Aposol 7:33 - Pijin Bible

³³ Bat Masta hemi sei long hem, ‘Yu tekemaot sandol blong yu from lek blong yu, bikos ples wea yu stanap long hem ya hemi wanfala tambuples ya.

Pijin Deuterocanon

³³ Bat Masta hemi sei long hem, ‘Yu tekemaot sandol blong yu from lek blong yu, bikos ples wea yu stanap long hem ya hemi wanfala tambuples ya.

Aposol 7:33 Iomraidhean Croise

Eksodas 3:5

So God hemi tok olsem long hem, “!Stop! !Yu no kam kolsap tumas! Yu mas tekemaot sandol blong yu, bikos disfala graon wea yu stanap long hem hemi tambu.

Eklesiastes 5:1

Yu mas tingting gudfala taem yu go long Tambuhaos blong God. Hemi gud tumas fo yu go long ples ya fo lisin gudfala long dea, bat i no fo mekem sakrifaes olsem olketa krangge man. Olketa ya i nating save dat wanem olketa duim hemi no stret.

Matiu 3:11

“Hemi tru, mi save baptaesim yufala long wata fo somaot dat yufala lusim olketa ravis wei blong yufala finis nao. Bat wanfala man wea bae hemi kam bihaen long mi, hem nao man wea hemi bikfala moa winim mi. Nomata fo karim nomoa sandol blong hem, mi nating fit fo duim nao. Disfala man ya nao bae hemi baptaesim yufala long Holi Spirit an long faea.

Josua 5:15

Nao bikman ya hemi tok olsem long hem, “Tekemaot sandol blong yu, bikos disfala ples wea yu stanap long hem, hemi tambu.” So Josua hemi duim wanem man ya hemi talem long hem.

2 Pita 1:18

Mifala seleva nao herem disfala toktok wea hemi kamdaon long heven taem mifala stap wetem Jisas long holi maonten ya.