Aposol 5:40 - Pijin Bible

⁴⁰ So olketa talem olketa aposol fo kambaek moa, an olketa wipim olketa nomoa, an olketa tokstrong long olketa fo no toktok moa abaotem disfala man Jisas. An bihaen, olketa letem olketa fo go fri nao.

Pijin Deuterocanon

⁴⁰ So olketa talem olketa aposol fo kambaek moa, an olketa wipim olketa nomoa, an olketa tokstrong long olketa fo no toktok moa abaotem disfala man Jisas. An bihaen, olketa letem olketa fo go fri nao.

Aposol 5:40 Iomraidhean Croise

Provebs 12:10

Gudfala man hemi lukaftarem olketa animol blong hem. Nogud man hemi mekem olketa safa.

Aesaea 30:10

Oltaem olketa pipol ya i save tok olsem long olketa profet blong mi, ‘!Yufala profet mas stop fo lukim olketa spesol drim! !Yufala mas stop fo somaot disfala stretfala wei long mifala! !Yufala mas talemaot nomoa wanem mifala laek fo herem! Ya, mifala laek fo herem nomoa olketa naes toktok.

Emos 2:12

Yawe hemi tok moa olsem, ?Bat yufala nao i fosim olketa Nasiraet ya fo dringim waen, nomata hemi tambu fo olketa dringim. Ya, yufala stopem tu olketa profet blong mi fo no talemaot olketa toktok blong mi.

Maeka 2:6

Yufala gohed fo tokstrong long mi olsem, “!Ei! !Yu mas no tokstrong agensim mifala olsem! Hemi nogud fo yu gohed fo tokstrong abaotem olketa samting ya olowe. God hemi no save mekem mifala fo sem.”

Matiu 10:17

Yufala mas lukaot, bikos samfala man bae olketa tekem yufala go long olketa kot, an bae olketa wipim yufala insaet long olketa preahaos.

Matiu 20:19

An bae olketa givim mi go moa long han blong olketa pipol hu i no Jiu, mekem olketa mekfan long mi an wipim mi moa. An bae olketa nilam mi dae long kros tu, bat long mektri de bae mi laefbaek moa.”

Matiu 23:34

Mi talem yufala, bae mi sendem samfala profet an samfala waesman an samfala tisa long yufala. An samfala long olketa bae yufala kilim olketa dae, an samfala moa bae yufala nilam olketa long kros. An samfala moa long olketa bae yufala wipim olketa insaet long preahaos blong yufala an bae yufala ronem olketa olobaot from evri taon blong yufala.

Gudnius abaotem Jisas Kraes wea Mak hemi raetem 13:9

“Yufala mas lukaot, bikos bae olketa tekem yufala go long kot, an bae olketa ki-kilim yufala moa insaet long olketa preahaos. An bikos olketa laek fo spoelem nem blong mi, bae olketa kotem yufala long ae blong olketa primia an olketa king tu. So bae yufala mas talemaot nao Gudnius long olketa ya,

Gudnius abaotem Jisas Kraes wea Luk hemi raetem 20:10

Nao kasem taem wea olketa frut olketa redi fo tekem, man ya hemi sendem go wanfala wakaman blong hem nao fo tekem kambaek wanem olketa man hu i haerem plantesin ya olketa mas peim long hem. Bat olketa ki-kilim disfala wakaman ya an olketa sendem hem gobaek nating nomoa.

Aposol 5:28

“Mifala bin tokstrong tumas long yufala fo no tisim eniwan abaotem disfala man ya. Bat yufala mekem disfala tising blong yufala fo go kasem evriwea long Jerusalem nao. An yufala traehad tu fo talemaot dat mifala nao i bin kilim dae disfala man ya.”

2 Korin 11:24

Faefala taem nao olketa bikman blong olketa Jiu i bin wipim mi, falom hao olketa save wipim man long teti-naen taem.