Aposol 7:44 - Pijin Bible

⁴⁴ “Taem olketa olo blong yumi olketa stap yet long disfala drae eria ya, oltaem nomoa olketa karim go disfala haostent fo somaot dat God hemi stap wetem olketa. Olketa bin wakem haostent ya olsem God hemi bin talem Mosis, barava falom disfala piksa hemi bin lukim.

Pijin Deuterocanon

⁴⁴ “Taem olketa olo blong yumi olketa stap yet long disfala drae eria ya, oltaem nomoa olketa karim go disfala haostent fo somaot dat God hemi stap wetem olketa. Olketa bin wakem haostent ya olsem God hemi bin talem Mosis, barava falom disfala piksa hemi bin lukim.

Aposol 7:44 Iomraidhean Croise

1 Kronikols 28:11

Den Deved hemi givim olketa plan blong Tambuhaos ya long hem. Hemi givim plan long varanda blong Tambuhaos, an plan long olketa stoarum, an plan long olketa pat long antap, an plan blong olketa rum insaet long Tambuhaos, an plan blong Barava Tambu Rum wea Yawe hemi save tekemaot sin blong man.

1 Kronikols 28:19

Deved hemi tok olsem, “Evrisamting ya i stap insaet long plan wea mi bin raetemdaon taem paoa blong Yawe hemi stap long mi. Yawe nao hemi givim save long mi abaotem evri smol samting long plan ya.”

2 Kronikols 24:6

Den king hemi kolem kam Prist Jehoeada hu hemi lida blong olketa prist. Joas hemi tok olsem long hem, “?Waswe nao yu no sekemap olketa Livaet wea i tekem taks long olketa pipol blong Jerusalem an Jiuda? Hem nao taks wea Mosis hu hemi wakaman blong Yawe hemi bin talem olketa traeb blong Israel mas peim fo lukaftarem Tambu Haostent.”

Eksodas 25:40

An taem yu wakem samting ya, yu mas barava falom disfala plan wea mi gohed fo talemaot long yu, antap long disfala maonten.”

Eksodas 26:30

Hem nao wei wea yu mas stanemap haostent ya, barava falom disfala plan wea mi gohed fo talemaot long yu, antap long disfala maonten.

Eksodas 27:8

Yu mas wakem olta ya long timba, an hemi mas open olsem boks barava falom disfala plan wea mi gohed fo talemaot long yu, antap long disfala maonten.”

Eksodas 38:21

Hem nao list blong olketa gol, an silva, an bras wea olketa yusim long Tambu Haostent wea olketa kolem tu “Haostent blong Saen long Spesol Agrimen blong Yawe.” Mosis hemi talem Itama, san blong Eron hu hemi prist, fo hemi mekem disfala list, an hemi talem olketa Livaet fo helpem hem.

Nambas 10:11

Long mektu yia bihaen long taem wea olketa kamaot from Ijip, long mektu mans, long mektuenti de blong hem, disfala klaod blong Yawe hemi muv goaot from Tambu Haostent blong Tambu Boks long Spesol Agrimen.

Nambas 18:2

Olketa wantok blong yu, olketa Livaet, i joenem yufala an save helpem yufala prist long waka blong yufala long frant long Tambu Haostent.

Nambas 9:15

Long taem olketa putumap Tambu Haostent blong Tambu Boks long Spesol Agrimen, bikfala klaod blong Yawe hemi kam kavaremap Tambu Haostent. An long naet, olketa lukim klaod ya hemi laet olsem faea.

Hibrus 8:2

Hemi waka olsem Haeprist long tambuples ya wea hemi insaet long disfala barava Tambu Haostent long heven wea pipol no wakem, bat God seleva nao hemi wakem.

Hibrus 8:5

Olketa duim waka blong olketa ya long tambuples wea hemi wanfala piksa nomoa long barava tambuples blong God long heven. Dastawe nao God hemi wonem Mosis, taem hemi laekem hem fo wakem disfala haostent blong hem, wea hemi sei, “An taem yu wakem olketa samting ya, yu mas barava falom disfala plan wea mi gohed fo talemaot long yu, antap long disfala maonten.”

Josua 18:1

Bihaen long taem wea pipol blong Israel i winim faet long olketa enemi long lan, olketa kam tugeta long Saelo an putumap Tambu Haostent blong Yawe long ples ya.

Josua 3:14

Long datfala taem, Jodan Riva hemi gohed fo ran bikfala, an hemi taem fo tekemaot kaikai long gaden. Taem olketa pipol ya i goaot from ples wea olketa stap long hem fo katkros long riva ya, olketa prist i karim Tambu Boks ya an go fastaem, an olketa pipol i go bihaen long olketa. Long semtaem wea olketa prist ya i step long wata insaet long riva ya,