Aposol 7:2 - Pijin Bible

² Nao Stivin hemi tok olsem, “Olketa dadi an olketa brata, yufala lisin fastaem. Taem olo blong yumi Ebraham hemi no go yet long taon long Haran bat hemi stap nomoa long Mesopotemia, disfala God blong paoa hemi som hem seleva long hem.

Pijin Deuterocanon

² Nao Stivin hemi tok olsem, “Olketa dadi an olketa brata, yufala lisin fastaem. Taem olo blong yumi Ebraham hemi no go yet long taon long Haran bat hemi stap nomoa long Mesopotemia, disfala God blong paoa hemi som hem seleva long hem.

Aposol 7:2 Iomraidhean Croise

Jenesis 11:31

Nao Tera hemi tekem pikinini blong hem Ebram wetem Sarae wea i waef blong Ebram, an hemi tekem smolfala grani blong hem Lot wea dadi blong hem nao Haran. Nao olketa goaot long taon ya wea olketa kolem Ur long Kaldia, mekem olketa go long kantri wea olketa kolem Kenan. Bat taem olketa kasem wanfala ples wea olketa kolem Haran, olketa mekem hom blong olketa long hem nao.

Jenesis 12:1

Nao Yawe hemi tok olsem long Ebram, “Yu mas goaot from ples blong yu ya, an from olketa laen blong yu, an from famili blong dadi blong yu, nao yu mas go long wanfala narafala kantri, wea bae mi som long yu.

Jenesis 15:7

Nao Yawe hemi tok olsem long hem, “Mi nao Yawe wea mi lidim yu aot kam from taon ya wea olketa kolem Ur long Babilonia, fo yu kam long ples ya, mekem mi givim olketa graon ya fo yu onam.”

Jenesis 29:4

Jekob hemi ask olsem long olketa man fo lukaftarem sipsip wea olketa stap long ples ya, “?Olketa fren, yufala from wea?” An olketa tok olsem, “Mifala from Haran ya.”

Nehemaea 9:7

“Yu nomoa yu Yawe God. Yu bin siusimaot Ebram ya bifoa, an yu lidim hem aot from taon long Ur wea hemi bin stap long Babilonia, an yu sensim nem blong hem fo kamap Ebraham.

Sams 24:10

?Hu nao disfala king wea hemi barava hae fogud ya? !Hem nao Yawe ya hu hemi garem olketa paoa! !An hem nao King hu hemi barava hae fogud ya! (Singsing blong Deved.)

Sams 24:7

!Yufala mas openem bikfala olketa doa ya! !Olketa olfala doa ya, yufala mas open tu! Nao King ya hu hemi barava hae fogud bae hemi kam insaet.

Sams 29:3

Olketa pipol i save herem strongfala voes blong Yawe antap long solwata. Voes blong God hu hemi hae fogud hemi bosta olsem tanda antap long solwata ya.

Aesaea 37:12

Olketa king blong Asiria bifoa i bin spoelem finis olketa taon long Gosan, an Haran, an Resef, an olketa bin kilim dae finis olketa pipol blong Eden wea i stap long Telasa. Olketa god blong olketa pipol ya i no save sevem olketa.

Aesaea 51:2

Yufala tingim tu tufala olo blong yufala Ebraham an Sara wea yufala bin bon kam long laen blong tufala. Long taem wea mi bin kolem Ebraham hemi nating garem eni pikinini, bat mi blesim hem an givim wanfala pikinini boe long tufala. An mi mekem olketa hu i bon kam bihaen long hem fo kamap plande fogud.

Aesaea 6:3

Olketa gohed fo singsing bikfala tugeta olsem, “!Yawe hu hemi garem evri paoa, hemi barava holi tumas! Bikfala paoa blong hem hemi saen long evri ples long wol.”

Matiu 6:13

Yu no letem enikaen samting kam fo traem mifala, bat yu sevem mifala from paoa blong Seitan.

