Aposol 6:13 - Pijin Bible

¹³ Samfala man olketa stanap fo witnes, wea olketa laea an sei, “Disfala man ya, oltaem nomoa hemi toktok agensim disfala holi Tambuhaos blong yumi an agensim Lo blong yumi.

Pijin Deuterocanon

¹³ Samfala man olketa stanap fo witnes, wea olketa laea an sei, “Disfala man ya, oltaem nomoa hemi toktok agensim disfala holi Tambuhaos blong yumi an agensim Lo blong yumi.

Aposol 6:13 Iomraidhean Croise

Sams 27:12

Plis yu no letem mi fo stap wetem olketa enemi blong mi. Olketa ya i talem olketa laea stori abaotem mi, an olketa tokstrong long mi fo mekem mi fraet.

Sams 35:11

Olketa nogud pipol i tok agensim mi, an olketa talem dat mi nao mi mekem olketa trabol, bat mi nating duim nomoa olketa nogud samting ya.

Sams 56:5

Evride stat long moning go-go kasem ivining, olketa enemi blong mi i gohed fo mekem trabol long mi. Ya, oltaem olketa gohed fo lukaotem enikaen wei fo spoelem mi.

Hosia 7:4

Olketa evriwan i durong olobaot. An wei wea olketa laekem tumas fo durong, hemi bone insaet long tingting blong olketa, olsem barava hot faea wea hemi laet taem man hemi kukim bred long aven.

Matiu 24:15

Nao Jisas hemi sei moa, “Bae yufala save lukim wanfala nogud samting tumas wea hemi save spoelem God, bae hemi stanap insaet long tambuples. Diswan ya nao wanem profet Daniel hemi tokabaotem ya.” Man hu hemi ridim disfala toktok ya, hemi mas save gudfala long mining blong hem.

Matiu 26:59

Nao olketa hedprist an evri memba blong Kansol, olketa traehad fo faendem eni laea stori agensim Jisas, mekem olketa save jajem hem fo kilim hem dae.

Aposol 21:28

Olketa singaot bikfala olsem, “!Olketa man blong Israel, yufala helpem mifala! Disfala man ya hemi save tisim olketa pipol long evri ples fo agensim pipol blong yumi an agensim Lo blong Mosis an agensim moa disfala Tambuhaos ya. !An distaem hemi tekem kam samfala pipol hu i no Jiu tu fo kam insaet long Tambuhaos an mekem disfala tambuples fo no klin nao!”

Aposol 25:8

Bihaen, Pol hemi stat fo ansarem olketa toktok ya, an hemi sei, “Mi nating duim enisamting wea hemi agensim Lo blong olketa Jiu, o agensim Tambuhaos ya, o agensim bikfala King long Rom.”

Aposol 6:11

So olketa peim samfala man fo laea agensim Stivin olsem, “Mifala herem dat man ya hemi toktok agensim Mosis an agensim God ya.”

Aposol 7:58

an olketa pulum hem go aotsaet long biktaon ya, an olketa sutim hem dae long ston. Olketa man hu i bin tok agensim Stivin, olketa livim longfala kaleko blong olketa long han blong wanfala yangman, nem blong hem Sol.

Hibrus 7:12

An sapos God hemi sensim olketa kaen prist ya, bae Lo blong Mosis hemi mas sens tu ya.