Aposol 7:50 - Pijin Bible

⁵⁰ !Mi nao mi mekem evrisamting long han blong mi nomoa ya!” ’

Pijin Deuterocanon

⁵⁰ !Mi nao mi mekem evrisamting long han blong mi nomoa ya!” ’

Aposol 7:50 Iomraidhean Croise

Eksodas 20:11

Long siksfala de nomoa, mi Yawe mi mekem skae, an graon, an solwata, wetem evrisamting wea hemi stap long olketa ya, bat long mekseven de, mi res. Dastawe nao, mi Yawe mi blesim de ya, an mi mektambu long hem.

Aesaea 40:28

?Waswe, yufala no save nomoa? ?Yufala nating herem? Yawe nao hemi God hu hemi stap kam fo evritaem olowe, an hem nao hemi mekem evrisamting long wol. No eniwan save kasem tingting blong hem. Hemi nating save taet, an hemi no save kamap wik.

Aesaea 44:24

Yawe nao, hu hemi mekem yufala insaet long bele blong mami blong yufala, an hemi mekem yufala fo kamap fri, hemi tok olsem, “Mi nao Yawe an mi nao mi mekem evrisamting. Mi seleva nao mi mekem skae an evrisamting wea hemi stap long hem. An taem mi mekem disfala wol, no eniwan hemi helpem mi.

Aesaea 45:12

Mi nao mi mekem disfala wol, wetem evrisamting ya wea hemi stap long hem. Mi nao mi mekem man, an mi putum fo stap long wol ya. Long paoa blong mi, mi mekem skae an evrisamting long hem. An mi nomoa mi Masta long san an mun, an olketa sta long skae.

Aesaea 66:2

Mi seleva nao mi mekem evrisamting. Dastawe nao, evrisamting ya hemi stap.” Hem nao mesij blong Yawe. Yawe hemi tok moa olsem, “?Waswe, yufala tingse watkaen man nao mi hapi long hem? Kaen man wea mi hapi tumas long hem nao: man hu hemi hambol, an hemi sore fo olketa sin blong hem, an hemi tinghae long mi an obeim toktok blong mi.

Jeremaea 10:11

Yufala mas talemaot long olketa pipol, “Olketa kaving ya wea i no mekem wol an skae, bae Yawe hemi spoelem olketa evriwan, mekem olketa no save stap moa long disfala wol.”

Jeremaea 32:17

!O Lod Yawe! Yu seleva nomoa bin mekem skae an disfala wol long bikfala paoa long yu. No enisamting hemi had tumas wea yu no save mekem.

Aposol 14:15

“!Ei olketa! ?Waswe nao yufala duim olsem? !Mitufala barava wankaen wetem yufala nomoa ya! Mitufala kam fo talemaot disfala Gudnius, mekem yufala lusim go olketa god nating an kam moa long God hu hemi laef. Bikos hem nao hemi mekem skae an graon an solwata, wetem evrisamting wea hemi stap long olketa.

Aposol 17:24

Disfala God hemi bin mekem disfala wol an evrisamting wea hemi stap long hem, an hemi Masta blong skae an blong disfala wol. So hemi no save stap insaet long eni preahaos wea yumi man i wakem.