Aposol 5:2 - Pijin Bible

² Bat tufala agri fo toklaea an haedem haf long olketa seleni ya fo tufala seleva. Nara haf long seleni nao Ananaeas hemi givim go long olketa aposol.

Pijin Deuterocanon

² Bat tufala agri fo toklaea an haedem haf long olketa seleni ya fo tufala seleva. Nara haf long seleni nao Ananaeas hemi givim go long olketa aposol.

Aposol 5:2 Iomraidhean Croise

Malakae 1:14

Man hu hemi garem wanfala gudfala sipsip wea hemi promis finis fo givim long mi, bat hemi ravem mi, an tekem narawan wea hemi nogud fo sakrifaesim kam long mi, bae mi mekem trabol fo kasem hem. Mi nao barava bikfala king hu mi garem evri paoa, an evri pipol long wol mas mekhae long mi.? Hem nao toktok blong Yawe.

Matiu 23:5

Olketa duim nomoa olketa gudfala samting, mekem olketa pipol lukim nomoa ya. An strap fo taengem Lo long bodi blong olketa, olketa mekem hem bik tumas. An olketa rop wea i hangdaon long en blong kaleko blong olketa, olketa mekem bikfala tu.

Gudnius abaotem Jisas Kraes wea Jon hemi raetem 12:6

Bat Jiudas hemi no talem diswan bikos hemi sore long olketa pua pipol, bat bikos hemi wanfala man fo stil ya. Hem nao man fo lukaftarem seleni blong olketa disaepol, an hemi save yusim nomoa samfala seleni fo hem seleva.

Aposol 2:44

Evriwan hu i biliv long Jisas i stapgud tugeta, an olketa gohed tu fo searem evrisamting wea olketa garem wetem eniwan long olketa hu i nidim.

Aposol 4:37

Hem tu hemi salem wanfala pisgraon wea hemi onam, an hemi tekem olketa seleni ya an hemi givim go long olketa aposol.

Aposol 5:1

Nao wanfala man hemi stap wea nem blong hem Ananaeas, an nem blong waef blong hem nao Safaera. Tufala i salem wanfala pisgraon blong tufala.

Aposol 5:3

Nao Pita hemi talem Ananaeas olsem, “?Ananaeas, waswe nao yu letem Seitan hemi bosim tingting blong yu, mekem yu laea long Holi Spirit an haedem haf long olketa seleni yu bin tekem fo disfala pisgraon ya?

Aposol 5:8

An Pita hemi askem hem olsem, “?Yu talem mi fastaem, diswan nao hemi barava evri seleni wea yutufala tekem long pisgraon blong yutufala ya?” An hemi ansa an sei, “Ya, hem nomoa ya.”

Filipae 2:3

Yufala mas no tingim yufala seleva nomoa an no trae fo haemapem yufala seleva. Bat yufala mas hambol an tingim olketa nara pipol olsem olketa nao gudfala winim yufala.

1 Timoti 6:10

Enikaen ravis samting nao hemi save kamaot long diskaen wei fo lavem seleni tumas. Samfala pipol hu i laekem seleni tumas, olketa gorong finis long biliv blong olketa nao, an olketa mekem olketa seleva fo filnogud tumas.