Aposol 5:36 - Pijin Bible

³⁶ Yufala save, long samfala yia bifoa, disfala man Tiudas hemi kam an talem hemi wanfala bikman ya. An go-go 400 man nao olketa joenem hem. Bat gavman i kilim hem dae, an olketa man blong hem olketa go olobaot nomoa. So wanem hemi statem, hem finis nao.

Pijin Deuterocanon

³⁶ Yufala save, long samfala yia bifoa, disfala man Tiudas hemi kam an talem hemi wanfala bikman ya. An go-go 400 man nao olketa joenem hem. Bat gavman i kilim hem dae, an olketa man blong hem olketa go olobaot nomoa. So wanem hemi statem, hem finis nao.

Aposol 5:36 Iomraidhean Croise

Matiu 24:24

Bikos olketa laea Mesaea an olketa laea profet bae olketa kamap. An bae olketa mekem olketa bikfala saen an olketa mirakol wea olketa trae fo trikim olketa pipol wea God hemi siusim olketa finis.

Matiu 24:26

“So sapos olketa pipol i sei long yufala, ‘!Lukim, hemi stap long drae eria ya!’ yufala mas no go long ples ya. O sapos olketa sei, ‘!Lukim, hemi stap long disfala haos ya!’ yufala mas no bilivim toktok ya tu.

Matiu 24:5

Bae plande pipol nao olketa yusim nem blong mi, an bae olketa sei, ‘!Mi nao disfala Mesaea ya!’ An bae plande pipol nao i bilivim olketa.

Aposol 21:38

So olsem, yu no disfala man blong Ijip ya, wea bifoa hemi statem faet agensim gavman, an hemi lidim 4,000 ravis man hu i karim naef fo faet fo ran go kasem drae eria ya.”

Aposol 5:35

Bihaen hemi tok olsem long olketa memba long Kansol, “Olketa man blong Israel, yufala mas tingting gudfala fastaem long wanem yufala laek fo duim long olketa man ya.

Aposol 8:9

Nao long disfala taon ya, wanfala man nem blong hem Saemon nao hemi stap. Man ya hemi bin mekem olketa pipol long Samaria fo sapraes tumas long enikaen majik blong hem ya. Hemi save tokpraod tumas an hemi sei hem nao hemi wanfala bikman ya,

Galesia 2:6

Mi no wari long watkaen bikman nao hemi lida long sios, an God hemi no save fevarem eniwan. Bat olketa lida long sios hu olketa pipol save tinghae long olketa tumas, olketa no talem mi fo duim enisamting deferen moa.

Galesia 6:3

An sapos wanfala man hemi tingse hemi bikman tumas, hemi trikim hem seleva nao bikos hemi man nating nomoa ya.

2 Pita 2:18

Olketa gohed fo talem olketa praod toktok wea hemi krangge tumas. Olketa gohed fo toksuit mekem olketa pipol wande duim olketa samting blong wei blong sin. An from disfala wei nao, olketa save pulumbaek olketa pipol hu i trae fo lusim ravis wei blong olketa.

2 Pita 2:2

An plande Kristin bae falom olketa nogud wei blong olketa, mekem olketa pipol stat fo talem olketa ravis samting abaotem disfala Gudnius wea hemi tru.

Jiud 1:16

Olketa pipol ya, olketa i pipol fo toktok enikaen agensim nara pipol oltaem. Olketa save falom olketa ravis tingting blong olketa seleva an olketa save tokpraod tumas tu, an olketa save suitim olketa nara pipol fo helpem olketa seleva nomoa.

Revelesin 17:3

Nao paoa blong Holi Spirit hemi kam long mi, an enjel ya hemi tekem mi go long wanfala drae eria. Long ples ya nao mi lukim wanfala woman hu hemi sidaon antap long wanfala wael animol wea bodi blong hem, hemi red fogud. Wael animol ya hemi garem olketa nem olobaot long bodi blong hem, wea olketa nem ya i barava tokspoelem God. Hemi garem sevenfala hed an tenfala hon.

Revelesin 17:5

An nem blong hem hemi stap long fohed blong hem. Mining blong disfala nem ya, hemi bin staphaed. Hemi olsem: “Biktaon Babilon. Mami blong evri juri. Mami blong evri ravis wei blong wol.”