Aposol 5:27 - Pijin Bible

²⁷ Olketa sekiuriti i tekem kam olketa aposol an olketa mekem olketa stanap long frant blong Kansol nao. An Haeprist hemi gohed fo tokstrong long olketa olsem,

Pijin Deuterocanon

²⁷ Olketa sekiuriti i tekem kam olketa aposol an olketa mekem olketa stanap long frant blong Kansol nao. An Haeprist hemi gohed fo tokstrong long olketa olsem,

Aposol 5:27 Iomraidhean Croise

Matiu 5:22

Bat mi ya, mi talem long yufala, sapos eniwan hemi kros long brata blong hem, bae olketa tekem hem go long kot mekem olketa panisim hem. An sapos eniwan hemi tokspoelem brata blong hem, bae olketa tekem hem go long Kansol mekem olketa panisim hem. An sapos eniwan hemi suea nogud long brata blong hem, bae hemi mas go long faea long hel.

Gudnius abaotem Jisas Kraes wea Luk hemi raetem 22:66

Taem hemi jes stat fo delaet nomoa, olketa hedprist an olketa tisa blong Lo an olketa nara bikman moa, olketa hipap tugeta nao. An samfala man olketa lidim Jisas kam nao fo stanap long frant blong olketa memba long Kansol.

Aposol 22:30

Disfala kapten hemi laekem tumas fo save long wanem nao olketa Jiu olketa agensim Pol long hem. So long neks de hemi aotem olketa sen from Pol, an hemi talem olketa hedprist an evriwan long Kansol fo olketa mas hipap nao. An hemi tekem Pol godaon, mekem hem stanap long frant blong olketa.

Aposol 4:7

Olketa tekem kam tufala aposol ya fo stanap long midol long olketa, an olketa askem tufala olsem, “?Waswe, long watkaen paoa nao o long nem blong hu nao yutufala mekem diswan long man ya?”

Aposol 5:21

Olketa aposol i obeim diswan, an eli long moning olketa go insaet long eria blong Tambuhaos an olketa gohed fo tisim olketa pipol. Nao Haeprist an olketa man hu i waka wetem hem, olketa kolem evri bikman blong Israel fo kam long wanfala miting blong bikfala Kansol. An bihaen, olketa sendem go samfala man long prisin, mekem olketa tekem olketa aposol kam long Kansol.

Aposol 5:34

Bat wanfala man long Kansol nao hemi stanap fo toktok. Nem blong hem Gamaliel wea hemi blong seksin blong olketa Farasi, an hemi wanfala tisa blong Lo wea olketa pipol i save tinghae tumas long hem. Hemi talem olketa sekiuriti fo tekem olketa aposol fo go aotsaet fastaem.

Aposol 6:12

An long wei ya, olketa mekem olketa pipol wetem olketa bikman blong Jiu an olketa tisa blong Lo, fo olketa kros tumas long Stivin nao. An olketa go kasholem Stivin, an olketa tekem hem go long miting blong disfala Kansol.