Aposol 6:14 - Pijin Bible

¹⁴ Mifala bin herem hem talem olsem, ‘Disfala Jisas blong Nasaret bae hemi brekemdaon disfala Tambuhaos ya, an bae hemi sensim olketa kastom wei wea Mosis hemi bin givim kam fo yumi.’”

Pijin Deuterocanon

¹⁴ Mifala bin herem hem talem olsem, ‘Disfala Jisas blong Nasaret bae hemi brekemdaon disfala Tambuhaos ya, an bae hemi sensim olketa kastom wei wea Mosis hemi bin givim kam fo yumi.’”

Aposol 6:14 Iomraidhean Croise

Aesaea 65:15

“Olketa pipol wea mi bin siusim bae i yusim nem blong yufala fo tokspoelem narafala pipol. Mi Lod Yawe nao bae mi kilim yufala dae, bat bae mi givim niufala nem long olketa wakaman blong mi.

Jeremaea 26:12

Jeremaea hemi tok olsem long olketa lida an olketa narafala pipol, “Olketa. Yawe nomoa hemi sendem mi kam fo talemaot disfala profesi agensim Tambuhaos ya an disfala biktaon, mekem yufala herem.

Jeremaea 26:18

“Bifoa, taem King Hesekaea hemi king blong Jiuda, Profet Maeka, wea hemi man blong Moreset, hemi tok olsem long olketa pipol blong Jiuda, ‘Yawe hu hemi garem evri paoa, hemi tok olsem: Tambu maonten long Saeon, bae mi spoelem hem finis olsem wea mi digim graon wea distaem Tambuhaos blong Yawe hemi stap long hem, mekem datfala ples hemi kamap olsem ples fo gaden nomoa. Jerusalem bae hemi kamap olsem bikfala hip long olketa ston blong haos. An bihaen, disfala tambu maonten bae hemi kamap nomoa wanfala smolfala hil long bus.’

Daniel 9:26

Long en blong datfala taem, disfala man wea God hemi siusim, bae olketa kilim dae long wei wea hemi nating stret. Ami blong wanfala strongfala king bae hemi kam insaet long Jerusalem, an spoelem taon ya wetem Tambuhaos blong God, olsem bikfala flad nao bin spoelem. Bae olketa samting ya i hapen nao olsem wea God bin makem.

Hosia 3:4

Long sem wei tu, bae olketa pipol blong Israel mas stap fo lelebet longtaem, wea olketa no garem king, o bikman. An bae olketa no mekem sakrifaes moa long olketa narafala god, an no stanemap moa olketa pos fo wosipim. An bae olketa no yusim moa olketa kaving, o olketa narafala samting moa fo faendemaot abaotem enisamting wea bae hemi no kamap yet.

Maeka 3:12

From olketa ravis wei blong yufala, bae Yawe hemi tekem kam olketa enemi blong yumi fo spoelem bikfala taon long Jerusalem. Bae olketa mekem datfala taon fo kamap olsem bikfala hip long olketa ston blong haos. Bae hemi olsem wea olketa ya i digim graon long tambu maonten long Saeon wea distaem Tambuhaos blong Yawe hemi stap long hem, an mekem datfala ples fo kamap olsem ples fo gaden nomoa. An bae bikfala bus nao hemi kavaremap maonten ya.

Sekaraea 11:1

(Profet) !Lebanon! Yu mas openem olketa doa blong yu, mekem faea hemi kam bonem olketa sida tri blong yu.

Matiu 26:61

an sei, “Disfala man ya hemi bin sei, ‘Mi ya, mi save brekemdaon disfala Tambuhaos blong God ya, an mi save wakembaek moa insaet trifala de nomoa.’”

Gudnius abaotem Jisas Kraes wea Mak hemi raetem 14:58

“Mifala herem disfala man hemi sei, ‘Mi ya, bae mi brekemdaon nomoa disfala Tambuhaos ya, wea olketa man olketa bin mekem. An insaet trifala de nomoa, bae mi wakem wanfala niuwan moa, wea man hemi no save mekem.’”

