Aposol 5:5 - Pijin Bible

⁵ Semtaem Ananaeas hemi herem diswan nomoa, hemi foldaon an hemi dae nao. An evriwan hu i herem wanem hemi hapen, olketa barava fraet fogud nao.

Pijin Deuterocanon

⁵ Semtaem Ananaeas hemi herem diswan nomoa, hemi foldaon an hemi dae nao. An evriwan hu i herem wanem hemi hapen, olketa barava fraet fogud nao.

Aposol 5:5 Iomraidhean Croise

2 Kings 2:24

Bat hemi taneraon, an lukluk strong long olketa, an hemi singaot long nem blong Yawe fo mekem trabol kasem olketa. Semtaem nomoa, tufala mere bea i kamaot from bus, an kilim dae foti-tu long olketa boe ya.

1 Kronikols 13:12

Den Deved hemi fraet long Yawe, an hemi tok olsem, “?Hao nao mi save tekem kam Tambu Boks blong God fo stap wetem mi?”

1 Kronikols 15:13

Lastaem, yufala Livaet no karim kam Tambu Boks ya, dastawe Yawe hemi panisim mifala. Yumi no askem hem abaotem barava wei fo karim Tambu Boks ya.”

Sams 119:120

Mi barava seksek fogud bikos mi fraetem yu. Ya, taem mi tingim wei wea yu jajem pipol, mi barava fraet fogud.

Sams 64:9

Olketa evriwan ya bae i fraet, an bae olketa jes save nao wanem God hemi bin duim, an bae olketa tokabaotem olketa samting wea hemi bin duim.

Jeremaea 5:14

Dastawe nao Yawe God hu hemi garem evri paoa, hemi tok olsem, “Jeremaea. Bikos olketa ya i toklaea olsem, olketa toktok blong mi wea hemi insaet long maos blong yu, bae hemi kamap olsem faea, an bae olketa pipol ya i olsem stik wea faea ya save bonem.

Esikiel 11:13

Nao taem mi gohed fo talemaot disfala profesi blong Yawe, seknomoa, Pelataea, san blong Benaea, hemi foldaon an dae nao. So, mi baodaon go-go fes blong mi hemi tasim graon, an mi kolaot bikfala olsem, “!Ooo, Lod Yawe! ?Waswe, bae yu kilim dae nomoa evriwan blong Israel hu i laef yet?”

Levitikas 10:3

So Mosis hemi tok olsem long Eron, “Hem nao samting wea Yawe hemi talem taem hemi tok olsem, ‘Bae mi somaot dat mi holi long olketa hu i kam kolsap long mi. An olketa pipol blong mi bae i mekhae long paoa blong mi.’ ” Bat Eron hemi stap kuaet nomoa.

Aposol 13:11

Distaem bae Masta hemi jajem yu, mekem ae blong yu hemi blaen fo longtaem ya an bae yu no save lukim san.” Semtaem nomoa, samting olsem blakfala smok hemi kam kavarem tufala ae blong Elimas nao. So hemi go olobaot an trae fo faendem eniwan fo holem han blong hem fo lidim hem go.

Aposol 2:43

God hemi mekem plande mirakol an plande saen nao long han blong olketa aposol, an evri pipol olketa sapraes an olketa save fraet.

Aposol 5:13

An olketa pipol hu i no biliv nao, olketa fraet fo hipap wetem olketa, nomata olketa pipol olsem i tinghae long olketa.

1 Korin 4:21

?So wanem nao yufala laekem? ?Waswe, bae mi mas kam long yufala fo panisim yufala, o bae mi save kam fo somaot lav blong mi long yufala an fo helpem yufala long gudfala wei?

2 Korin 13:10

Dastawe mi raetem go disfala leta taem mi no stap wetem yufala yet. Bikos taem bae mi go kasem yufala, mi no laek fo hatem yufala long wei wea mi mas yusim disfala paoa blong Masta. Paoa ya hemi givim long mi, mekem mi save strongim biliv blong yufala, an no fo spoelem yufala.

2 Korin 13:2

Long mektu taem mi stap wetem yufala, mi tokstrong long olketa pipol hu stap long wei blong sin. An distaem, taem mi no stap wetem yufala yet, mi talem olketa moa wetem olketa narawan hu i gohed fo sin, bae mi barava panisim olketa evriwan.

2 Korin 7:11

Yufala lukim nao wanem hemi hapen from yufala filnogud long wei wea God hemi laekem. Yufala tinghevi long stretfala wei long disfala trabol, an yufala traehad fo somaot dat yufala no rong. Yufala somaot kros long man hu hemi mekem trabol, an yufala fraetem God tu. Yufala laekem tumas fo lukim mi moa. Yufala tingting strong long God, an wiling fo panisim eniwan hu hemi rong. Long evrisamting yufala duim, yufala somaot finis dat yufala no rong long disfala trabol.

Diutronomi 13:11

Nao taem yu duim olsem, olketa pipol blong Israel bae i herem nius, an bae olketa fraet. So bae no eniwan long yufala hemi save mekem disfala ravis samting moa.

Diutronomi 21:21

So olketa man blong taon ya i mas sutim hem long ston go-go hemi dae. Long wei olsem yufala save aotem disfala ravis wei from yufala. Nao taem yufala duim olsem, olketa pipol blong Israel bae i herem nius, an bae olketa fraet.”

Josua 22:20

Yufala mas tingim datfala nogud wei ya blong Akan hu hemi bon long laen blong Sera. Yawe bin talem yumi fo barava bonem evrisamting insaet long Jeriko, fo mekem olsem ofaring go long hem, bat man ya hemi nating obeim hem. Dastawe nao Yawe hemi panisim yumi evriwan from disfala samting. An i no hem seleva nomoa hemi dae from datfala sin, bat plande long olketa pipol blong yumi nao i dae.”

Revelesin 11:13

An long semtaem nomoa, bikfala etkuek hemi sekem graon nao. An long bikfala taon ya, wanfala smolfala haf long hem hemi barava nogud, an 7,000 pipol nao olketa dae long etkuek ya. An olketa nara pipol olketa barava fraet fogud nao, an olketa gohed fo preisim nem blong God long heven.

Revelesin 11:5

Sapos eniwan hemi trae fo spoelem tufala, bae faea hemi kamaot long maos blong tufala an bonem enemi blong tufala. So eniwan hu hemi trae fo spoelem tufala, bae hemi dae olsem.