Gudnius abaotem Jisas Kraes wea Luk hemi raetem 2:14

“!Yumi preisim God antap long heven, an piis hemi mas stap long wol ya wetem olketa pipol wea God hemi hapi wetem olketa!”

Gudnius abaotem Jisas Kraes wea Jon hemi raetem 1:14

Nao Toktok ya hemi kamap man an hemi barava somaot klia dat God hemi kaen tumas. Hemi somaot klia evri tru samting abaotem God. Hemi bin stap wetem mifala an mifala bin lukim saen blong bikfala paoa blong hem. Bikfala paoa wea hemi tekem finis bikos hem seleva nomoa hemi San Blong God.

Gudnius abaotem Jisas Kraes wea Jon hemi raetem 12:41

Aesaea hemi talem olketa samting ya bikos hemi lukim finis saen blong bikfala paoa blong Jisas nao.

Aposol 22:1

“!Olketa wantok blong Israel, plis yufala lisin fastaem, mekem mi save ansarem olketa toktok blong yufala!”

Aposol 23:7

Semtaem Pol hemi talem olsem nomoa, bikfala raoa hemi kamap long midol long olketa Farasi an olketa Sadiusi, go-go olketa divaed long tufala haf nao.

Aposol 7:1

Nao Haeprist hemi askem Stivin olsem, “?Waswe, olketa toktok ya i tru o nomoa?”

1 Korin 2:8

No eniwan long olketa hu i rulim wol ya olketa save long disfala waes toktok. Sapos olketa bin save long hem, olketa no bin kilim dae Masta blong heven.

Efesas 1:17

Mi gohed fo askem God blong Jisas Kraes Masta blong yumi, disfala nambawan Dadi ya, fo hemi givim Holi Spirit long yufala, mekem yufala save waes tumas, an yufala save lukim God, an kasem gudfala save abaotem hem.

Taetas 2:13

Yumi mas gohed olsem taem yumi weitem yet datfala De wea yumi biliv bae hemi kam. Long datfala De, Jisas Kraes hu hemi bikfala God an Sevia blong yumi, bae hemi kambaek wetem saen blong bikfala paoa blong hem.

Hibrus 1:3

Hem nao hemi somaot saen blong bikfala paoa blong God. Hemi barava olsem God nao, an hemi holem skae an wol ya strong wetem toktok blong hem, wea hemi garem bikfala paoa. Taem hemi tekemaot sin blong olketa pipol finis, hemi go sidaon long heven long raetsaet blong God hu hemi garem evri paoa.

Hibrus 11:8

Ebraham hemi biliv long God, an dastawe hemi obeim God taem hemi kolem hem. Hemi lusim ples blong hem fo go long nara ples wea bae God hemi givim long hem. Hemi go, nomata hemi no save nomoa long ples wea hemi go-go long hem ya.

Jemes 2:1

Olketa Kristin fren, yufala mas no fevarem samfala pipol nomoa. Bikos yufala nao i biliv long Masta blong yumi Jisas Kraes hu hemi bikman long heven.

Josua 24:2

Josua hemi tok olsem long olketa, “Yumi evriwan i olketa traeb blong Israel wea Yawe nao hemi God blong yumi. Hemi tok olsem, ‘Long bifoa kam, olketa grani blong yumi i stap farawe long narasaet long Yufretis Riva, an olketa gohed nomoa fo wosipim olketa narafala god. An wanfala long olketa grani blong yumi wea nem blong hem nao Tera, hemi garem tufala san wea nem blong tufala nao Ebraham an Nehoa.

Revelesin 4:11

“Yu nao God an Masta blong mifala. Yu mekem evrisamting long wol ya, an yu givim laef long olketa samting, bikos hem nao wanem yu laek fo duim. So hemi fitim fo mifala singsing fo liftimap nem blong yu an fo mekhae long yu an fo preisim yu from bikfala paoa blong yu.”