksave dat God hemi givim kam disfala waka fo mi, Jemes an Pita an Jon hu olketa olsem bikfala lida, olketa sekhan wetem mitufala Banabas fo somaot dat olketa hapi fo waka tugeta wetem mitufala. Mifala agri wea waka blong mitufala Banabas hemi fo go long olketa pipol hu i no Jiu, an waka blong olketa hemi fo go long olketa Jiu.

1 Tesalonaeka 2:13

An narasamting moa, oltaem mifala talem tengkiu long God, bikos taem yufala herem mifala talemaot toktok blong God, yufala no herem olsem toktok blong man nomoa, bat yufala biliv wea hemi barava toktok blong God. Diswan hemi tru tumas, bikos God hemi gohed nao fo duim olketa gudfala samting long laef blong yufala hu biliv long hem.

1 Tesalonaeka 3:2

an mitufala sendem go brata blong yumi Timoti fo kam long yufala. Timoti tu hemi wakaman blong God fo talemaot Gudnius abaotem Kraes. Mitufala sendem hem kam fo strongim moa biliv blong yufala.

2 Tesalonaeka 2:10

Bae hemi yusim tu enikaen ravis trik nomoa fo laea long olketa pipol wea bae olketa gohed fo lus. Bae olketa lus, bikos olketa no wiling fo lavem an fo falom tru toktok abaotem Masta wea hemi save sevem olketa.