Gudnius abaotem Jisas Kraes wea Luk hemi raetem 21:24

Samfala long olketa bae olketa kilim olketa dae wetem naef fo faet, an samfala moa bae olketa kasholem olketa an tekem olketa go long olketa deferen kantri. An olketa pipol wea olketa no Jiu, bae olketa nao i rul ovarem evri ples long Jerusalem go-go kasem en long taem blong olketa.”

Gudnius abaotem Jisas Kraes wea Luk hemi raetem 21:6

“Mi talem long yufala, evrisamting wea yufala lukim long hia ya, bae long samfala taem bihaen, olketa wol long ston ya bae olketa brekemdaon finis ya, an bae no eni lelebet ston nao hemi save stap long ples wea hemi stap long hem distaem.”

Gudnius abaotem Jisas Kraes wea Jon hemi raetem 2:19

So Jisas hemi tok olsem long olketa, “Sapos yufala brekemdaon disfala Tambuhaos, bae mi wakembaek moa insaet trifala de nomoa.”

Gudnius abaotem Jisas Kraes wea Jon hemi raetem 4:21

Nao Jisas hemi sei moa long woman ya, “Woman, yu mas bilivim mi ya, bae wanfala taem hemi kam, wea bae yufala no stap antap long disfala maonten an no long Jerusalem tu, taem yufala prea go long Dadi ya.

Aposol 15:1

Samfala man blong Jiudia olketa kam kasem Antiok, an olketa stat fo tisim olketa Kristin an sei, “Sapos yufala no kate olsem Lo blong Mosis hemi talem yumi mas duim, bae God hemi nating save sevem yufala ya.”

Aposol 21:21

An olketa herem nius wea hemi sei yu bin gohed fo tisim olketa Jiu hu i stap long olketa nara kantri, wea olketa mas no mekem olketa boe fo kate an olketa mas no falom olketa kastom blong yumi. Ya, olketa bin herem dat yu talem olketa fo lusim Lo blong Mosis.

Aposol 25:8

Bihaen, Pol hemi stat fo ansarem olketa toktok ya, an hemi sei, “Mi nating duim enisamting wea hemi agensim Lo blong olketa Jiu, o agensim Tambuhaos ya, o agensim bikfala King long Rom.”

Aposol 26:3

Mi barava hapi bikos yu nao yu wanfala man wea yu savegud long olketa kastom blong mifala olketa Jiu, an yu save tu long olketa samting wea mifala save raoa abaotem. So mi askem yu, plis, yu lisin gudfala fastaem long toktok blong mi.

Aposol 28:17

Nao trifala de bihaen Pol hemi kasem Rom, hemi talem olketa bikman blong Jiu fo olketa kam hipap tugeta. Taem evriwan olketa hipap finis, Pol hemi tok olsem long olketa, “Olketa wantok blong Israel, mi no bin duim enisamting agensim olketa pipol blong yumi o agensim olketa kastom blong olketa olo blong yumi. Bat olketa long Jerusalem olketa kasholem mi an givim mi go long han blong olketa man blong Rom.

Galesia 3:19

?So waswe nao Lo hemi stap? God hemi adem go Lo ya, mekem olketa rong samting save kamaot klia moa. God hemi minim fo Lo hemi gohed stap nomoa kasem taem wea bae disfala pikinini ya hemi kam, wea God hemi bin givim promis long hem. Olketa enjel nao i givim kam disfala Lo ya long Mosis hu hemi talemaot long olketa pipol.

Galesia 3:23

Bat long taem disfala biliv ya hemi no kamap yet, Lo hemi holem yumi olsem man long prisin. Hemi bin kontrolem yumi go-go kasem taem wea God hemi somaot disfala wei blong biliv.