Aposol 7:45 - Pijin Bible

⁴⁵ An bihaen, Josua an olketa nara olo blong yumi, olketa kam fo tekem disfala kantri from olketa deferen laen wea olketa stap long hem. God nao hemi raosimaot olketa, mekem olketa ranawe from olketa olo blong yumi. Long taem ya, olketa tekem kam disfala haostent wea olketa holem fastaem, an hemi stap long hia go-go kasem taem blong King Deved.

Pijin Deuterocanon

⁴⁵ An bihaen, Josua an olketa nara olo blong yumi, olketa kam fo tekem disfala kantri from olketa deferen laen wea olketa stap long hem. God nao hemi raosimaot olketa, mekem olketa ranawe from olketa olo blong yumi. Long taem ya, olketa tekem kam disfala haostent wea olketa holem fastaem, an hemi stap long hia go-go kasem taem blong King Deved.

Aposol 7:45 Iomraidhean Croise

1 Kings 8:4

an samfala narafala prist wetem olketa Livaet, i tekem go Tambu Haostent, wetem olketa narafala tambu samting. Olketa karim go olketa samting ya go long Tambuhaos blong Yawe.

1 Kronikols 16:39

An Deved hemi siusim Prist Sadok wetem olketa narafala prist fo mekem wosip long Tambu Haostent blong Yawe long Gibeon.

1 Kronikols 21:29

Long datfala taem, Tambu Haostent blong Yawe wea Mosis hemi bin wakem long drae eria bifoa, an olta blong olketa sakrifaes, tufala stap yet long tambuples long Gibeon.

1 Kronikols 7:27

Elisama hemi bonem Nun. An Nun hemi bonem Josua.

Nehemaea 9:24

Olketa pikinini ya i tekova long disfala lan. Yu givim paoa long olketa fo winim olketa pipol blong Kenan wetem olketa king an olketa narafala pipol wea i stap long lan ya, mekem olketa save duim long olketa wanem olketa laekem.

Sams 44:2

Olketa talem dat yu nao yu ronemaot olketa hiden pipol an yu mekem olketa pipol blong yu fo stap long lan blong olketa. Yu spoelem olketa ya, mekem olketa pipol blong yu fo garem plande samting.

Sams 78:55

Nao taem olketa pipol blong hem i no kasem ples ya yet, hemi ronemaot olketa hiden pipol wea i stap long dea. Nao hemi divaedem graon blong olketa hiden pipol ya long olketa laen blong Israel, an hemi letem olketa pipol blong hem fo tekova long olketa haostent blong olketa pipol ya.

Sams 80:8

Mifala olsem grep tri wea yu bin tekem kamaot from Ijip. Yu bin ronemaot olketa pipol from Kenan, nao yu putum mifala long lan ya olsem man hemi plantem grep tri long gaden.

Aposol 13:19

Hemi spoelem finis sevenfala laen long pipol wea olketa stap long kantri long Kenan an hemi givim graon ya long olketa pipol blong Israel.

Diutronomi 32:49

“Yu mas go long eria blong olketa maonten long Abarim, long eria blong Moab, long narasaet long Jodan Riva long taon long Jeriko. Yu mas klaem long maonten long Nebo, an bae yu lukim lan long Kenan wea bae mi givim long pipol blong Israel.

Hibrus 4:8

Sapos Josua hemi mekem olketa pipol fo res finis long wei wea God hemi promisim long olketa, bae God hemi no save tokabaotem narafala taem moa.

Josua 18:1

Bihaen long taem wea pipol blong Israel i winim faet long olketa enemi long lan, olketa kam tugeta long Saelo an putumap Tambu Haostent blong Yawe long ples ya.

Josua 23:9

Olketa pipol hu i stap long olketa ples ya bifoa, olketa plande tumas an strong fo faet tu. Bat oltaem, taem yufala go fo faetem olketa, Yawe nao hemi gohed fo ronem olketa frant long ae blong yufala. An evritaem, no eniwan long olketa enemi blong yufala i save winim yufala.

Josua 24:18

An long taem wea yumi gohed fo ka-kam insaet long disfala lan, Yawe nao hemi gohed fo ronemaot olketa long laen blong Amoa wetem olketa narafala pipol moa wea i stap long ples ya. So bae mifala tu mas falom hem, bikos hem nao hemi God blong yumi.”

Jajis 18:31

Nao tambu kaving wea traeb blong Dan hemi putumap, hemi stap nomoa long ples ya olowe long taem wea pipol blong Israel i gohed fo wosipim Yawe long tambu haostent long Saelo.

1 Samuel 4:4

So olketa sendem samfala man fo go long Saelo, mekem olketa karim kam Tambu Boks. Tufala san blong Ilae, Hofni an Finehas, tufala nao i kam wetem Tambu Boks wea hemi saen blong Yawe hu hemi sidaon olsem king long midol long tufala enjel an hemi garem evri paoa.